Josué 15:11 - Qullan Arunaca

¹¹ Sarascaquïnwa Ecrón sat amsta mistuñanjama, Sicrón tokeru muytaniñataqui, uqhamaraqui Baala kollu chekanjam pasasina, Jabneel chekar mistusina, ucatsti Mar Mediterráneo sat jach'a kotar tucuyañataqui.

Aymar Bibliia 1986

¹¹ Sarascaquïnwa Ecrón sat amsta mistuñanjama, Sicrón tokeru muytaniñataqui, uqhamaraqui Baala kollu chekanjam pasasina, Jabneel chekar mistusina, ucatsti Mar Mediterráneo sat jach'a kotar tucuyañataqui.

Qullan Arunaka DC

¹¹ Uka chiqatsti Ecrón amsta qullunakanjam saraskakïna, Sicrón tuqir muytanisina, Jabneel chiqakama, Baalá qullu sarakipasa, ukat Mar Mediterráneo jach'a qutar puriñkama.

Josué 15:11 Jak'a apnaqawi uñst'ayäwi

2 Reyes 1:16

ucatsti aqham sänwa: —Aqham siwa Tatitojja: ‘Juman qhitanaca qhitasitamata Ecronanquir Baal-zebub sat diosaru jisct'asiri, janis Israel marcanjja Diosajj jisct'asiñataqui utjcaspa uqhama, ucatwa iquiñamatjja jan sartcjjätati, jan ucasti jiwjjätawa’ —sasa.

2 Reyes 1:6

Jupanacasti sapjjänwa: —Mä chachawa sarquipana jicjjatapjjetu, ucatsti yatiyapjjetuwa cutt'jjapjjañanacajja qhitanipquitu uca reyin ucaru, ucatsti sapjjaraquituwa: Aqham siw Tatitojja: ‘¿Janit Israel marcan Diosasti utjquisti, Ecronanquir Baal-zebub diosar jisct'ir qhitañamataquisti? Uqham luratamatsti, janiw iquiñamata sartcjjätati, jan ucasti jiwjjätawa’ —sasa.

2 Crónicas 26:6

Uziasasti sartasinjja filisteonacampiw nuwasir saräna, Gat sat marcan perkanacapjja tucjänwa, uqhamarac Jabnia, Asdod uca marcan perkanacapsa. Ucatsti jupajj filisteonaca taypina Asdod orakenjja marcanacwa lurayäna.

Números 34:6

“Inti jalanta korpasti tucuyaniw Mar Mediterráneo sat jach'a kota thiyanacaru.

Josué 15:10

Baala chekatsti korpajj muytanïnwa intis jalantqui ucsacama Seir sat kollur puriñcama; pasascaquïnwa Quesalón sutin chekanjama Jearim kollu amsta thiyanjam pasasina ucata Bet-semes chekar puriñcama, Timna sat cheka pasañataqui.

Josué 15:12

Tucuyarusti inti jalanta toketjja korpajj Mar Mediterráneo sat jach'a kotaraquïnwa. Uca korpanacaraquiw Judá tribun orakeparus muytäna cawquïrtï familianacajj jaljasipcäna ucanaca.

Josué 15:45

Uqhamaraqui Ecrón sat marca, jach'a marcanacampi, jisc'a marcanacampi cuna.

Josué 15:9

Muytasincaquïnwa kollu patanjama Neftoa sat uma jalsucama sarakasa, Efrón kolluna marcanacapar puriñcama, uqhamaraqui Baala chekanjam pasasina, cawquïritï Quiriat-jearim sutinïcaraqui.

Jueces 1:18

Ucampis Judá tribunquirinacasti janiw ch'amanïpcänti catuntañataquejja Gaza, Ascalón, Ecrón uca marcanacarojja ni uca jac'a marcanacarusa.

1 Samuel 17:52

Uqhamasti israelita jakenacajja, uqhamarac Judá ucanquir jakenacasa, filisteonacan jaltjjatanacap uñjasinsti, wali jach'at arnakasisaw filisteonacarojj arctapjjäna, Gat sisqui uca mantañcama, Ecrón marcan puncupcamaraqui. Thaquinsti Saaraim sisqui ucat, Gat uqhamarac Ecrón sisqui ucacamajja filisteo soldadonac jiwaratajja walipunïnwa.

1 Samuel 5:10

Ucatsti filisteonacajj Diosan arcapjja Ecrón sat marcaruw apjjapjjäna, ucampisa cunapachatejj Diosan arcapajj uca marcar purïna ucapachasti uca marcan jaquir jakenacajj wali arnakasipjjäna: “¡Israel marcan Diosapan arcapwa acar apanipjje take jiwasanacar jiwarayañataqui!” sasa.

1 Samuel 5:8

Ucatwa filisteonacan take jilïrinacapan ucaru qhitapjjäna, jupanacampi tantacht'asisinsti, jisct'apjjaraquïnwa: —¿Cuns Israel marcan Diosapan arcapampejj lurañäni? —sasa. —Gat sata marcaru apapjjam —sasaw jilïrinacajj sapjjaraquïna. Ucatsti filisteonacajj ucaruw apapjjäna.

1 Samuel 7:14

Cawquïri marcanactejj filisteonacajj israelitanacat aparapcatayna ucanacasti Ecrón sisqui uca chekat kalltasina Gat sisqui ucacamajja wasitatwa israelitanacancjjäna. Uqhamatwa israelitanacajj filisteonacan amparanacapat orakenacapjja cutsuyasjjapjjäna, israelitanacampi, amorreonacampi sumancañaw utjaraquïna.