Josué 15:10 - Qullan Arunaca

¹⁰ Baala chekatsti korpajj muytanïnwa intis jalantqui ucsacama Seir sat kollur puriñcama; pasascaquïnwa Quesalón sutin chekanjama Jearim kollu amsta thiyanjam pasasina ucata Bet-semes chekar puriñcama, Timna sat cheka pasañataqui.

Aymar Bibliia 1986

¹⁰ Baala chekatsti korpajj muytanïnwa intis jalantqui ucsacama Seir sat kollur puriñcama; pasascaquïnwa Quesalón sutin chekanjama Jearim kollu amsta thiyanjam pasasina ucata Bet-semes chekar puriñcama, Timna sat cheka pasañataqui.

Qullan Arunaka DC

¹⁰ Baalá chiqat inti jalanta tuqirusti, qurpax Seír qullu chiqakamaw purïna, Quesalón chiqaw saräna, Jearim qullu amsta tuqipanjama, ukatsti Bet-semes chiqakam saraqäna, Timná chiqa sarakipasa.

Josué 15:10 Jak'a apnaqawi uñst'ayäwi

2 Samuel 6:2

Judá oraketa, Baala sisqui uca chekat take jupampi chicäpcäna uca soldadonacampi sartanisinsti, Tatitun arcapa uca chekat aptawayjjañaruw uscusi. Uca arcjjataraqui Tatitutjja mayisitajja, konuñapasti querubines sat angelanacjjancaraquiwa.

2 Reyes 14:11

Ucampis Amasías reyejj janiw ist'añ muncänti. Ucatsti Israelan Joás reyipajj jutantänwa Amasías reyimpi nuwantasiri Bet-semes sat chekana, ucasti Judá orakenwa jicjjatasi.

2 Crónicas 28:18

Yakha toketjja filisteonacaraquiw pampanquiri marcanacatjja aparapjjäna, uqhamarac Judá orakenquir Néguev marcatsa. Jupanacasti catuntasipjjänwa Bet-semes chekatjja Ajalón, Gederot ucanaca, Soco chekatjja Timna, Gimzo ucanacaraqui jisc'a marcanacapamppacha, ucatjja uca marcanacanaracwa utjnoktapjjäna.

Josué 15:11

Sarascaquïnwa Ecrón sat amsta mistuñanjama, Sicrón tokeru muytaniñataqui, uqhamaraqui Baala kollu chekanjam pasasina, Jabneel chekar mistusina, ucatsti Mar Mediterráneo sat jach'a kotar tucuyañataqui.

Josué 15:57

Caín, Gabaa, uqhamaraqui Timna sat marca, takpachasti tunca marcanaca jisc'a marcanacampi cuna.

Josué 19:38

Irón, Migdal-el, Horem, Bet-anat, uqhamaraqui Betsemes sat marcanaca. Takpachasti tunca llätuncani marcänwa, jisc'a marcanacamp cuna.

Josué 21:16

Aín, Juta, uqhamaraqui Bet-semes marcanaca. Aca llätunca marcanacasti sapa mayniw uywanac awatisiñatac pasto orakenacanïna.

Jueces 14:1

Sansón chachasti mä urojj Timnat sat marcar sarasinsti mä filistea warmiruw uñjäna.

Jueces 14:5

Sansón waynasti, awquipampi, taycapampi uqhamaw Timnat sat marcaru sarapjjäna. Cunapachatejj marca jac'a uva yapunacar puripcäna ucqhajja mä leonawa warart'asis mistsunïna jaljjatañataqui.

1 Samuel 6:9

Ucampisa wali uñch'uquipjjaraquim, uca carretatejj Bet-semes sat orakep tokeru sarjjanejja, ucapachajj yatiñäniw Israelan Diosapajj jiwasar mutuyatapa, ucampisa janitejj orakep tokeru sarcani ucapachajj yatiraquiñäniw mutuyäwisajj jan Israelan Diosapat jutatapa, jan ucasti mä jan walt'añaqui jiwasar jutatapa.