Josué 12:3 - Qullan Arunaca

³ Jordán jawirat inti jalanta tokerus atipjaraquïnwa, Cineret kota chekata Mar Muerto ucacama, Bet-jesimot toketpacha, ucatsti Pisga sat kolluta aynach tokecama.

Aymar Bibliia 1986

³ Jordán jawirat inti jalanta tokerus atipjaraquïnwa, Cineret kota chekata Mar Muerto ucacama, Bet-jesimot toketpacha, ucatsti Pisga sat kolluta aynach tokecama.

Qullan Arunaka DC

³ ukatsti Jordán jawirat inti jalsu tuqinkki uka qhirwamppacha, alay tuqirusti Galilea qutata Mar Muerto sat qutakama, ukat aynach tuqirux Pisgá qullu kayukama.

Josué 12:3 Jak'a apnaqawi uñst'ayäwi

Génesis 14:3

Aca khepa pheska reyinacasti Sidim vallenwa ejercitonacapjja tantachapjjäna, cawqhancquitejj jichhajj Mar Muerto sat kotajj ucqhana.

Génesis 19:25

ucatsti take qhitinacatejj uca marcanacan jacapcäna ucanacampwa t'unjäna, uqhamarac take cunatejj uca vallen jilcäna ucanacsa k'alwa t'unjäna.

1 Reyes 15:20

Ben-adad reyisti iyaw sänwa Asa reyin arunacaparojja, ucatsti qhitänwa ejercitopan jilïrinacaparu Israelan marcanacaparu nuwantiri. Uqhamatwa catuntasïna Ijón, Dan, Abel-bet-Maaca chekanaca, uqhamarac take Cineret, ucatsti Neftalí take orakpacha.

Ezequiel 25:9

Ucatpï jichhajj Moab ucarojj jaraphipa ch'iyjäjja, mä thiyata mä thiyacamajja jan marcanacani jaytaraquëjja, cawquïri marcanacatejj uca oraketaquejj korïcaspas uqhamäqui ucanaca, ucanacasti acanacawa: Bet-jesimot, Baal-meón, uqhamaraqui Quiriataim marcanaca.

Números 21:20

Bamot chekatsti, Moab chekan vallejj utjqui ucaruw puripjjäna, Pisga sat kollu tokenjama, cawqhantejj wasarajj uñstqui ucqhana.

Números 34:11

ucatsti Sefam chekatjja Ribla chekacama, Aín sat inti jalsu chekacama; uca chekatsti korpajj sarakaniw intisa jalsqui Cineret kota thiyanjama,

Lucas 5:1

Mä cutejj Jesusajj Genesaret kota thiyancascänwa; ucarusti walipuniw jakejj tantthaptanïna wali ñekjjasiñcama Diosan arunacap ist'añataqui.

Juan 6:1

Uca pasatatsti Jesusajj sarawayjjänwa Galilea kotat mayscataru, uca kotasti Tiberias sataraquiwa.

Deuteronomio 3:17

Qhursa inti jalsu tokerusti Arabá sat orake churäyäta, Pisga sat kollun inti jalsu tokeru, cawquïri oraketï Jordán jawirampi korpasqui, ucatsti Cineret kota toketa sararaqui Jayun kotar puriñcama, cawquïritï Mar Muerto satäqui ucacama.

Deuteronomio 4:49

Ucatsti take Arabá sat orakenaca, Jordán jawirat inti jalsu tokena, Mar Muerto kotacama Pisga sat kollu cayu irancama.

Josué 11:2

take cawquïri reyinacatï kollu tokenacan jacapcäna, Jordán vallen jaquirinaca, Cineret kota aynachanacan jaquirinaca, uqhamaraqui Dor pampanacan jaquirinaca, inti jalanta token jaquirinaca,

Josué 13:20

Uqhamaraqui Bet-peor, Bet-jesimot marcanaca, uqhamaraqui Pisga sat kollu iramancqui ucanaca,

Josué 15:2

Ucsa toketjja jaljaraquïnwa Mar Muerto kotäquis uca aynachatpacha,

Josué 15:5

Inti jalsu toketjja, korpajj Mar Muerto kota uqhatänwa, cawqharutï Jordán jawirajj purqui ucqhacama. Uca chicataracwa amsta toke korpajj sartawayäna.

Josué 3:16

cawquïri umanacatï alaya toket jutapjjän ucanacajj pachparuw sayt'apjjäna mä kollur uñtata, Adam sat marcatsa juc'ampi jayaru cawquïri marcatï Saretán marca sat jac'anccäna uca chekaru. Aynachar sarir umanacasti sarasipcaquïnwa Mar Muerto sat kotar puriñcama, uqhamaw uca jawirajj payaru t'akjtäna, ucatjja israelit jakenacajj maqhatapjjänwa Jericó marca uñcatasiru.