Josué 10:3 - Qullan Arunaca

³ Ucatwa Adonisedec reyejj mä yatiyäwi apayäna acnïri reyinacaru: Hohan sat Hebrón marcan reyiparu; Piream sat Jarmut marcan reyiparu; Jafía sat Laquis marcan reyiparu; uqhamaraqui Debir sat Eglón marcan reyiparu aqham sasa:

Aymar Bibliia 1986

³ Ucatwa Adonisedec reyejj mä yatiyäwi apayäna acnïri reyinacaru: Hohan sat Hebrón marcan reyiparu; Piream sat Jarmut marcan reyiparu; Jafía sat Laquis marcan reyiparu; uqhamaraqui Debir sat Eglón marcan reyiparu aqham sasa:

Qullan Arunaka DC

³ Ukat Adonisédec reyix yatiyäwi apayäna Hebrón markan Hoham reyiparu, Jarmut markan Piram reyiparu, Laquis markan Jafía reyiparu, Eglón markan Debir reyiparu akham sasa:

Josué 10:3 Jak'a apnaqawi uñst'ayäwi

Génesis 23:2

Quiriat-arba sisqui uca chekanwa jiwawayjjaraquïna, Hebrón marcana, Canaán orakena. Abrahamasti warmipan jiwatapatjja wal jacharaquïna, lutt'asiraquïnwa.

Génesis 37:14

—Uqhamajj saram, ucatsti uñjt'anim cunjämäsquis jilanacamajja, uqhamarac ovejanacasa ucanaca, ucatsti janc'aqui nayar yatiyiri cuttanim —sasaw awquipajj saraquïna. Israelasti Josearojj Hebrón valletwa qhitatayna, Joseasti Siquem chekaru purisinsti,

2 Samuel 2:11

Uqhamasti Davidajj Judá triburojj apnakaraquïnwa pakallko mara, sojjta phajjsini, jupasti Hebrón jach'a marcatwa apnakaraquïna.

2 Reyes 18:14

Ucatsti Judá marcanquiri Ezequías reyejj mä yatiyirwa qhitäna Asirianquiri reyin ucaru, jupasti Laquis chekancascänwa, aqham sasa: “Nayaw juchanïtjja. Jichhasti marcajjatjja sarjjam ucatsti nayajj impuestjja pagämawa, kawkhtejj mayquitäta ucqha” sasa. Ucatsti Asirianquiri reyejj Judá marcanquir Ezequías reyirojj impuestonacwa mayïna llätunca waranka llätunc patacan kilo kollkenaca, uqhamarac llätunca pataca llätunc tuncani kilo korinacaraqui.

2 Reyes 18:17

Ucatsti Asirianquiri reyejj jupan wali uñt'ata mä jilïri oficialaparuwa Ezequías reyin ucar qhitäna, uqhamarac yakha jilïr oficialampiru mä jach'a wali ch'aman ejercitompiraqui. Jupanacasti Laquis chekatwa sarapjjäna Jerusalén marcar nuwantañataqui. Cunapachatï Jerusalén jac'aru puripjjäna ucqhajja, utjnoktapjjänwa patäjja estanquen canalapa jac'aru, cawquïr thaquitejj Pañonaca T'ajjsuñ pamparu sarqui uca thacjjaru.

2 Crónicas 11:9

Adoraim, Laquis, Azeca,

Jeremías 34:7

Ucañcamasti Babilonia reyin soldadonacapasti Jerusalén marcaruw wali nuwantasinipcäna, uqhamaraqui Laquis, Azeca sisqui uca marcanacarusa, cawquïri suma perkanacampi muyuntata marcanacatejj Judá oraken kheparcatayna uca marcanacarusa.

Miqueas 1:13

Jumanacasti, Laquis chekan utjasirinaca, Israeljamaraquiw Diosataqui sayt'asipjjayätajja, Sionarus jumanacaraquiw jucharojj puriyapjjtajja, caballonacamjja carronacamaruy chincatapjjam.

Números 13:22

Néguev sat chekanjam mantasinjja Hebrón sat chekacamaw puripjjäna. Ucanwa jacapjjäna Ahimán, Sesai, Talmai, Anac chachanacan wawanacapajja. Hebronasti luratänwa pakallko mara nayräjja Egiptonquir Zoán marcat sipansa.

Josué 10:1

Adonisedec sutini Jerusalén marcan reyipajj, wal ajjsartäna cunapachatï jupajj yatïna Josué chachan Hai marcaru t'unjatapa, cunjämtï lurcatayna marcampi, reyipampisa, uca quipca Jericó marcampi luratapsa. Uqhamaraquiw yatïna Gabaón marcan israelitanacampi suma arust'äwir mantapjjatapsa, uqhamaraqui jupanac taypina jacapjjatapsa.

Josué 10:23

Uqhamwa jupanacajj lurapjjäna putu mankheta pheska reyinacar irpsunisa, Jerusalén, Hebrón, Jarmut, Laquis, uqhamaraqui Eglón marcanacan reyinacaparu.

Josué 10:34

Laquis marcat mistuwayasinjja Josué chachajj israelit jakenacampejj Eglón marca jac'aruw puripjjäna ucat nuwantapjjaraquïna.

Josué 10:5

Uqhamaw pheska amorreo reyinacajj sarapjjäna walja jakenacamp cuna; Jerusalén marcan reyipa, Hebrón marcan reyipa, Jarmut marcan reyipa, Laquis uqhamaraqui Eglón marcan reyipa; Gabaón marcaru t'unjañataqui.

Josué 14:15

Hebrón kollun nayra sutipasti Quiriat-arba satänwa, mä jakeraquiw utjäna Arba sat sutini, anaquita marca taypina taken wali uñt'ata. Ucatsti uca orakenacanjja samarañaw utj-jjäna.

Josué 15:54

Humta, Quiriat-arba, (cawquïritï Hebrón satäcaraqui) Sior marca cuna, juntorusti llätunca marcanacänwa jisc'a marcanacampi cuna.

Josué 15:63

Ucampis Judá tribun wawanacapajj janiw Jerusalén marcan jebuseo jakenacarojj jakonucuñ puedcänti, jichhürcamas jupanacajj jacasipcaquiwa Judá tribun wawanacapampi chica.

Josué 18:28

Zela, Elef, Jebús (cawquïritï Jerusalén sutinïcaraquïna,) uqhamaraqui Gabaa, Quiriat marcanaca; ucampisti tunca pusin marcanaca, jisc'a marcanacampi cuna. Uca orakenacaw wact'äna Benjamín tribun wawanacaparojja.