Josué 10:1 - Qullan Arunaca

¹ Adonisedec sutini Jerusalén marcan reyipajj, wal ajjsartäna cunapachatï jupajj yatïna Josué chachan Hai marcaru t'unjatapa, cunjämtï lurcatayna marcampi, reyipampisa, uca quipca Jericó marcampi luratapsa. Uqhamaraquiw yatïna Gabaón marcan israelitanacampi suma arust'äwir mantapjjatapsa, uqhamaraqui jupanac taypina jacapjjatapsa.

Aymar Bibliia 1986

¹ Adonisedec sutini Jerusalén marcan reyipajj, wal ajjsartäna cunapachatï jupajj yatïna Josué chachan Hai marcaru t'unjatapa, cunjämtï lurcatayna marcampi, reyipampisa, uca quipca Jericó marcampi luratapsa. Uqhamaraquiw yatïna Gabaón marcan israelitanacampi suma arust'äwir mantapjjatapsa, uqhamaraqui jupanac taypina jacapjjatapsa.

Qullan Arunaka DC

^1-2 Jerusalenan Adonisédec sat reyipax Josué chachan Ai markaru, reyipampiru katuntasin q'al tukjatapa, ukatsti uka markaru kunjämtix Jericó markaru, reyiparusa nayrax lurkatayna uka kipka luratapa, ukhamarak gabaonita jaqinakan israelitanakampi sumar mantxapxatapa, jupanak taypin jakapxatapsa yatïna ukkhax wal axsarayasïna. Juk'ampisa gabaonita jaqinakan jupanak taypin jakatapaw wal axsarayäna, Gabaón markax wali aytat markänwa, Ai markat sipan juk'ampi jach'araki, maynïr markanakjam reyiniraki, jaqinakapasti nuwasiñatakix jan axsaririnakänwa.

Josué 10:1 Jak'a apnaqawi uñst'ayäwi

Génesis 14:18

Uqhamaraquiw Salem marcanquir Melquisedec reyisa, alajjpachanquir Diosan sacerdotepajj apsuniraqui t'ant'ampi, vinompi,

Hebreos 7:1

Melquisedec chachajj Salem marcan reyipänwa, alajjpach Diosan sacerdoteparaqui. Cunapachatï Abrahamajj, reyinacamp nuwasïwita, atipjanisin cuttanjjäna ucapachajj Melquisedec sacerdotew jicjjatir mistunïna ucat juparojj bendicïna.

Josué 10:3

Ucatwa Adonisedec reyejj mä yatiyäwi apayäna acnïri reyinacaru: Hohan sat Hebrón marcan reyiparu; Piream sat Jarmut marcan reyiparu; Jafía sat Laquis marcan reyiparu; uqhamaraqui Debir sat Eglón marcan reyiparu aqham sasa:

Josué 6:21

Ucjjarusti jiwarayapjjänwa espadampi take jakenacaru, warminacaru, waynanacaru, chuymani jakenacar cuna; uqhamaraquiw take uywanacaru, vacanacaru, ovejanacaru, asnonacarusa. Take cunatï Jericó marcan utjcäna ucanac jiwarayapjjäna, Diosaru mä sacrificio loktasina.

Josué 8:2

Jumasti cunjämtï lurta Jericó marcampejja uca quipca luraraquïta Hai marcarojja uqhamaraqui reyiparusa. Acamänsti jumanacaw take yänacap jumanacataqui apasinjjapjjäta, uqhamaraqui animalanacapsa. Jichhajj waquichasimay Hai marcaru acatjamat khepäjjat t'unjañataqui” sasa.

Josué 8:21

Josué chachajj uqham Hai marcaru jakenacapan t'unjasquir uñjasajj uqhamaraqui nina akasquir uñjasasa, khepa tokeru cuttanisinjja Hai marcanquir jakenacaruw t'unjaraquïna.

Josué 9:3

Ucampisa gabaonita jakenacajj sumwa yatipjjäna cunjamtï Josué chachajj lurcatayna Jericó marcampejja uqhamaraqui Hai sat marcampisa ucanacjja,