Josué 1:2 - Qullan Arunaca

² “Moisés sirvirejjajj jiwjjewa, jichhasti jumaruw wact'tam Jordán jawira take israelit jakenacampi maqhatañajja, cawquïri oraktï jumanacar churapcäma ucar sarapjjañamataqui.

Aymar Bibliia 1986

² “Moisés sirvirejjajj jiwjjewa, jichhasti jumaruw wact'tam Jordán jawira take israelit jakenacampi maqhatañajja, cawquïri oraktï jumanacar churapcäma ucar sarapjjañamataqui.

Qullan Arunaka DC

² “Moisés luqtirixax jiwxiwa, jichhasti jumaruw taqi israelit jaqinakampix Jordán jawir makhatañax wakt'tam, kawkïri uraqtix jumanakar churapkäma ukar sarañataki.

Josué 1:2 Jak'a apnaqawi uñst'ayäwi

Génesis 17:8

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Nehemías 9:23

Jupanacarojj walja wawaninacaruwa tucuyäyätajja cunjämatï alajjpachana warawaranacajj walja utjqui uqhama, ucatjja irpäyätawa cawquïr oraktejj nayra awquinacaparu arscäyäta churañataqui uca orake catokasipjjañapataqui.

Job 1:8

Ucat Tatitojj Supayarojj saraquïnwa: —¿Job sat sirvirejjaru uñjaniwaytati? Janiw qhitisa orakenjja utjquiti jupjama cheka, asqui jakejja, jupasti janipuniw qhitirus ñankha lurañ munquiti —sasa.

Isaías 42:1

“Acajj sirvirejjajja, qhitirutejj nayajj uywascta ucajja, ajllisitajjawa, jupanracwa cusistjja. Ajayojjsa jupjjaruraquiw uchtjja, uqhamat cunatejj chekapäqui ucanac take marcanacaru apaniñapataqui.

Números 12:7

Ucampisa Moisés sirvirejjarojj janiw uqham lurcäti, jupasti asqui jakewa take sirvirinacajjat sipansa.

Deuteronomio 3:28

Jichhajj churamay Josué chacharojj ewjjanaca, uqhamarac juparojj ch'amañcham, thuru sayt'asiyaraquim, jupaw marcan nayrap sarani, uca orakenacsa catuntaraquini, cawquïrtï jichhajj uñjta ucanaca’ sasa.

Deuteronomio 31:7

Ucatsti Moisesajj Josué chacharuw jawsäna, take Israel marca nayräjjana aqham sasa: “Ch'amacht'asim, sayt'asiraquim, jumaw aca jakenacar irpäta, cawquïri oraktï Tatitojj arupampi arsusin jumanacan awquinacamar churämaw siscän ucaru, ucatsti jumaraquiwa uca orakenac laquintäta.

Deuteronomio 34:5

Uqhamaw Tatitun sirviripa Moisesajj, Moab orakena jiwjjäna cunjämatejj Tatitojj siscäna uqhamarjama.

Josué 1:1

Diosan sirviripa Moisesan jiwjjatapatjja, Diosajj Josué chacharuw parläna. Jupasti Nun sat jaken yokapänwa, uqhamaraqui Moisesan yanapiripa, ucatsti aqham sänwa:

Josué 1:11

“Jumanacasti sarapjjam take campamentpacharu ucatsti take jakenacar sapjjam: Mank'añ waquichasipjjam, acat quimsa ururuw Jordán jawira maqhatasin catuntañäni cawquïri oraktï Tatitu Diosajj churquistani uca” sasa.