Joel 3:1 - Qullan Arunaca

¹ Tatitojj siwa: “Cunapachatejj uca urojj purincani ucqhajja Judämpiru, Jerusalén marcampirojj cuttayanjjäwa.

Aymar Bibliia 1986

¹ Tatitojj siwa: “Cunapachatejj uca urojj purincani ucqhajja Judämpiru, Jerusalén marcampirojj cuttayanjjäwa.

Qullan Arunaka DC

¹ 1 (1) Tatitusti siwa: “Kunapachatix uka urux purinkani ukkhaxa, Judá markampiru, Jerusalén markampirux kuttayanxäwa.

Joel 3:1 Jak'a apnaqawi uñst'ayäwi

Salmos 14:7

¡Israel marcan khespiyasiñapajj Sión marcatpach jutaquispa! Tatitojj t'akhesiyat marcapar cusisiycan ucapachajja, Jacobon wawanacapajj cusisiniwa, Israel marcasti cusisiraquiniwa.

Salmos 85:1

Tatay, aca marcamataquejj sinti munasiñanïtawa, Jacoborojj cusisiñap cutcatayjjtawa,

Proverbios 1:23

Nayan ewjja arunacajjaru ist'apjjeta, ucatsti nayaw yatiñanïña churapjjäma, yatichäwinacajjsa yatiyapjjaraquïma.

Isaías 44:3

wasaran nayajj uma jalayä, waña orakensti jisc'a jawiranac jalayaraquï. Wawanacamarusti mä machak jacañ churä, bendicionajjsa jupanacjjarojj apayaniraquïwa.

Jeremías 16:15

jan ucasti sapjjätawa: ‘Israelitanacaru amsta marcata uqhamaraqui yakha marcanacaru ananacutat cuttayanquistu uca Tatitojj jacasquiwa’ sasa. Nayaw jumanacarojj orakemaru cuttayanjjapjjäma, cawquïri oraktejj nayra awquinacamaru churcta ucaru.

Jeremías 29:14

Jïsa, nayaw jumanacarojj, nayrakatajjaru puriyanipjjäma, ucatsti sarnakäwinacamjja nayaw uñj-jjaraquï. Take marcanacatwa jumanacarojj apsunjjapjjäma, uqhamaraqui take chekanacatwa apsunjjapjjäma, cawqhanacarutejj nayajj jumanacaru ananucupcsma uca chekanacata, ucatsti tantacht'asinjja, aca pachpa chekaruw jawsthapjjapjjaraquïma cawqhattejj ananucupcsma uca pachpa chekaru. Naya Tatituw ucjja arsta.’

Jeremías 30:18

Tatitojj siwa: “Jacobon marcapan sarnakäwipjja mayjaruw uñj-jjä, marcapatsti qhuyapayasïwa, marcanacasti, t'unjatäcänsa uca pachpanacjjaruw sayt'ayasini, palacionacas cawqhancañapäquitejj ucqharuraquiw utachasini.

Jeremías 30:3

mä uruw purinini, cunapachatejj nayan Israel marcajjasa uqhamaraqui Judá marcajjasa mayjt'ayatäjjani ucajja. Naya, Tatituw, arsta. Cawquïri oraktejj nayajj nayra awquinacaparu churcta uca orakeruw jupanacarojj cuttayjjä” sasa.

Ezequiel 16:53

“Samaria uqhamaraqui Sodoma marcampirusti nayaw suman sarnakasiñapjja cuttayjjaraquëjja, uqhamaraqui uca marcanacan jisc'a marcanacaparusa; jumarusa uca quipcaraquiw cuttayjjäma take phokt'ata sarnakañamjja.

Ezequiel 39:25

Ucatpï jichhajj Tatitojj sejja: “Jichhajj take Israel marcpachatwa qhuyapayasëjja, take Jacobon wawanacapata. Jichhajj Israelan sarnakäwipajj sumäjjaniwa, uqhamat wayt'añajjataqui nayan kollan sutejjajj suma uñjatäñapataqui.

Daniel (hebreo) 12:1

“Ucapachaw Miguel angelajj uñstaniraquini, cawquïri jach'a arjjatasiri angelatejj marcamarojj arjjatqui uca: “Ucasti mä llaquisiña horasäniwa, uca horasjamasti janipuniw cunapachas utjcänti, cunapachattejj marcanacajj uñsti ucat acsarojja. Cunapachatejj uca horasajj purinini ucapachasti, marcamanquirinacajja takeniw khespipjjani, cawquïrinacantejj sutinacapajj libron kellkatäqui ucanacajja.

Joel 2:29

Uqhamaraquiw qhaya urunjja sirvirinacamjjarusa, ajayojjwa qhitaniraquëjja;

Amós 9:14

Ucqhawa Israel marcarojj apanucutat cutt'ayanëjja. T'unjat marcanacsa wasitat sayt'ayapjjani, ucanracwa jacasipjjani; uva yapunacwa ayruntapjjani, ucatsti vino umapjjaraquini. Huertonacap yapuchasinjja, achunacapjja mank'apjjaraquiniwa.

Números 11:29

Ucampisa Moisesajj sänwa: —¿Cunatsa jumajj naya sapan parlañajjaqui muntajja? Tatitojj inas takpach marcaru ajayup churaraquispa, ucatsti takeniw profetanacäpjjaspajja —sasa.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Deuteronomio 30:3

ucapachajj Tatitu Diosajj juman sarnakäwimjja trocätamwa, ucatsti qhuyapayasiraquïtamwa; mayampwa tantachjjätam take marcanacat irpthapisina,