Joel 2:21 - Qullan Arunaca

²¹ “Walpun cusisim orake, janirac ajjsaramti, Tatitusti jach'a luräwinacwa lurani uca laycu.

Aymar Bibliia 1986

²¹ “Walpun cusisim orake, janirac ajjsaramti, Tatitusti jach'a luräwinacwa lurani uca laycu.

Qullan Arunaka DC

²¹ Munat markaxa, walpun kusisim, janirak axsaramti, Tatitusti jach'a muspharkañ luräwinak lurani.

Joel 2:21 Jak'a apnaqawi uñst'ayäwi

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Salmos 71:19

Diosay, muspharcañ asqui cancañamajj alajjpachcamaw puri: jumajj jach'a luräwinac uñachaytajja; janiw qhitis jumjamajj utjquiti.

Salmos 98:8

jawiranacajj amparanacap t'ajjllirasipjjpan; kollunacajj mayachasisin cusisiñamp art'asipjjpan,

Isaías 35:1

Wasarajj cusispan, waña orakes uqhamaraqui, cusisiñampi phokt'aspan, pankararacpan,

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 44:23

¡Alajjpacha, cusisiñat arnakasim cuntejj Tatitojj lurqui ucata! ¡Orak mankhanaca, cusisiñat arnakasipjjam! ¡Kollunaca, uqhamaraqui ch'uminaca take kokanacamampi, cusisiñat arnakasipjjam! Tatitojj jach'a cancañap uñacht'ayatap laycu, Israelar, Jacobon marcaparu khespiyatap laycu.

Isaías 54:4

Jan ajjsaramti, janiw mä p'enka uñjascätati, janiw cuna jan wali arunacsa sapcätamti, janiraquiw cunatsa p'enkascätati. Tawako cancañaman p'enkachatäcäyät ucjja armasjjätawa, janiraquiw mayampsa ijma cancañam jisc'achapcäyätam ucsa amtascjjätati.

Isaías 55:12

“Jumanacajj ucatjja cusisitaw mistunjjapjjäta, marcamarusti sumaquiw cuttawayjjapjjaraquïta. Jumanacar uñjasinsti montenacasa, kollunacasa cusisiñat k'ochupjjani, pampanquiri kokanacasti amparanacapwa t'ajjllisipjjaraquini.

Jeremías 33:3

Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Oseas 2:21

Naya, Tatituw acjja arsta: Qhä urunacanjja nayaw alajjpachar ist'ä, alajjpachasti orakeruw ist'araquini;

Joel 2:20

Amsta toketa jutir t'ijut'ijunacsa jumanacatjja jayaruw apanucuraquï, wasararuraquiw apanucü. Nayrakata saririnacapsti Mar Muerto kotan jiwarayaraquï, khepa saririnacsti Mediterráneo jach'a kotan jiwarayaraquï, janchinacapasti ñusantaniwa, ucatsti wal k'aphipjjaraquini. ¡Jach'a luräwinacwa luräjja!”

Joel 2:26

Jumanacasti sist'asiñcamaw mank'apjjäta, ucatsti Tatitu Diosamaruraquiw yupaychapjjäta, nayasti jumanacataquejj jach'a muspharcañanacwa lurtjja. Marcajjasti janipuniw mayampisa p'enkachat uñjascjjaniti,

Zacarías 8:15

Jichhajja, uca lantjja amtawaytwa asqui lurjjaña Jerusalenampiru, Judá marcampiru. Uca laycu jan ajjsarapjjamti.

Deuteronomio 4:32

“Jichhasti thaktapjjam jumanacat juc'ampi nayra tiemponaca, cunapachatï Tatitu Diosas jakeru lurcäna aca orakena uca tiempotpacha; sarapjjaraquim take acapach orakenjamsa, ucatsti jisct'apjjam cunapachach aqham jach'a lurasïwinacajj paspachäna cunjämtï jichhajj pasqui uqhama.

1 Samuel 12:16

“Uqhamasti jichhajj jan onjjtapjjamti cawqhancapctatejj uca chekata, cuna jach'a uñacht'äwinactejj Tatitojj jumanacar uñacht'ayapcätam ucanacwa uñjapjjäta.

1 Samuel 12:24

Jumanacajj Tatituruquiw ajjsartapjjañama, uqhamarac juparojj chekpachana take chuymampiraqui sirvipjjañama, amtasipjjañamaraquiwa cuna jach'a asquinactejj jumanacataqui lurqui ucanacata,