Joel 2:19 - Qullan Arunaca

¹⁹ “Jichhajj jumanacarojj apayanipjjämawa trigo, vino, uqhamarac aceite, take ucanaca sist'asipjjañamcama, janiraquiw wasitat muncäti Diosar jan uñt'ir jakenacajj jumanacat larusipjjañapa.

Aymar Bibliia 1986

¹⁹ “Jichhajj jumanacarojj apayanipjjämawa trigo, vino, uqhamarac aceite, take ucanaca sist'asipjjañamcama, janiraquiw wasitat muncäti Diosar jan uñt'ir jakenacajj jumanacat larusipjjañapa.

Qullan Arunaka DC

¹⁹ sarakiwa: “Jichhax trigo, vino, aceite apayanipxäma, ukanakampi sist'asipxañamkama, Diosar jan uñt'ir jaqinakan jumanakat larusipxañap janiw munkäti.

Joel 2:19 Jak'a apnaqawi uñst'ayäwi

Jeremías 31:12

“Jutapjjaniwa, ucatsti Sión kollu patan cusisiñat k'ochupjjani, cuna asquinactejj Tatitojj jupanacaru lurcani ucanacatwa cusisipjjaraquini: trigo, vino, aceite, ovejanaca, uqhamaraqui vacanacsa. Suma karpata fruta yapunacar uñtatäpjjaniwa, ch'amanacapasti janiraquiw mayampsa tucuscjjaniti.

Ezequiel 34:29

Jupanacarusti mä suma yapuchat orakenacwa catuyaraquëjja, janipuniw mayampsa mank'atjja t'akhescjjapjjaniti, janiraquiw yakha marcanacas jupanacatjja juc'ampi laruscjjapjjaniti.

Ezequiel 36:15

Janipuniw mayampsa uca yakha marcanacampejj jisc'achaycjjämati, uca marcanacatjja janipuniw mayampsa jisc'achäwinacjja catokjjapjjätati, jumanacasti janipuniw marcamarojj jan wawanjja jaytcjjapjjätati uca laycu. Naya Tatituw ucjja arsta.’ ”

Ezequiel 36:29

Cunanacatejj jumanacaru k'añuchapquiristam ucanacatsti khespiyapjjämawa. Trigos walipunëjjaraquiniwa, janiraquiw mayampsa jumanacarojj mach'a apayancjjapjjämati.

Ezequiel 36:30

Take kokanacarusa, orakenacarusa wali sumwa achuyjjaraquëjja, uqhamat jan yakha marcanac nayrakatan mank'atjama mä p'enka uñjasisipcañanacamataqui.

Ezequiel 39:29

Janiw jichhajj mayampsa jupanacataquejj maysa uñtcjjäti, Israel marcjjaru ch'amajj churanjjta uca laycu. Naya Tatituw ucjja arsta.”

Oseas 2:15

Ucatsti uva yapunacapjja cuttayjjäwa, Acor vallsti jupataquejj suyt'aña puncwa tucuyaraquï. Ucanwa jupajj nayar arsutani tawako urunacapanjama tuct'asa, Egiptot mistuncänjja uca urunjama.

Oseas 2:21

Naya, Tatituw acjja arsta: Qhä urunacanjja nayaw alajjpachar ist'ä, alajjpachasti orakeruw ist'araquini;

Oseas 2:22

orakesti trigorojj jaysaraquiniwa, uqhamaraqui vinorusa, aceiterusa, jupanacasti Jezreel ucaruraquiw jaysapjjani.

Joel 1:10

Yapunacajj llaccaña tucjatawa, orakejj lutt'ataraquiwa. Trigos janiraquiw utjcjjeti, uva yapunacas k'ala wañsutaraquiwa, olivo kokanacasti k'ala ancuntataraquiwa.

Joel 2:24

Trigojj walpun achuntani, aceitesa, vinosa jilarquiriraquiw utjani.

Levítico 26:5

trigosti jumanacataquejj uvanac cosechapjjañamcamaw utjaraquini, uvanacasa yapuchañ horascamaw utjaraquini; sist'asiñcamaraquiw t'ant'sa mank'apjjäta, wali sumaracwa uca orakenjja utjasipjjäta.

Zacarías 8:12

Sumancañaw jupanac taypinjj satatänejja, uva yapunacasti achupjjaniwa, orakesti sumwa achuraquini, alajjpachasti sullanaca apayaniraquini. Nayasti churäwa take ucanaca aca marcan kheparasa utjnokapqui ucanacaru.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Deuteronomio 11:14

juparaquiwa horasapar apayanipjjätam nayra jallsa khepa jallsa, jumanacan trigo, aceite, vino apthapipjjañamataqui.

Rut 1:6

Ucatwa mä urojj Noemí warmejj Moab marcana ist'äna, Diosajj wastat marcapat qhuyapayasitapata, mach'a maranacasti pasjjataparaqui.