Joel 2:1 - Qullan Arunaca

¹ “Sión kollunsti trompet phust'apjjam; Tatitun kollan kollupansti toct'asin jawsthapipjjam jakenacarojja. Take jumanacasti Judá marcan utjirinaca qhathatipjjam, Tatitun urupajj jac'ancjjatap laycu;

Aymar Bibliia 1986

¹ “Sión kollunsti trompet phust'apjjam; Tatitun kollan kollupansti toct'asin jawsthapipjjam jakenacarojja. Take jumanacasti Judá marcan utjirinaca qhathatipjjam, Tatitun urupajj jac'ancjjatap laycu;

Qullan Arunaka DC

¹ Jerusalén markan trompet phust'apxam; Tatitun utapan jach'at phust'apxam. Judá markan utjirinakas taqin khathatipxpan, Tatitun urupaw jak'achasisinki:

Joel 2:1 Jak'a apnaqawi uñst'ayäwi

1 Crónicas 15:28

Take Israel marcawa Tatituna sumancäwiru mantat arcapa apapjjäna, cusisiñatsti jach'at arnakasipjjäna, uqhamaraquiw toct'asïna wajjranaca, trompetanaca, platillonaca, ucatjja salterionacana, arpanacana tocasitapampiraqui.

Salmos 119:120

Janchejjajj nayrakataman ajjsarañat qhathati, camächit arunacam laycuw chuymajj alt'ayta.

Salmos 87:1

Diosan marcapajj kollan kollunacjjar utt'ayatawa.

Éxodo 10:14

Uca t'ijut'ijunacajja Egipto orakpacharu wali phokhantasawa take mank'süna. Uqhamasti janiw nayrajj utjiricänti, ni uca khepatsa utjcänti, walja t'ijut'ijunacajja uca urunacjamajja.

Isaías 13:6

Wararipjjam, Tatitun urupajj jac'anquiwa, take ch'amani Tatitun lekt'asinitapawa purini.

Isaías 13:9

Tatitun urupajj purinjjewa, ajjsarcañ uruwa, colerasiñampi phokhantataraquiw naqhi, aca orakerusti ch'usa wasara tucuyaraquini, uqhamaraqui jucharar jakenacarus tucjaraquiniwa.

Isaías 2:12

Cunürutejj take ch'amani Tatitojj sartcani, jach'a jach'a, uqhamaraqui ñankha tucur jakenac toke, uca jach'a jach'a tucur jakenacaru alt'ayañataqui;

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Isaías 66:5

Tatitun arunacap ist'apjjam, jumanaca qhitinacatejj arunacapa phokhapcta ucanaca: “Jumanacan yakhepa marca masinacamajja qhitinacatejj jumanacar uñisipctam, arcnakapjjaractam nayan sutejja aytasipjjatam laycu, ucanacasti sapjjewa: ‘Tatitojj jach'a cancañap uñacht'aypanaya, jumanacarusti c'uchicwa uñjañ munapjjsma’ sasa. Ucampis jupanacajj mä p'enka jisc'achjataw uñjasipjjani.

Jeremías 16:10

“Cunapachatejj aca arunaca jakenacar yatiyäta ucapachasti jisct'apjjaraquïtamwa: ‘¿Cunatsa Tatitojj nanacataqui uca jach'a jan walt'aña apayani? ¿Cuna jan walsa lurapjjtjja? ¿Cuna juchsa lurapjjtjja Dios Tatitu nayrakatanjja?’ sasa.

Jeremías 16:7

Uca jiwaratanacan familianacaparu chuymachañataquisti janiraquiw qhitisa mank'äwinaca waquichcaniti, jiwatajja pachpa awquipa jan ucajj taycapäscpasa.

Jeremías 4:5

“Aca arunacsti Jerusalenana, uqhamaraqui Judá oraken yatiyapjjam; trompetanacampi phust'asa take marcpacharu yatiyapjjam, wali jach'at art'apjjam: ‘¡Jina! ¡Tantacht'asipjjañäni! ¡Jach'a perkani marcanacaru!’ sasa.

Jeremías 5:22

Naya Tatituw sista: ¿Janit jumanacajj nayaru ajjsarapquista? ¿Janit naya nayrakatan qhathatipcta? Nayaw kota thiyjja uscta jach'a kotataquejj korpäcaspas uqhama, uca korpsti janiw jach'a kotajj pasancaspati. Mathapinacapas inamayaquiw ucan sartasqui, khothutisipquiwa, ucampis janiw pasanipcaspati.

Ezequiel 12:23

Jichhasti jupanacarojj nayan sutejjjjaru saraquim: ‘Jichhasti janiw mayampisa uca säwejj Israel marcan utjcjjaniti’ sasa. Nayaw ucjja uqham luraraquï. Ucjjarusti saraquim: ‘Cuntejj profetanacajj unañchäwi toke uñjapcän ucanacan phokhasiñapa urunacasti niya jac'ancjjaraquiwa.

Ezequiel 21:12

Jumasti chacha, ¡arnakasim, warariraquim, ucasti marcajjar jiwarayañataqui uchatawa, Israel marcan take marca apnakerinacaparu! Jupanacasti marcajjampi chica jiwarañataqui juchañchatäpjjewa, jichhajj uca aykoñat lek'esim.

Ezequiel 30:3

Cuna urutejj niya jac'achasinqui ucatsti wali arnakasipjjam; ¡Tatitun urupajj niyaw jac'achasini! ¡Mä kenayan phokhantata urünïwa! ¡Take marcanacataquisti mä ajjsarcaña urüniwa!

Ezequiel 33:3

Ucatsti cunapachatejj uca uñch'uquirejj uñisirinacaru jutantasquiri uñji ucapachasti trompetapwa toct'i uqhamat marcanquiri jakenacajj amuyasipjjañapataqui.

Ezequiel 33:6

Ucampisa uñch'uquiritejj uñisiriru jutasquiri uñjascchi, ucatsti janiraqui trompeta phust'caniti marcanquiri jakenacan amuyasipjjañapataqui, ucat uñisirinacajj purinisina mayniru jiwayani ucapachajja, uca jiwirejj juchap laycuw jiwascani; ucampisa nayajj ucan jiwatapatjja uñch'uquiriruwa wayt'araquëjja.’

Ezequiel 7:10

“¡Acajj uca urojja! ¡Purinjjewa! ¡T'unjatäñasti purinjjewa! Take chekansa ñankha lurañanacaquiw utjasqui, jakenacan ñankha luratanacapasti sintipunëjjaraquiwa.

Ezequiel 7:12

Horasajj purinjjewa, urusti jutjjaraquiwa. Aljasirisa janiw cunat cusisiñapas utjquiti, alasiris janiw cunat llaquisiñapas utjcaraquiti. Israel marcan jach'a jach'a tucutapatsti mutuyaraquïwa.

Daniel (hebreo) 6:26

Arsuractwa, mayiractwa take aca orake apnakcta ucanjja, Daniel chachan Diosapajj ist'atäpan uqhamaraqui ajjsaratäpan. “Jupaw jacquiri Diosajja, wiñayataquiwa. Jupan reinopajj janipuniw t'unjatäcaniti, ch'amapas janiraquiw tucuscaniti.

Daniel (hebreo) 9:16

Tata, nanacajj yatipjjtwa jumajj qhuyapayasirïtama. Jerusalén marcatjja uca colerasiñamjja uqhamaraqui colerampi take cuna lurañamsa apakamaya, Jerusalén marcasti marcamawa, juman kollan kollumaraquiwa. Yakha marcanacanquir jakenacasti Jerusalén marcamatjja jakenacapatsa larusipjjewa, nanacan juchanacajj laycu, uqhamaraqui nayra awquinacajjan jucha luratanacap laycu.

Daniel (hebreo) 9:20

“Nayasti mayiscaquïyätwa Diosatjja, juchanacajjsa arsusisaraqui, uqhamaraqui Israel marcajjan juchanacapsa arsusina, Tatitu Diosajjan nayrakataparuw mayisitanacajjsa uscuraquïyäta, jupan kollan kollup laycu.

Oseas 5:8

¡Gabaa chekanjja guerra pututu phust'apjjam, Ramá chekansti trompetraqui phust'apjjam! ¡Bet-avén chekansti p'arjjtayapjjaraquim! ¡Benjamín casta jakenacarusti: Amuyasipjjam, sapjjaraquim!

Oseas 8:1

“Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Joel 1:15

¡Ay cunaquïcani, Tatitun urupajj jac'achasinjjewa! ¡Ajjsarcañ uruwa, take ch'amani Diosasti t'unjatäñaswa apaniraqui!

Joel 2:11

Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Joel 2:15

¡Sión kollunsti trompeta phust'apjjam! Marcarusti tantacht'apjjam ucatsti ayunapjjaraquim;

Joel 2:31

Intejj ch'amact'aniwa, phajjsis wilaw tucuraquini, janïra Tatitun urupajj purincan ucqhajja, uca urusti jach'a urüniwa, ajjsarcañaraqui.

Joel 3:14

Walja jakenacaw Decisión sat vallenjja tantacht'ata, Tatitun urupasti jac'ancaraquiwa,

Joel 3:17

“Jumanacajj yatipjjätawa, naya Tatitu Diosamajja Sión kollan kollojjanwa jacasctjja. Jerusalenasti mä kollana marcäniwa; jaya jakenacasti janipuniw jichhajj juc'ampi apnakcjjaniti.

Amós 3:6

Cunapachatejj trompetan tuct'asitapajj marcan ist'asi ucqhaw jakejj wal sustjasi; cuns Tatitojj apayani ucqhaw marcanjja jan walinacajj utjejja.

Amós 5:18

¡Ay cunaquïcani Tatitun urupan puriniñap munapqui ucanacataquejja! ¿Yatipjjtati cunjämäcanitï uca urojj jumanacataqui ucjja? Uca urojj ch'amacäniwa, janiw khanäcaniti.

Amós 8:2

Jupasti jisct'araquituwa: —¿Amós, cuns uñjtajja? —sasa. —Mä canastan pokorat achunaca —saractwa. Tatitusti saraquituwa: —Israel marcajj pokoratäjjewa; janipuniw mayampsa perdoncjjeristti.

Abdías 1:15

Uca pachpa mayninacar lurctasa ucaraquiw jumarojj luratäni; ¡Jichhajj luratamatjamwa catokäta! “Take marcanacataquisti Tatitun urupajj niya jac'ancjjewa,

Sofonías 1:14

“Jac'anquiwa Tatitun qhä jach'a urupajja. ¡Jac'anquiwa uca urojj, janc'aquiw puriniraquini! Tatitun jutäwip urusti wali jachañ urüniwa, jach'a ch'aman jakenacas ajjsarañat wararipjjaniwa.

Sofonías 1:16

Uca urojj trompetaw phust'asini, wararipjjaraquiniwa. Uca jach'a suma lurat utanacas, uqhamaraqui jach'a altocam lurata torrenacapas t'unjatäcani ucqhajja.

Sofonías 1:7

“¡Amuct'apjjam Dios nayrakatana, Tatitun urupawa jac'achasini! Ucatsti Diosaraquiwa mä sacrificio waquichi jupan arquirinacaparu.

Sofonías 3:11

Uca urunjja nayan marcajja, janiw naya toke sayt'asitanacamatjja p'enkascjjätati, cuna luratanacampitï naya contra sayt'ascäyäta ucanacatjja, nayaw uca jach'a jach'a tucuri jakenacaru juma thiyat apakjjäma uca laycu. Ucatsti janiw mayampis jach'a jach'a tucjjätati nayan santo kollojjanjja.

Zacarías 14:1

Tatitun urupajj jutasquiwa, Jerusalén, cunapachatejj yänacam aparasajj laquirpayatäcani juma taypinjja uca urojja,

Zacarías 8:3

Cutt'anïwa Jerusalenarojja, ucan jacañataqui. Ucqhaw Jerusalenajj Cheka Marca sutichatänejja; take ch'amani Tatitun kollupasa Kollana Kollu sataraquïnejja.

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.

Números 10:2

“Pä kollke trompetanac lurasim martillompi lek'suta, ucasti jakenacar tantachañataqui, uqhamarac sarjjaruñataquiraquïniwa.

Números 10:3

Cunapachatejj uca paypacha trompetanacajj phust'asini, ucapachajj takpach marcaw juma nayräjjaru tantacht'asini Tatitu Diosampi Jiquisiñ Carpäquis uca mantañaru.

1 Corintios 14:8

Guerranccasinjja, trompetatejj jan suma khana phust'ascaspajja, janiw qhitis nuwasiñatac waquichascaspati.

Filipenses 2:12

Ucatpï, munat jilatanaca, cunjämtï jumanacajj ist'apjjapunistajja cunapachatejj jumanacampïcäyät ucqhajja, jichhasti juc'ampi ist'apjjeta jayancatajj laycu. Jumanacan quipca khespiyasiñanacamatsti, alt'at chuymampi ajjsarañampirac phokhapjjam.

1 Tesalonicenses 5:2

Jumanacajj asquiw yatipjjta, Tatitojj purininiwa cunürutejj jan suycañäni ucüru, cunjämatejj mä lunthatajj arum jutqui uqhama.

Santiago 5:8

Jumanacajj llamp'u chuymanïpjjaraquim, janiraqui mayjt'asipjjamti, Tatitun jutañapasti jac'achaniwa.

1 Pedro 4:7

Take cunan tucusiñapajj jac'anquiwa, ucatpï jumanacajj wali amuyt'ampi sarnakapjjañamajja, uqhamarac oracionsa jan jaytas lurapjjañamajja.

Apocalipsis 6:17

Jach'a t'akhesiñ urojj purinjjewa, ¿qhitirac jichhasti sayt'asispa?”