Jeremías 7:2 - Qullan Arunaca

² “Tatitun templopa puncuru sayt'asim ucatsti aca arunaca yatiyaraquim: Judá orakenquir take jakenaca, qhitinacatejj aca puncunac toke Tatitur yupaychañataqui mantapcta ucanaca, ist'apjjam aca arunaca.

Aymar Bibliia 1986

² “Tatitun templopa puncuru sayt'asim ucatsti aca arunaca yatiyaraquim: Judá orakenquir take jakenaca, qhitinacatejj aca puncunac toke Tatitur yupaychañataqui mantapcta ucanaca, ist'apjjam aca arunaca.

Qullan Arunaka DC

² “Tatitun utap punkur sayt'asim ukatsti aka arunak yatiyarakim: Judá uraqinkir taqi jaqinaka, khitinakatix aka punkunak tuqi Tatitur yupaychir mantapkta ukanaka, aka arunak ist'apxam.

Jeremías 7:2 Jak'a apnaqawi uñst'ayäwi

1 Reyes 22:19

Micaiasasti sascaquïnwa: —Uqham satamatjja, ist'am Tatitun arunacapa: ‘Tatiturojj tronopana kont'atäsquirwa uñjta, ucatsti alajjpachanquir ejercitorusti jupa chica sayt'atäsquiriraqui, cupëjjapana, uqhamarac ch'ekäjjapanraqui.

Salmos 122:2

Jerusalén marca: cayunacajjajj niyaw puncunacam chek mantasqui.

Isaías 1:10

Sodoma marcan jilïrinacapa, Tatitun arunacap ist'apjjam. Gomorra marcachirinaca, jichhasti sum ist'apjjam cuntejj jiwasan Diosasajj yatichquistani uca.

Jeremías 10:1

Israel marca, cuntejj Tatitojj siscätam uca arunaca ist'am.

Jeremías 11:6

Ucatsti Tatitojj saraquituwa: “Take aca arunacsti Judá orakenquir marcanacar yatiyam uqhamaraqui Jerusalén callenacansa. Jakenacarusti saraquim: ‘Ist'apjjam cawquïris uca arust'äwin arunacapajja ucanaca, ucatsti phokhapjjaraquim.

Jeremías 19:14

Ucanac pasatatsti, Jeremiasajj Tofet chekatjja cuttanjjänwa, cawqharutejj Tatitojj jupan sutipjjaru parlañataqui qhitcatayna uca chekaru, ucat templona patioru sayt'asisinsti, take jakenacaru parlaraquïna:

Jeremías 2:2

“Saram, ucatsti Jerusalén marcaru parlanim; jach'at art'am sum ist'apjjañapataqui: ‘¡Aqham siw Tatitojja! Amtasisctwa, cunapachatejj tawaköcäyätajj ucapachajj take chuymaw nayataquïyätajja, cunapachatejj jumajj nayan warmejja tucjjäyätajja ucapachasti nayarojj wali munasiraquïyästajja, wasaranjamracwa nayarojj arcanïyästajja, cawqhantejj jan cunas achqui uca orakenjama.

Jeremías 2:4

Jacobon wawanacapa, Israelan take familianacapa, jumanacajj takpachani Tatitun arunacapa ist'apjjam.

Jeremías 26:2

aqham sasa: “Templon patioparu sayt'asim, ucatsti cuntejj siscsma uca arsum, take qhitinacatejj Judá marcanacata temploru yupaychañataqui jutapqui, ucanacaru uca arunaca parlaraquim. Jan cunsa amuct'amti.

Jeremías 28:5

Jeremías profetasti Hananías profetarojja sacerdotenac nayrakatana, take jakenac nayrakatanwa templon aqham saraqui:

Jeremías 34:4

Ucampisa jichhajj Sedequías reyi, ist'am, cuntejj naya Tatitojj siscäma uca arunaca: Janiw jiwcätati espadan jiwayatajja.

Jeremías 36:10

Baruc chachasti templon jach'a patioparuw saräna, Machak Puncu sisqui uca mantañaru, Safán jaken yokapa Gemarías sisqui ucan utapatpachwa, cawquïritejj reyin utapänjja jilirïcaraquïna, ucatpacha leet'äna take jakenacataqui cuna arunactejj Jeremiasajj kellkaycatayna ucanaca.

Jeremías 36:6

Uca laycu, jutir ayuno urunjja jumajj saram, ucatsti cuntejj kellkaycsma uca rollo leet'araquim, uqhamata marcpacha, Judá oraken utjiri marcanacan jaquiri jakenacasa, cawquïrinacatejj aca marcaru jutapqui ucanacajj Tatitun arunacapa ist'apjjañapataqui;

Jeremías 44:24

Uqhamarus Jeremiasajj take jakenacaru uqhamaraqui warminacarusa saraquïnwa: Judá orakenquir jakenaca, qhitinacatejj Egiptor jaquiri jutjjapjjta ucanaca, ist'apjjam aca Tatitun arunacapa.

Jeremías 7:1

Tatitusti wasitatwa Jeremiasarojj parläna ucatsti saraquïnwa:

Ezequiel 37:1

Tatitusti nayaruw amparapampi lokjjatitu, ch'amapampiw phokt'araquitu, mä valleruw sayt'ayaraquitu, cawqhantejj ch'aqhanacajj walipunïcatayna uca chekaru.

Oseas 5:1

“Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Amós 7:16

“Jichhasti, ist'am Tatitun arupa. Jumasti aqham sistawa: ‘Jan Dios toketjja cuns parlamti Israel marca contrajja, ni Isaacat mirtir wawanacap contrasa’ sasa.

Miqueas 1:2

“Take marcanaca, ist'apjjam acanaca; take aca marcpachan utjir jakenaca, sum ist'apjjam: Tatitojj kollana templopatpachwa jumanacataqui arsuni.

Miqueas 3:1

“Ist'apjjam jichhajj Israel marcan gobernantenacapa, uqhamarac jilïrinacapa, jumanacajjaya cuntejj chekäqui, asquïcaraqui ucjja yatipjjañamächejja.

Miqueas 3:9

“Ist'apjjam jichhajj aca arunaca Israelan marca apnakerinacapa, uqhamarac jilïrinacapa, jumanacasti cunatejj chekäqui ucjja uñisipjjtawa, uqhamarac cunatejj asqui lurañäqui ucsa maysaruw k'ewipjjtajja.

Mateo 13:9

Jumanacatejj ist'añ munapjjstajja, ¡ist'apjjam!”

Juan 18:20

Jesusasti juparojj sänwa: —Nayajj jakenacarojj takenin uñjcataw parläyäta, sinagoganacan yatichasa, uqhamarac templonsa; uqhamajj janiw cuns nayajj jamasan yatichcti.

Hechos 5:20

“Sarapjjam temploru. Purisinsti, take jakenacaru yatiyanipjjam aca machak suma jacäwita.

Hechos 5:42

Jupanacasti janipuniw sapürusa amuct'apcänti Jesucristjjat yatichaña, parlañsa, templona uqhamarac utanacansa.

Apocalipsis 2:11

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucajj janiw cuna t'akhesiñsa catokcaniti payïri jiwäquis ucanjja.’

Apocalipsis 2:17

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucanacarusti maná sat imantat t'ant'atwa mank'ayäjja; ucatsti mä jank'o kala churaraquëjja. Uca kalansti mä machak sutiw kellkt'ata, uca sutsti janiw qhitis yatquiti jan ucasti qhititejj catokqui ucaquiw yati.’

Apocalipsis 2:29

¡Qhititejj ist'añ munqui ucajj ist'pan cuntï Kollan Ajayojj iglesianacaru sisqui ucjja!’

Apocalipsis 2:7

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhitinacatejj atipjcani ucanacajj Diosan marcapan utjquis uca jacañ churir kokatwa mank'apjjani.’

Apocalipsis 3:13

¡Qhititejj ist'añ munqui ucajj ist'pan, cuntejj Kollan Ajayojj iglesianacar sisqui ucjja!’

Apocalipsis 3:22

¡Qhititejj ist'añ munqui ucajj ist'pan, cuntejj Kollan Ajayojj iglesianacar sisqui ucjja!’ ”

Apocalipsis 3:6

¡Qhititejj ist'añ munqui ucajj ist'pan cuntejj Kollan Ajayojj iglesianacaru sisqui ucjja!’