Jeremías 6:30 - Qullan Arunaca

³⁰ Ucampisa: “Apanucut kollke” sasay sutichañächispa, jumajj jupanacaru apanucutam laycu.

Aymar Bibliia 1986

³⁰ Ucampisa: “Apanucut kollke” sasay sutichañächispa, jumajj jupanacaru apanucutam laycu.

Qullan Arunaka DC

³⁰ Jupanakarux “Apanukut qullqi” sasay sutichañächispa, juman jupanakar apanukutam layku.

Jeremías 6:30 Jak'a apnaqawi uñst'ayäwi

2 Reyes 17:20

Ucatsti Tatitojj jakonucünwa israelitanacata sarakeri take familianacaparu, jisc'ar tucuyañcama, lunthatanacan amparanacaparu catuyasina, jupan nayrakatapata jakonucuñcama.

Salmos 119:119

Ñankha luririnacajj jumataquejj t'unar uñtatawa, nayasti arsutanacamaruw munasta.

Salmos 53:5

Jupanacajj ajjsarañat qhathatipjjani, Diosajj uñisirin ch'aqhanacap willitatani, jupanacasti mä p'enkaw atipjat uñjasipjjani, Diosan jupanacar jan catokatap laycu.

Proverbios 25:4

Kollkena k'añupjja apakam, ucatsti kollket lurirejja mä copwa lurani;

Isaías 1:22

Nayrajj kollkëyätawa, jichhasti k'añu t'unaquëjjtawa, suma vinoraquïyätawa, jichhasti alek umaquëjjtawa.

Isaías 1:25

Wasitat jumataquejj amparajj aytä, uca k'añu t'una luratanacamsti ninampiw k'ala nacsuyä, k'oma tucuyäma, take k'añu luratanacama.

Jeremías 14:19

Tata, ¿Judá marcarojj k'alpunti apanucjjta? ¿Sión marcampisa karitäjjaractati? ¿Cunataraqui uqham jan kollkaña chhojjriñchjapjjestasti? Nanacajj sum sarnakañwa suyt'asipcäyäta, ucampis jan walt'añaquiw purinipjjetu. C'umara sarnakasiñwa suyt'asipcäyäta, ucampis jichhajj sustjasiñaquiw utj-jje.

Jeremías 23:33

“Jeremías, mä jaketejja, jan ucajj mä profetasa, mä sacerdotesa jisct'ätam ucapachajja: ‘¿Cawquïrisa Tatitun ewjjapajja?’ sasa. Ucapachasti jupanacarojj saraquim: ‘Tatitojj siwa: Jumanacäpjjtawa nayan ewjjanacajjajja, ucampisa nayajj antutt'äwa’ sasa.

Jeremías 7:1

Tatitusti wasitatwa Jeremiasarojj parläna ucatsti saraquïnwa:

Jeremías 7:29

¡Jerusalén, ñic'utam mururasim ucatsti liwtam! ¡Wasara kollu patanacansti llaquiscañ k'ochunac k'ochuraquim! Tatitusti jakenacamataquejj coleratawa, apanucjjaraquiwa, jaytjjaraquiwa.

Lamentaciones 5:22

¡Ucampisa jumajj k'alwa apanucupjjestajja! Juman colerasiñamasti nanacataquejj sinti jach'apuniwa.

Oseas 9:17

Aca marcajj janiw Diosarojj ist'añ munquiti; ucatracwa Diosajjajj jupanacarojj apanucuni, ucatsti marcat marca muyupjjaraquini.

Zacarías 11:8

Mä phajjsinacwa quimsa awatirinacaru pacienciajja pist'atap laycu nayar uñisipjjatapata qhitanuctjja.

Mateo 5:13

“Jumanacäpjjtawa acapach jayojja, ucampisa jayutejj ch'apakquipstaspajja ¿cunampis jayunchatäspajja? Janiwa cunataquis walïcjjaspati, jan ucasti apanucuñataquiquiwa uqhamata jakenacampi taquisitäñapataqui.

Romanos 11:1

Jichhasti jisct'aractwa: ¿Diosajj jupan ajllit marcaparojj janipunit muncjjpacha? Janiw uqhamäquiti. Naya quipcaw israelitätjja, Abrahaman familiapataraquïtjja. Benjamín castat jutiriraqui.