Jeremías 51:57 - Qullan Arunaca

⁵⁷ Reyi, take ch'amani Tatitusti siwa: “Babilonianquiri jilïrinacarojj machjayäwa, yatiñani jakenacaparusa, marca apnakerinacaparusa, jilïrinacaparusa, soldadonacaparusa, wiñayataquiw ict'jjapjjaraquini, janiraquiw mayampsa ucatjja sartcjjapjjaniti.

Aymar Bibliia 1986

⁵⁷ Reyi, take ch'amani Tatitusti siwa: “Babilonianquiri jilïrinacarojj machjayäwa, yatiñani jakenacaparusa, marca apnakerinacaparusa, jilïrinacaparusa, soldadonacaparusa, wiñayataquiw ict'jjapjjaraquini, janiraquiw mayampsa ucatjja sartcjjapjjaniti.

Qullan Arunaka DC

⁵⁷ Reyi, taqi ch'amani Tatitusti siwa: “Babiloniankir jilïrinakarux machjayäwa, yatiñani jaqinakaparusa, marka apnaqirinakaparusa, jilïrinakaparusa, soldadonakaparusa, q'al machjayä, jiwatjamaw ikirapxani, janirakiw mayampsa uka ikit sartkxapxaniti.

Jeremías 51:57 Jak'a apnaqawi uñst'ayäwi

Isaías 37:36

Uca arumasti Tatitun angelapajj sarasin pataca quimsakallk tunca pheskani waranka jakenacwa asirionacan campamentopanjja jiwarayäna, khantatirusti takeniw jiwarat uñjasipjjaraquïna.

Isaías 44:25

Janiraquiw cuntejj uca c'ari profetanacajj parlapqui ucanacsa phokhasiycti; nayaw uca yatiri jakenacan amuyt'anacapsa chhaktaytjja. Nayaw amuyt'ani jakenacarojj jupanaccam ch'ajjwaytjja, jupanacan yatiñanacapas mä lokhe cancañar tucuyaractjja.

Isaías 6:5

Nayasti saraquïyätwa: “¡Ay, cunaquïcan nayataquejja, jichhajj jiwapunchëjjaya! Nayrajjampiw take ch'amani Tatitu Reyerojj uñjta, nayasti jucharar jakëstjjaya jucha parliriraqui, jucha parliri marca taypinrac jacaractsa” sasa.

Jeremías 13:13

Jumasti ucjjarojj saraquïtawa: ‘Tatitojj siwa: Take aca marcan utjirinacarusti macharayäwa; Davidan tronopan kont'asiri reyinacarusa, sacerdotenacarusa, profetanacarusa, uqhamaraqui take qhitinacatejj Jerusalén marcana jacapqui ucanacarusa.

Jeremías 25:27

Ucatsti Tatitojj saraquituwa: “Jupanacarusti saraquim, naya, take ch'amani Tatitu, Israelan Diosapaw arsta, machjasiñcama, wak'jasiñcama, jan mayampi sartcjjañataqui oraker liwirtapjjañapcama umapjjpan, janiraquiw mayampisa sartcjjapjjaniti cuna guerranactejj nayajj jupanacaru apayancä uca laycu.

Jeremías 46:18

Naya, qhititejj reyïcta, uqhamaraqui take ch'amani Tatitu satäcta ucaw arsta, sutejj-jjaruraquiw juramentompi arsta. Cunjämatejj Tabor kollojj take kollunacat jilt'atajja, uqhamaraqui Carmelo sat kollusa jach'a kota toker sartasejja, uqhamaraquiw uñisirimajj jutantani.

Jeremías 48:15

Moab marcaru uqhamaraqui yakha marcanacaparu t'unjirejj niyaw purinjje. Cawquïr suma waynanacatejj utjqui ucanacasti jiwarapjjaraquiniwa. Ucsti Reyiw arsu, uca reyin sutipasti Take Ch'amani Tatitu, satawa.

Jeremías 50:30

Uca laycuw waynanacajj callenacan uca urojj jiwarapjjaraquini, guerran nuwasiri jakenacapasti uca urojj takeniw jiwarapjjani. Naya Tatituw ucjja arsta.”

Jeremías 51:39

Cunapachatejj jupanacaru calorajj khatt'ani ucapachasti nayaw machjayiri umanac churaraquï, ucasti jupanacarojj p'eke muytayaraquini. Uqhamat jupanacajj mä wiñaya samcaru puripjjaraquini, janiraquiw ucatjja mayampsa sartcjjapjjaniti. Naya Tatituw ucjja arsta.

Ezequiel 20:33

Naya Tatituw jacañajj laycu juramentompi arsta, jach'a ch'amajjampi, jach'a colerasiñajjampiw jumanacarojj jichhajj apnakapjjäma.

Nahúm 1:10

Q'ithuntat ch'aphinacjama, uqhamarac waña jichhur uñtata k'ala naqhantatäpjjätawa.

Nahúm 3:18

“¡Asiria marcanquir rey, awatirinacamajj iquirasquiwa! Jilïrinacamas samarasipcaraquiwa, jakenacamasti kollunacan ananucutaw sarnakasipqui, ucatsti janiraquiw qhitis jupanacar anthapirejj utjquiti.

Malaquías 1:14

Ñankhachatäpan cawquïr jaketï suma k'omar uywa nayar sacrificion loktañatac arscasina mä usut uywaqui loktjjetu ucajja. Nayaw jach'a reyinsa Reyipäta, uqhamaraqui take marcanacan ajjsaratasa.” Uqham siw take ch'aman Diosajja.

Apocalipsis 18:9

Acapachanquir reyinacasti, qhitinacatejj jupampi jucha lurasa jacapcän ucanacasti, jupar naqhantata uñjasajj wali jachapjjani, jaqhusipjjaraquini.