Jeremías 51:56 - Qullan Arunaca

⁵⁶ Babiloniaru t'unjiriw jutapjjatayna, guerrar sarir jakenacapsti caturjjapjjaraquiwa, jisc'a jisc'wa arconacapsa tucjapjjaraqui. Tatitusti chekapa Diosawa, sapa maynirus waquisitaparjamaw churaraqui.

Aymar Bibliia 1986

⁵⁶ Babiloniaru t'unjiriw jutapjjatayna, guerrar sarir jakenacapsti caturjjapjjaraquiwa, jisc'a jisc'wa arconacapsa tucjapjjaraqui. Tatitusti chekapa Diosawa, sapa maynirus waquisitaparjamaw churaraqui.

Qullan Arunaka DC

⁵⁶ Babiloniar t'unjiriw jutapxi; nuwasir jaqinakaparusti katurxapxarakiwa, mich'inak antutt'añanakapsa jisk'a jisk'a tukjapxi. Tatitusti chiqap Diosawa, sapa maynirus wakisitaparjamaw churaraki.

Jeremías 51:56 Jak'a apnaqawi uñst'ayäwi

Génesis 49:24

ucampisa Joseajj wali ch'amani amparanacaniwa, arcopasti suma catjjäsitaraquiwa; ¡Jacobon take ch'amani Diosapasti yuspagaratäpan! ¡Awatirin sutiparu yuspagaratäpan, Israelar uñjirin sutiparu!

Salmos 137:8

¡Jumasti Babilonia marca, t'unjataw uñjasïta! ¡Qhitic nanacar jan walinac luratamat apscätamjja!

Salmos 37:15

ucampis pachpa espadapaw chuymanacap chhokhontani, arconacapasti p'aquirasiniwa.

Salmos 46:9

aca orak tucuscamaw nuwasiñ t'acurayi; arconac jisc'a jisc'a p'aquinoke, lanzanac t'unari, nuwasiñ carronacsa ninampiw phichhantaraqui.

Salmos 76:3

Ucawjan nuwasiñ armanac t'unjäna, jarc'akasiñanaca, espada mich'inac tucjaraquïna.

Isaías 21:2

Diosajj cuntejj uñacht'ayquitu ucasti ajjsarcañawa; lunthatirejj lunthatiwa, t'unjiristi t'unjaraquiwa. ¡Elam, sartasim! ¡Medo jakenaca, nuwantapjjam! ¡Janiw juc'ampi cunsa ist'añ muncti!

Isaías 34:8

Jïsa, uca urojj Tatitun asut'iñapa urüniwa, phoksusiña mararaquïniwa Sionataquejja.

Isaías 35:4

ajjsaririnacarusti sapjjaraquim: “Ch'amacht'asim, jan ajjsaramti” sasa. “¡Acanquiw Diosamajj jumanacar khespiyañataqui, uñisirinacamarusti juchanacapatjamwa mutuyaraquini!”

Isaías 59:18

Tatitojj sapa mayniruw luräwiparjam churani, uñisirinacaparusti mutuyaniwa, jupar uñisirinacarusti waquisitaparjamaw churaraquini, kota toke marcanacan utjirinacarusa.

Jeremías 49:35

“Naya take ch'amani Tatituw arsta: Elam marcan arconacapjja p'aquiräwa, uca arconacaw juparojj ch'am churaraquejja.

Jeremías 50:10

Caldeonacarusti k'epsuwayapjjaraquiniwa, ‘Ucqhaqui’ sañcamaw k'epsuwayapjjaraquini. Naya Tatituw ucjja arsta.

Jeremías 50:36

¡Layka jakenacaparusti nuwjapjjaraquim; lokhe tucupjjaracpan!

Jeremías 51:24

“Ucampisa, jumanacan uñjcataw, Babilonianquirinacarusa, caldeonacarusa, cunjämatejj jupanacar churañajj waquisqui uqhamarjama churaraquëjja, Sionar ñankhanaca lurapjjatapata. Naya Tatituw ucjja arsta.

Jeremías 51:30

Babilonia soldadonacasti janiw nuwascjjapjjänti; pachpa perkanacapanacwa sayarjjapjjäna; ch'amanacapasti pist'atäjjaraquïnwa, warminacjamaquëjjapjjaraquïnwa. Marcanacapasti uñisirinacan phokhantataraquïnwa, utanacapas ninampi naqhayataraquïnwa.

Jeremías 51:48

Alajjpachasa, acapachasa take cunanacatejj utjqui ucanacasa Babilonian aynacht'atätap uñjasajj walipuniw cusisipjjani, cunapachatejj amsta toket t'unjiripajj jutcani ucapachajja. Naya Tatituw ucjja arsta.

Jeremías 51:53

Babiloniajj alajjpachcamas maqhatascpan, jach'a ch'amapa jach'aru aptañataqui, ucarus jupanacataquejj uñisirinacapjja qhitascaquïwa ucan jupanacaru t'unjañapataqui. Naya Tatituw ucjja arsta.”

Jeremías 51:6

“¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.

Lamentaciones 3:64

Jupanacarusti cunatejj waquisqui uqhamar uñjam, Tatay, luräwinacaparjama jupanacarojj uñjaraquim.

Ezequiel 39:3

Ucatsti cuna arctejj uca ch'eka amparamar aycta ucjja p'acjäwa, cuna flechanactejj cupi amparamaru apcta ucanacsa willinucuraquïwa.

Ezequiel 39:9

“Israel marcanacan utjirinacasti mistusinjja armanacapjja ninaruw phichhantjjapjjani, take escudonacapsa, arconacapsa, flechanacapsa, jabalina sat armanacapsa, lanzanacapsa, ucatsti jupanacataquejj walja lawanacaw utjaraquini pakallko mara naqhayañataqui.

Amós 2:15

Arco apnakerïqui ucasa janiw cunsa lurcaraquiniti, janipuniw khespipcaniti kawkha cayumpi jalcasasa ni caballjjat jaltcasasa.

Abdías 1:15

Uca pachpa mayninacar lurctasa ucaraquiw jumarojj luratäni; ¡Jichhajj luratamatjamwa catokäta! “Take marcanacataquisti Tatitun urupajj niya jac'ancjjewa,

Habacuc 2:8

Marcanacaw mayacht'asipjjani juma contrajja, ucatsti aparapjjaraquïtamwa cunjämtejj jupanacat aparctajja uqhamaraqui. Phokhayasipjjaraquïtamwa take jiwarayatanacamatjja, uqhamarac aca nacionana marcanacapa, ucan jaquirinacapa contra jan walinac lurasa t'akhesiyatamata.

Deuteronomio 32:35

cawquïri phoksusiñ urutejj jutcani, ucata cuntï mayitaparjama churañataqui, cuna urutï aynacht'añapajj purincani ucqha. ¡Niyaw jac'ancjje t'unjatäñap urojja, niyaw jac'ancjje horasapajja!

2 Tesalonicenses 1:6

Diosajj chekawa jumanacaru t'akhesiyapctam ucanacaru t'akhesiyañataquejja.

Apocalipsis 17:16

Uca tunca wajjranaca uñjctas ucanacasti uca k'añu warmirojj uñisipjjaniwa, k'alalpacharaqui irpanucupjjani, janchipsti mank'apjjaraquiniwa, ninampiraquiw naqhantayapjjani.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”

Apocalipsis 19:2

Jupasti chekaparuw marcanacarojj tariparaqui. Acapachan wachoka juchan sarnaker k'añu warmirusti juchañcharaquiwa. Uca warmisti jucha lurañanacapampejj take jakenacaruw jan waliru apascäna. Diosan wawanacapar jiwarayatapatsa Tatitojj juparojj juchañcharaquiwa” sasa.

1 Samuel 2:4

Ch'amaninacan arconacapsa t'unjaraquiwa, pisi ch'amanirusti ch'aman tucuyaraqui.