Jeremías 51:19 - Qullan Arunaca

¹⁹ ¡Ucat sipansa cunja jach'as Jacobon Diosapajja, juparaquiw take cunanacatejj utjqui ucanacjja uscuraqui! Juparaquiw Israelarojj jupatacjama ajllisi; sutipasti: Take Ch'amani Tatitu sataraquiwa.

Aymar Bibliia 1986

¹⁹ ¡Ucat sipansa cunja jach'as Jacobon Diosapajja, juparaquiw take cunanacatejj utjqui ucanacjja uscuraqui! Juparaquiw Israelarojj jupatacjama ajllisi; sutipasti: Take Ch'amani Tatitu sataraquiwa.

Qullan Arunaka DC

¹⁹ ¡Ukatsipan kunja jach'as Israelan Diosapaxa, jupaw taqi kunatix utjki ukanaksa luri! Juparakiw Israelarux jupatak ajllisi; Taqi Ch'amani Tatitu satarakiwa.

Jeremías 51:19 Jak'a apnaqawi uñst'ayäwi

Salmos 115:3

Diosasajj alajjpachanquiwa, cuntejj jupajj munqui uc luri.

Salmos 135:4

Jupaw Jacoborojj ajllisïna, Israelarusti marcapäñataquiw ajllisiraquïna.

Salmos 16:5

Tatay, jumaw nayan take cunajjätajja; jumaw asquinacamamp phokhantista; jacañajjajj amparamar catuyatawa.

Salmos 33:12

Tatitut Diosanïqui uca marcajj cusisiñaniwa, jupatac ajllitäqui uca marcajj cusisiñaniwa.

Salmos 73:26

Chuymajjasa, janchejjas tucusisquiwa, ucampis Diosaw wiñay catokäwejjajja, jupaw chuymajjarojj catjjäsisqui.

Salmos 74:2

Nayra pachatpach jicjjatasit marcamat amtasim, jumancañapatac khespiyat marcamat qhuyapayasim, utjäwim uchasit Sión kollut amtasiraquim.

Isaías 47:4

Jiwasan khespiyirisajja, Israelan Kollan Diosapajja, qhititejj take ch'amani Tatitu satäqui ucajj siwa:

Isaías 51:13

¿Qhititejj alajjpachsa, acapachsa lurqui uca Tatitu Diosamatjja armasïtati, qhititejj alajjpacha janatati, oraksa utt'ayaraqui ucatjja? ¿Qhitinacatejj jumar tucjañataquejj jac'ancqui, wali colerata uñch'uquisctam ucanacataquejj qhathatiscaquïtati? Ucampis ¿cawquinquis colerasiñapajja?

Jeremías 10:12

Tatitojj ch'amapampiw aca orake luri, amuyt'apampiraquiw aca oraksa sayt'ayi, ch'iqhi cancañapampiw alajjpachsa uscuraqui.

Jeremías 10:16

¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Jeremías 33:2

“Naya, qhititejj aca orake lurcta, ucatsti suma cimientopjjaru utt'aycaracta, ucaw sisma:

Jeremías 50:11

“Jumanaca, caldeonacasti, marcajjaru k'epsurinaca, ¡jichhajj cusisipjjam, c'uchirt'asipjjaraquim! ¡Vaca kallur uñtat paston sinc'usipjjam! ¡Caballonacjamaraqui wararipjjam!

Jeremías 50:34

Ucampisa khespiyiripajj ch'amaniwa, sutipasti ‘Take Ch'amani Tatitu’ sataraquiwa. Jupaw take cunsa chekaparu uñjaraquini; marcarusti sumancañwa apanini, ucampisa Babilonianquiri jakenacataquejj jach'a ajjsarcañanacwa apaniraquini” sasa.

Jeremías 51:5

Israel marcampi, Judá marcampejja nayataquejj nayrakatan jucha lurapcchi ucasa, uqhamaraqui jucha luratanacapampejj marcanacapjja phokhantapcchi ucasa, naya take ch'amani Tatitojja, Israelan Kollan Diosapajja, janiw jupanacarojj apanuccti.

Lamentaciones 3:24

Nayasti sasiractwa: “Nayataquejj Tatituquiw take cunajja; ucatpï juparu iyawsaractjja” sasa.

Deuteronomio 32:9

Diosan herenciapasti, jakenacapawa Jacobon marcapawa.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.