Jeremías 48:26 - Qullan Arunaca

²⁶ Moab marcarojj machjayapjjam, Tatitutaqui sayt'asitap laycu. Ucapachaw Moab marcajj pachpa wak'sutapar korumnakani, takeniw jupatjja larusipjjaraquini.

Aymar Bibliia 1986

²⁶ Moab marcarojj machjayapjjam, Tatitutaqui sayt'asitap laycu. Ucapachaw Moab marcajj pachpa wak'sutapar korumnakani, takeniw jupatjja larusipjjaraquini.

Qullan Arunaka DC

²⁶ Moab markarux machjayapxam, Tatitutak sayt'asitap layku. Ukapachaw Moab markax pachpa waq'sutapar qurumsuni, taqiniw jupat larusipxarakini.

Jeremías 48:26 Jak'a apnaqawi uñst'ayäwi

Job 15:25

“Ucanacaw lurasi qhititejj Dios contra sayt'asqui ucarojja, qhititejj take ch'amani Diosar saycatqui ucarojja,

Job 9:4

Diosajj jach'awa ch'amanïñansa, uqhamaraqui yatiñ cancañansa; ¿qhitirac Dios nayrakatanjja sayt'asispa, ucatsti jan cunaqui mistjjaraquispasti?

Salmos 2:4

Ucampis alajjpachan jaquir Tatitojj larusiwa, jupanacat sawcasiwa,

Salmos 59:8

Jumasti, Tatay, jupanacat larustawa, juchaninacat phiscastawa.

Salmos 60:3

Marcamarojj jach'a yant'anacampiw t'akhesiytajja, lokheptayir vino churapjjestajja;

Salmos 75:8

Tatitojj k'apisiñ copa ast'atawa, t'amantat phokha vinon vasowa: orakenquir ñankha lurir jakenacasti konchumppach umantapjjani.

Éxodo 5:2

Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.

Éxodo 9:17

Ucampis jumajj janiw munctati marcajjaru sarjjañapatac antutañjja.

Isaías 10:15

Ucampisa, ¿hachasti, qhititejj apnakqui ucat sipan juc'ampïspati? ¿Serruchosa qhititejj apnakqui ucat sipansa juc'ampïspati? ¡Cunjämaquitejj thujrojj alek mä lawaqui, jupas jakerojj ucsaru acsaru apcaspa uqhama!

Isaías 19:14

Tatituw jupanacjjaru churi pantjayiri ajayunaca; jupanacasti Egiptorojj pantat thaquinjamwa irpapjje, take cuna lurañapansa, cunjämatejj mä machat jakejj wak'jasi, liwinaktaraqui uqhama.

Isaías 28:8

Take mesanacas ajjtascañ wak'jasiñanacampi phokhantatawa, janiraquiw cawqhas k'omajj utjquiti.

Isaías 29:9

¡Jumanacasti, jakenaca, uqham lokhequïsipcam! ¡Juyqhuquïsipcam, jan cuns uñjasa! ¡Umatanacjam liwinaktasipcaquim, jan machjayiri umanac umapcsta ucasa!

Isaías 51:17

Sartasim, sartasim, Jerusalén, sayt'asim. Jumaw Tatitun colerasiñapatjja t'akhestajja, cunjämtejj maynejj mä copa umt'asajj tak umsusajja machjasejja, uqhama.

Isaías 63:6

Coleratajja, k'alpun marcanacarojj t'unjta, colerasiñajjampiraquiw jupanacarojj tucjtjja, wilanacapsti orakenjam llumiyaractjja.

Jeremías 48:39

¡Moab marcatjama jaqhusipjjam! ¡Cunja ajjsarcañas uca marcajja! ¡Mä p'enkaw khepäjja uñtaraqui! Ajjtascaña, jisc'achcañaraquiw marca jac'anacapataquisa tucuraqui.

Jeremías 48:42

Moab marcasti tucusiraquiniwa, naya Tatitutaqui sayt'asitap laycu.

Jeremías 50:29

“¡Take arco apnakeri jakenacaru jawsapjjam, Babiloniaru nuwantapjjañanacapataqui! ¡Marcaru muyuntata purintapjjaraquim, uqhamat jan maynis jaltañapataqui! ¡Cunjäma lurañatejj jupanacaru waquisqui uqhamarjama lurapjjaraquim uca marcarojja! ¡Cunjämtï jupajj lurqui, uqhamaraqui jumanacajj jupampi lurapjjam! Nayataquisti wali ñankha jakew tucuraquïnjja, naya Israelan Kollana Tatitu Diosapataquejja.

Jeremías 51:39

Cunapachatejj jupanacaru calorajj khatt'ani ucapachasti nayaw machjayiri umanac churaraquï, ucasti jupanacarojj p'eke muytayaraquini. Uqhamat jupanacajj mä wiñaya samcaru puripjjaraquini, janiraquiw ucatjja mayampsa sartcjjapjjaniti. Naya Tatituw ucjja arsta.

Jeremías 51:57

Reyi, take ch'amani Tatitusti siwa: “Babilonianquiri jilïrinacarojj machjayäwa, yatiñani jakenacaparusa, marca apnakerinacaparusa, jilïrinacaparusa, soldadonacaparusa, wiñayataquiw ict'jjapjjaraquini, janiraquiw mayampsa ucatjja sartcjjapjjaniti.

Jeremías 51:7

Babiloniasti nayan amparajjanjja mä kori copjamänwa, take aca orakpacharu umjayiriraquïnwa. Marcanacasti uca vino umapjjänjja, k'alwa p'eksa muytayaraquïnjja.

Lamentaciones 1:21

Jakenacajj wararitajj ist'asipquiwa, ucampisa janiw qhiti chuymachiris utjcaraquituti. Take uñisirinacajjaw aynacht'atajj-jja yatipjje, Juman nayaru t'akhesiyatamatsti cusisipjjaraquiwa. Juman urumasti purinpanaya, ucatsti jupanacarojj cunatejj nayaru purquitu ucaraqui purpan.

Lamentaciones 3:15

Tatitusti jachañanacampiw phokhantitu, c'allc'u uma umañwa churaraquitu.

Lamentaciones 4:21

¡Edom marca, jichhajj larusim, cusisiraquim; Uz sat oraken apnakeri! ¡Jumarojj t'akhesiña umañajj wact'araquïtamwa, ucatsti k'alala, machjataw uñjasiraquïta!

Daniel (hebreo) 11:36

“Amstanquir reyisti cuntejj jupajj munqui ucwa luraraquini cunjämatejj jupajj sinti jach'a jach'a tucqui uqhamäniwa, take diosanacatsa jilïrïcaspas uqhamwa amuyasiraquini, cheka Diosataquisti cunayman jan wali arunacwa arsuraquini, take cunas jupataquejj asquiruw mistsuni, Diosajj jupataqui mutuyäwipa puriyancani uca horascama, cuntejj Diosajj amtcani ucasti phokhasiniwa.

Daniel (hebreo) 5:23

Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Daniel (hebreo) 8:10

Sinti jilantatapatsti, alajjpachcamaw puriraquïna, warawaranacsa williraniraquïnwa, ucatsti uca warawaranacarojj taquisiraquïnwa,

Nahúm 3:11

Jumarusti umjayapjjaraquïtamwa; ipiptataw imantasjjaraquïta, uñisirimat jaltañ munasinjja.

Habacuc 2:16

Jach'añchasïwi lantjja, p'enkasiñampiw isthapisïtajja, Dios Tatituw churaraquïtam mä copa umt'añamataqui ucaw uñacht'ayätamjja juman k'alaquïtama, jach'a luräwinacamsa jisc'aruraquiw tucuyani.

2 Tesalonicenses 2:4

Acawa take cunatejj Diosancquis uca contra sayt'iri uñisirejja. Jupasti Diosan templopan kont'asiñcamaw puri Diosäcaspas uqhama, ucatsti jupa pachpaw Diosat uñt'ayasiraqui.

Apocalipsis 16:19

Jach'a marcasti quimsaruw jaljtäna, yakha marcanacasti k'alaraquiw t'unthaptäna. Diosasti amtasiraquïnwa Babilonia jach'a marcataqui cuna mutuyäwitï waquichatäcänjja uca churañataqui jach'a colerasiñapampi.