Jeremías 48:11 - Qullan Arunaca

¹¹ Moab marcajj sumaquipuniwa jacasiscänjja. Janipuniw cunapachas jaya marcarojj apayata uñjascänti. Mä sapa sañunquiri vinjama, cawquïri vinotejj jan mä sañut yakha sañuru waraquipatäqui, ucatsti janiraqui mojjsapasa ni k'aphipasa chhakquiti uqhama.

Aymar Bibliia 1986

¹¹ Moab marcajj sumaquipuniwa jacasiscänjja. Janipuniw cunapachas jaya marcarojj apayata uñjascänti. Mä sapa sañunquiri vinjama, cawquïri vinotejj jan mä sañut yakha sañuru waraquipatäqui, ucatsti janiraqui mojjsapasa ni k'aphipasa chhakquiti uqhama.

Qullan Arunaka DC

¹¹ Moab markax sumakipuniw jakasiskäna, janipuniw kunapachas jaya markarux apayat uñjaskänti. Mä suma vinor uñtatänwa, mä chiqanakpun suman jakasiskäna. Ukatpï taqi kunas uka markatakix walikipunïskänxa, janirakiw saräwinakapsa chhaqhayaskänti.

Jeremías 48:11 Jak'a apnaqawi uñst'ayäwi

Salmos 123:4

Kamirinacajj larch'uquipjjetuwa, jach'a jach'a tucurinacajj jisc'achapjjetuwa, ajayojjajj aynacht'atäjjewa.

Salmos 55:19

Wiñay jaquir Diosaw ist'itu, jupanacarusti aynacht'ayaniwa, janiw sarnakäwinacap chekachasiñ munapquiti, janiraquiw Diosarus ajjsarapquiti.

Proverbios 1:32

Jan yatiñan jakenacarusti jan wali luratanacapaw tucjani, pisi amuyt'an jakenacarusti jan amuyt'asitanacapaw aynacht'ayani.

Isaías 16:6

Moab marcan jach'a jach'a tucur chuymapsti uñt'tanwa, jach'a jach'a tucuñapsa, sajjrätapsa, jan cunatac inamaya arunacapsa yatiractanwa.

Isaías 24:3

Orakejj k'ala tucjatäniwa, k'ala lunthatjataraqui. Take acanacwa Tatitojj saraqui.

Isaías 25:6

Sión kollunsti take ch'amani Tatitojj take marcanacataquiw waquicharaquini, mä suma mank'äwi suma imat vinonacampi, sinti suma mank'anaca uqhamaraqui suma ajllit vinompi.

Jeremías 22:21

Cunapachatejj jumajj wali suma sarnakascäyäta ucapachaw nayajj jumarojj parlsma, ucampis janiw ist'añ munctati. Wayna cancañamatpacha uqhampuniw sarnaktajja; ¡arunacajj ist'añsti janipuniw munctati!

Jeremías 48:12

Ucampisa Tatitojj siwa: “Mä uruw purinini cunapachatejj nayajj jakenaca qhitanï uca vino mä sañut mä sañuru waraquipañapataqui, ucatsti waraquipjjasinjja uca ch'usa sañu p'acjañapataqui, uca urojj purininiwa.

Jeremías 48:29

Moab marcan jach'a jach'a tucurïtapjja yatipjjtanwa, jach'a jach'a tucutapa, jisc'achirïtapa, mä jan ajjsartiri chuymanïtapsa.

Jeremías 51:34

Jerusalén marcasti, Sión marcajja saraquiwa: “Babilonianquiri Nabucodonosor reyejj jisc'a jisc'wa nayarojj tucjitu, mank'antaraquituwa; ch'usa plator uñtatwa jaytaraquitu. Jach'a kotanquiri mä jach'a animaläcaspas uqhamaw mank'antitu; cunatejj nayat sumäcäna ucampiw sist'asi, ucat jilt'irsti liwtjjaraquiwa. ¡Cuntejj nayar Babiloniajj lurquitu ucatsti jichhajj yatpan! ¡Caldeo jakenacasti, jakenacajja jiwarayatapatjja yatiracpan!”

Nahúm 2:10

“T'unjata, wasara tucuyata, jachcaña lurataw Nínive marcajj uñjasi. Chuymanacas ajjsarañatjja tucusiwayjjewa, cayunacapas wal qhathatiraqui, takenis ch'ama thayjtatcamaquiwa, ajanunacapasti k'elluw tucuwayi.

Nahúm 2:2

Tatitusti Jacobon jach'añchäwinacapjja wasitatwa cuttayjjaraquini, Israelan jach'añchäwinacapjja, cunjämacäntejj janïra k'al saqueyjapcän, uqhamaraqui k'ara uva lawanacaqui jaytjjapjjän ucqhajja.

Sofonías 1:12

“Uca urunacanjja mä lamparampiw Jerusalén marcarojj uñaquiparaquï. Ucatsti mutuyaraquïwa cawquïri jakenacatï juchanacapan chhaktata inaqui kamasipqui, chuymanacapansti sapjjaraqui: ‘¡Janiw Diosajj walsa jan walsa lurcaniti!’ sasa.

Zacarías 1:15

Ucatwa colerajjajj aktejja jan yäkasir marcanac contrajja, cunapachatï juc'a coleratäscäyäta ucqhasti yanapt'apjjänwa ñankjja wali sartayaña.