Jeremías 43:7 - Qullan Arunaca

⁷ Take ucanacasti jan Tatitur ist'asaw Egipto tokeru jacasiri sarjjapjjäna, ucatsti Tafnes sisqui uca chekaruw puripjjäna.

Aymar Bibliia 1986

⁷ Take ucanacasti jan Tatitur ist'asaw Egipto tokeru jacasiri sarjjapjjäna, ucatsti Tafnes sisqui uca chekaruw puripjjäna.

Qullan Arunaka DC

⁷ Tatitur jan ist'asaw taqi uka jaqinakax Egipto markar jakasir sarxapxäna, ukatsti Tafnes sata chiqaruw puripxäna.

Jeremías 43:7 Jak'a apnaqawi uñst'ayäwi

2 Reyes 25:26

Ucatsti take jakenacawa caldeo jakenacar ajjsarasa, ucatjja sartasisina Egiptor sarjjapjjäna, uqhamarac jach'anacasa jisc'anacasa ejerciton jilïrinacapasa.

2 Crónicas 25:16

Cunapachatï profetajj parlcäna ucqhajja, reyejj aqham sasaw juparojj cutt'ayaraquïna: —¿Nanacasti jumarojj reyin amuyt'ayiripatti utt'ayasipjjsma? Janiqui ucanac parlcamti. Jan ucajj ¿jiwayayasicha muntajja? —sasa. Profetasti ucjjarojj janiw juc'amp parlcjjänti, ucampis aqham sasaw säna: —Nayajj yattwa, Diosajj jumar tucjawa amti aqham luratamata, uqhamarac ewjja arunacajjaru jan ist'atamatsa —sasa.

Isaías 30:2

Mäquiw Egiptor jalawayapjje jan nayar jisct'asisa, faraonampi arjjatatäñ munapjjaraqui, Egipton ch'iwiparuw samart'añjja thakapjjaraqui.

Isaías 30:4

Jumanacajj qhitanacsa qhitasipcsta Zoán, uqhamaraqui Hanes marccama,

Jeremías 2:16

Menfis uqhamaraqui Tafnes sisqui uca chekanquir jakenacaw p'eksa ch'iyjapjjaractam.

Jeremías 41:17

Uqhamaw jupanacajj jutantasipcäna Gerut-quimam sisqui uca chekaru puriniñcama, ucasti Belén jac'ancänwa, cawqharutejj sayt'apcän uca. Jupanacan amtatanacapasti Egipto marcar puriñänwa;

Jeremías 42:21

Nayasti jumanacarojj yatiyapjjsmawa, cuntejj Tatitu Diosamajj jumanacar yatiyañataqui sisquitu ucanacjja, ucampisa jumanacajj janiw ist'añ munapctati.

Jeremías 44:1

Jeremías chachajj catokcänsa uca arunaca, take judionacatejj egipcio marcanacan jacapcänsa Migdol, Tafnes, uqhamaraqui Menfis sisqui uca marcanacana, Egipto marcan aynacha tokenacana:

Jeremías 44:24

Uqhamarus Jeremiasajj take jakenacaru uqhamaraqui warminacarusa saraquïnwa: Judá orakenquir jakenaca, qhitinacatejj Egiptor jaquiri jutjjapjjta ucanaca, ist'apjjam aca Tatitun arunacapa.

Jeremías 46:14

“Egipton yatiyapjjam, Migdol, Menfis, Tafnes sisqui uca chekanacansa; ¡takenisa, janc'aqui suyt'apjjam! ¡Espadasti juma thiyanacanjja k'alwa tucjasqui!

Ezequiel 30:18

Cunapachatejj nayajj Egipto marcan ch'amapa t'unjcä, uqhamaraqui cuna ch'amattejj jupajj wali jach'a jach'a tuccän uca t'unjcä ucapachasti; Tafnes sisqui ucanjja intejj ch'amact'aniwa, Egiptorusti mä kenayaw ch'iwjjataraquini, marcanacapan jaquir jakenacarusti preso catuntata apasjjapjjaraquini.