Jeremías 42:11 - Qullan Arunaca

¹¹ Babilonianquiri reyirojj jan ajjsarapjjamti, jumanacajj juparojj walpun ajjsarapjjtajja. Jan juparojj ajjsarapjjamti, nayasti jumanacampïsctwa jumanacar munañapat khespiyañataqui. Naya, Tatituw, ucjja arsta.

Aymar Bibliia 1986

¹¹ Babilonianquiri reyirojj jan ajjsarapjjamti, jumanacajj juparojj walpun ajjsarapjjtajja. Jan juparojj ajjsarapjjamti, nayasti jumanacampïsctwa jumanacar munañapat khespiyañataqui. Naya, Tatituw, ucjja arsta.

Qullan Arunaka DC

¹¹ Babiloniankir reyirux jan axsarapxamti, uka reyin munañapat qhispiyañatakix nayaw jumanakampïskta. Naya, Tatituw, uk arsta.

Jeremías 42:11 Jak'a apnaqawi uñst'ayäwi

2 Reyes 25:26

Ucatsti take jakenacawa caldeo jakenacar ajjsarasa, ucatjja sartasisina Egiptor sarjjapjjäna, uqhamarac jach'anacasa jisc'anacasa ejerciton jilïrinacapasa.

Salmos 118:6

Tatitojj nayampïsquiwa: janiw ajjsarayascäti; ¿camächaraquitan jakesti?

Salmos 46:11

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Salmos 46:7

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 43:2

Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

Isaías 43:5

Jan ajjsaramti, nayaw jumampïscta. Inti jalsu toketsa, inti jalanta toketsa, nayaw jakenacamjja anthapinjjä.

Jeremías 1:19

Jupanacajj walpun juma tokejj sayt'asipjjani, ucampis janiw atipjapcätamti. Nayaw jumampïscäjja jumar imañataquejja. Ucsti naya Tatituw arsta” sasa.

Jeremías 1:8

Jan qhitirus ajjsaramti, nayaw jumampi chict'atäscä jumar imañataqui. Naya Tatituw ucjja arsta” sasa.

Jeremías 15:20

Nayasti jumarojj aca marcataquejj broncet lurat perkjama tucuyaraquïma, jan atipcaya. Jumataquejj wali sartasipcani, ucampis janiw atipapcätamti, nayaw jumampi chicäscta, jumar khespiyañataquejja. Naya Tatituw uca arunacjja arsta.

Jeremías 27:11

Ucampisa cawquïri marcatejj Nabucodonosor reyiru jaysani, uca Babilonia marcan reyiparu, ucanacarusti naya pachpawa orakeparu kheparayaraquï, ucana jacasiñapataqui uqhamaraqui yapuchasiñapataqui. Naya Tatituw ucjja arsta.”

Jeremías 27:12

Naya Jeremiasasti aca pachpa arunacwa Judá oraken Sedequías reyiparojj yatiyta: “Babilonia marcanquir reyiparu jaysapjjam uqhamaraqui jakenacaparusa, ucapachaquiw jacapjjaraquïta.

Jeremías 27:17

¡Jan jupanacarojj ist'apjjamti! Jan ucasti Babilonianquir reyiru jaysapjjam, ucapachaquiw jacapjjaraquïta. ¿Cunapunisa utj-jjaraquispasti aca marcan k'ala mayjaru t'unthapisina montont'atäñapataquisti?

Jeremías 41:18

uqhamat caldeonacat jaltjjañataqui, Ismaelon Gedaliasaru jiwayatap laycuraquiw uca caldeo jakenacarojj wali ajjsarapjjäna, uca Gedaliasasti Babilonianquir reyin utt'ayataraquïnwa uca marcanaca apnakañapataqui.

Números 14:9

Ucampis jan Tatitu contra sartapjjamti, ni uca marcan jakenacaparus ajjsarapjjamti, jupanacasti mä t'ant'jam mank'antatäniw jiwasataquejja. Jupanacar arjjatirejj janiw qhitis utjquiti, ucat sipansa Tatituw jiwasampïsqui. ¡Jan ajjsarapjjamti!

Mateo 10:28

Jan jumanacajj janchir jiwayirirojj ajjsarapjjamti, ucampis almarojj janiw jiwayapcaspati. Qhititï almampiru janchimpiru infiernojj t'unjcaspas ucaru ajjsarapjjam.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Hechos 18:10

Nayaw jumampïscta, janiw qhitis cuns camachcätamti. Walja jakenacaw aca marcanjj utjasquitu” sasa.

Romanos 8:31

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Deuteronomio 20:4

jan ucasti jumanacan Tatitu Diosamaw jumanacampïsqui; ucatsti jupaw uñisirinacamampi nuwasiscani, jupanacarusti atipjapjjaraquïtawa’ sasa.

2 Timoteo 4:17

Ucampis Tatituwa yanapitu, ch'am churaraquitu, uqhamat khespiyasiñ arunac parlañajjataqui, qhitinacatejj Tatitur jan uñt'apqui uca jakenacan ist'apjjañapataqui. Uqhamwa Tatitojj leonan lacapat khespiyitu.

Josué 1:5

Take jacañamansti janiw qhitis atipañ puedcätamti. Nayaw jumampïscä cunjämatejj Moisesampïcäyätjja uqhama; janipuniw jaytcämati ni apanuccaraquïmasa.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.