Jeremías 42:10 - Qullan Arunaca

¹⁰ ‘Jumanacatejj aca oraken kheparaña munasipcsta ucajj, nayajj jumanacarojj jach'aruw aptapjjäma; janiw tucjapcaraquïmati, jan ucasti nayaw ayruntapjjäma, janiraquiw jiq'inucupcämati, uca jan walt'añanaca apayanitajjatsti walpun amtaracta.

Aymar Bibliia 1986

¹⁰ ‘Jumanacatejj aca oraken kheparaña munasipcsta ucajj, nayajj jumanacarojj jach'aruw aptapjjäma; janiw tucjapcaraquïmati, jan ucasti nayaw ayruntapjjäma, janiraquiw jiq'inucupcämati, uca jan walt'añanaca apayanitajjatsti walpun amtaracta.

Qullan Arunaka DC

¹⁰ ‘Jumanakatix aka uraqin qhiparañ munapxstaxa, nayax jumanakarux jach'aruw tukuyapxäma; janiw tukjapkämati, jan ukasti nayaw mä quqarjam ayruntapxäma, janirakiw jik'inukupkämati, uka jan walt'añanak apayanitaxatsti walpun amtarakta.

Jeremías 42:10 Jak'a apnaqawi uñst'ayäwi

2 Samuel 24:16

Cunapachatejj angelajj Jerusalén marcaru niya t'unjañampïscän ucapachasti, Tatitojj chuymapan amtaraquïnwa uca jach'a jan wali luratapa, ucatwa angelarojj saraquïna: “¡Ucqhacamaqui, jan juc'ampi lurcjjamti!” sasa. Ucapachasti Tatitun angelapajj cawqhantejj jebuseo Arauna jakejj trigo jawk'cäna ucqhanwa jicjjatasiraquïna.

Salmos 102:16

Tatitojj Sión marcar wasitat utachcani ucapacha, khapak cancañapan uñstcan ucapacha,

Salmos 106:45

jupanacamp arusjäwi luratat amtasïna, jach'a qhuyapayasiñampiw ch'alljjtayasïna:

Salmos 37:3

Tatiturojj take chuymamp alcatam, asc luraraquim, oraken jacasim, chekaparac jacam;

Salmos 69:35

Diosaw Sión marcarojj khespiyani, Judá orakenquir marcanac wasitat sayt'ayani, uywatanacapan wawanacapaw ucanac catokasjjapjjani, sutipar munirinacajj ucan jacasjjapjjani.

Éxodo 32:14

Ucampis Tatitojj jakenacar cun lurañataquitejj amtas arscäna ucjja janiw lurcjjänti armasjjänwa.

Jeremías 24:6

Nayaraquiw jupanacarojj suma uñjascä, ucatsti aca marcaruw cuttayanjjaraquï; acanwa jupanacarojj wali suma jacasiyaraquï, janiraquiw mayampi jupanacarojj t'unjcjjäti; ayruntäwa, ucatsti janiraquiw jiq'inuccäsa.

Jeremías 26:19

“¿Uqhamasti Ezequías reyisa, uqhamaraqui Judá marcanquir jakenacasa Miqueasarojj jiwayapjjaraquïnti? Ucatsipana take cuntejj lurapcäna ucanacajj mayjänwa: Reyejj Tatituruw ajjsartäna, ucatsti qhuyapt'ayasita sasaw mayisiraquïna. Ucatsti Tatitojj janiw apayancjjänti cuna jach'a t'akhesiñtejj apayaniñataqui arscatayna ucjja. ¿Uqhamasti jiwasajj aca jakerojja jiwayascaquiñäniti, ucatsti t'akhesiscaquiraquiñäniti uqham luratasatjja?” sasa.

Jeremías 27:11

Ucampisa cawquïri marcatejj Nabucodonosor reyiru jaysani, uca Babilonia marcan reyiparu, ucanacarusti naya pachpawa orakeparu kheparayaraquï, ucana jacasiñapataqui uqhamaraqui yapuchasiñapataqui. Naya Tatituw ucjja arsta.”

Jeremías 31:28

Cunjämatejj jiq'inucuñataquisa, liwinucuñataquisa, pampa t'unjañataquisa, tucjañataquisa, cunayman ñankhanaca lurañataquisa nayajj janc'aquïyätjja, uqhamaraqui jichhajj janc'aquiraquïyäwa wasitat sayt'ayañataquisa, uqhamaraqui wasitata ayruntañataquisa. Naya Tatituw ucjja arsta.

Jeremías 33:7

Judá marcana, uqhamaraqui Israelan sarnakäwipsa sumaruw tucuyjjaraquï, ucatsti wasitatwa jupanacarojj sayt'ayjjä: cunjämäpcäntejj kalltanjja uqhamäjjapjjañapataquiraqui.

Jeremías 43:4

Uqhamapï Johanán jakes, jilïri militaranacasa, take marcan jaquirinacapasa janiw Judá orakeru kheparapcänti; uqhamatwa Tatitun arsutapar jan ist'apcänti.

Ezequiel 36:36

Ucapachaw uca jac'anquir marcanacajj, cunatejj t'unjatäcäna uqhamaraqui ninampi naqhayatäcän ucanac naya Tatitojj wasitat sayt'ayjjatajja yatipjjani. Naya Tatituw ucjja arsta, arsutajjarusti phokhapunïwa.

Oseas 11:8

“¿Cunjämarac apanuct'asïmasti, Efraín? ¿Cunjämarac jaytanucümasti, Israel? ¿Adma marca tucjctjja uqhamti tucjaraquirisma, jan ucajj Zeboimarojj cuntejj lurcta uqhamraccha luririsma? ¡Chuymajjaw ch'alljjtitu, jumataquisti qhuyapayasiñan phokt'ataraquïtwa!

Joel 2:13

¡Jumanacasti Tatitu Diosamar cuttjjapjjam, isinacama ch'iyanokcamayjja, chuymanacamaya ch'iyanokapjjamjja! Tatitojj munasiriwa, qhuyapayasiriraquiwa, paciencia chuymaniwa, munasiñapas jach'araquiwa; cuna mutuyäwetejj utjqui ucsa, jiwasatjja jayar apanucjjañataquisa.

Amós 7:3

Ucatsti Tatitojj amtäwipjja jaytjjewa, ucatjja saraquiwa: “¡Ucajj janiw uqhamäcjjaniti!” sasa.

Amós 7:6

Ucatsti Tatitojj amtäwipjja jaytjjewa ucatjja saraquiwa: “¡Ucas janiraquiquiw uqhamäcjjaniti!” sasa.

Jonás 3:10

Diosasti uñjänwa Nínive marcanquir jakenacarojj uqham lurasquiri, jan wali sarnakäwinacapsa apanucusquiri, uqham uñjasinwa Diosajj jupanacat qhuyapt'ayasjjäna, janiraquiw cuna castigotejj jutañapäcana ucsa apayancjjänti.

Jonás 4:2

Ucatsti, oracionapanjja Tatitumpiw parläna aqham sasa: — Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.

Hechos 15:16

‘Aca khepatjja cuttanïwa, ucat wasitat Davidan tincut utapjja sayt'ayäjja. Lakay perkanacapsa asquichthapiraquïwa. Wasitataracwa sayt'ayäjja.

Deuteronomio 32:36

“Diosaw marcapat arjjatiri mistsuni, cunapachatejj jan ch'amanëjjani ucqhajja; Diosaraquiw wawanacapatjja qhuyapayasini cunapachatejj jan t'uqha jakenaca ni ch'aman jakenaca utjcani ucapacha.

Jueces 2:18

Diosasti sapa cuti mä jilïri sayt'aycäna ucarusti yanaparaquïnwa, aca jilïristi jacäwipanjja khespiyänwa israelitanacarojja uñisirinacapan t'akhesiyatäñatjja. Diosasti jupanacatjja qhuyapt'ayasïnwa t'akhesisa sarnakapjjatanacap uñjasa, uqhamarac arnakasipjjatanacap ist'asinjja.