Jeremías 41:18 - Qullan Arunaca

¹⁸ uqhamat caldeonacat jaltjjañataqui, Ismaelon Gedaliasaru jiwayatap laycuraquiw uca caldeo jakenacarojj wali ajjsarapjjäna, uca Gedaliasasti Babilonianquir reyin utt'ayataraquïnwa uca marcanaca apnakañapataqui.

Aymar Bibliia 1986

¹⁸ uqhamat caldeonacat jaltjjañataqui, Ismaelon Gedaliasaru jiwayatap laycuraquiw uca caldeo jakenacarojj wali ajjsarapjjäna, uca Gedaliasasti Babilonianquir reyin utt'ayataraquïnwa uca marcanaca apnakañapataqui.

Qullan Arunaka DC

¹⁸ ukhamat babilonionakat jaltxañataki, Ismael chachan Guedaliasar jiwayatap laykuw uka babilonionakarux wal axsarapxäna, Guedaliasasti Babiloniankir reyin utt'ayatarakïnwa uka marka apnaqañapataki.

Jeremías 41:18 Jak'a apnaqawi uñst'ayäwi

2 Reyes 25:22

Babilonianquiri Nabucodonosor reyejj Ahicam chachan Gedalías sat yokaparuwa apnakeripata utt'ayäna, jupasti Sefán chachan allchhipänwa. Jupasti utt'ayatänwa Judá orakena jakenac jaytawaycatayna ucanac uñjañapataqui.

2 Reyes 25:25

Ucampis pakallkör phajjsina Netanías chachan Ismael yokapaw purinïna tunca jakenacamp chict'ata, jupasti Elisama chachan allchhipänwa, uqhamarac Judá marcanquir reyinacan familiapatänwa, ucatsti takpachaniw Gedalías chacharu jiwayapjjäna, uqhamarac Mizpa chekana judío jakenaca, caldeo jakenacasa utjcäna ucanacarus jiwayapjjaraquiquïnwa.

Isaías 57:11

“¿Qhitiraqui uca diosanacasti, cawquïrinacarutejj jumajj ajjsarcayäta, jach'añchcaraquïyäta nayar apanucusa, uqhamat nayat k'ala armt'asiñamataquisti? Cunapachatejj jumajj nayaru jan jach'añchquïyästa ucqhajja, nayajj amuquïscayätwa, jan amuyiriquiw tucuraquïyätjja.

Jeremías 40:5

Cuttjjaña munsta ucapachasti Gedaliasan ucaru cuttjjam, qhititejj Ahicam sat jakena yokapäqui, Safán jakena allchhipäcaraqui ucaru. Babilonianquiri reyisti juparuw Judá orakenquir marcanaca apnakañapataqui utt'ayaraqui, jupampi jacam uqhamaraqui marcamampi. Cawquirus sarjjañ munta ucaru sarascaquim” sasa. Comandantesti janc'aquiw Jeremiasarojj mä wajjt'äwi churaraquïna, uqhamaraqui cunanacatejj munasqui jacañataquejj ucanacsa, ucatsti qhitanucjjänwa.

Jeremías 42:1

Take jilïrinacasti, Carea jaken Johanán yokapa, uqhamaraqui Osaías jaken Azarías sat yokapa, take jakenacampi jisc'a jach'a,

Jeremías 42:11

Babilonianquiri reyirojj jan ajjsarapjjamti, jumanacajj juparojj walpun ajjsarapjjtajja. Jan juparojj ajjsarapjjamti, nayasti jumanacampïsctwa jumanacar munañapat khespiyañataqui. Naya, Tatituw, ucjja arsta.

Jeremías 42:16

cuna guerrarutejj jumanacajj wali ajjsarapjjta uqhamaraqui uca jach'a mach'aru ajjsarapcta ucajj pachpa Egiptonwa jumanacaru jicjjatapjjätam, ucatsti uca pachpa orakenwa jiwarapjjaraquïta.