Jeremías 4:18 - Qullan Arunaca

¹⁸ “Sarnakatanacamampi, luratanacamampiw apt'tam cunatejj pasctam ucanacarojja, ñankha luratamaw aca jan walt'añjja apaniractam, chuymamsa ust'ayasa.”

Aymar Bibliia 1986

¹⁸ “Sarnakatanacamampi, luratanacamampiw apt'tam cunatejj pasctam ucanacarojja, ñankha luratamaw aca jan walt'añjja apaniractam, chuymamsa ust'ayasa.”

Qullan Arunaka DC

¹⁸ “Jerusalén, jan wal sarnaqatamat taqi akanakax ukham lurasiski. Ñanqha luratamax axtkañawa, ukaw chuymamsa usuchjaraktam.”

Jeremías 4:18 Jak'a apnaqawi uñst'ayäwi

Salmos 107:17

Ñankha luratanacap laycuw usuntapjjäna, juchanacap laycuw t'akhisipjjäna;

Proverbios 1:31

¡Ucatsti jumanacajj jan wali sarnakapjjatanacamatjja t'akhesiñwa catokapjjäta! Ñankha amtatanacamampisti amjayasipjjätamwa.

Proverbios 5:22

Jucha lurir jakerusti pachpa ñankha luratapaw catunti; jupan jucha luratapasti chinuñar uñtataw chinjjäsi.

Isaías 50:1

Tatitojj siwa: “¡Jan amuyapjjamti nayan Israelaru qhitanucutajj-jja, jupasti taycamawa, cunjämtejj mä jakejj warmiparojj apanucqui uqhama, jan ucajj nayan jumanacar esclavot aljatajjsa, qhitimpisa manunïtajj laycu! Jumanacajj aljatäpjjayätawa, jucha lurapjjatam laycu; jumanacan taycama Israelasti apanucutaraquïnwa, jumanacajj nayatac sayt'asipjjatam laycu.

Jeremías 14:16

Cawquïri jakenacarutejj jupanacajj parlapqui ucanacasti, guerrana uqhamaraqui mank'atjamaw jiwarapjjaraquini, warminacapampi, yokalla, imilla wawanacapampi. Jiwat janchinacapasti Jerusalén callenacan jaktatäniwa, janiraquiw jupanacarojj qhiti imiris utjcaniti. Uqhamatwa juchapjja uñt'asiyä.

Jeremías 2:17

Take acanacasti nayar apanucutam laycuw pasaractamjja, naya, Tatitu Diosamaru apanucupjjatamata, naya jumar irpiriru apanucutamata.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 26:19

“¿Uqhamasti Ezequías reyisa, uqhamaraqui Judá marcanquir jakenacasa Miqueasarojj jiwayapjjaraquïnti? Ucatsipana take cuntejj lurapcäna ucanacajj mayjänwa: Reyejj Tatituruw ajjsartäna, ucatsti qhuyapt'ayasita sasaw mayisiraquïna. Ucatsti Tatitojj janiw apayancjjänti cuna jach'a t'akhesiñtejj apayaniñataqui arscatayna ucjja. ¿Uqhamasti jiwasajj aca jakerojja jiwayascaquiñäniti, ucatsti t'akhesiscaquiraquiñäniti uqham luratasatjja?” sasa.

Jeremías 5:19

Cunapachatejj jisct'apcätam ucapachasti: ‘¿Cunatsa aqham take acanaca luristu Tatitu Diosasajja?’ sasa, ucapachasti jumajj jupanacarojj saraquïtawa: ‘Cunjämatejj jumanacajj Tatiturojj apanucusin yakha diosanacaru aca pachpa orakepan yupaychapjjtajja, uqhamaraquiw jichhajj yakha marcanquir jakenacaru sirvipjjäta, jaya orakena’ sasa.

Jeremías 5:25

Ucampisa jumanacan juchanacamajj take ucanacjja mayjt'ayjjewa, jichhasti janiw juc'ampi uca asquinacjja catokcjjapjjätati.

Jeremías 6:19

Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Lamentaciones 3:15

Tatitusti jachañanacampiw phokhantitu, c'allc'u uma umañwa churaraquitu.

Ezequiel 39:24

Cunjämatejj jupanacan k'añu luräwinacapajja, uca quipcaraqui nayataqui sayt'asitanacapasa, cunjämarutejj waquiscänjja uqhamaruw jupanacarojj apanucusinjja, maysa uñtjjaracta.

Oseas 7:2

Janiraquiw amuyasipquiti nayan take uca ñankhanac uñjascatajj-jja. Jichhajj pachpa jan wali luratanacapaw muyuntasqui, ucanacsti nayajj uñjascapuntwa.