Jeremías 4:16 - Qullan Arunaca

¹⁶ “Marcanacaru, Jerusalén marcarusa yatiyapjjam, mä jaya marcatwa uñisirinacajj jutantapjje nuwasiñataqui arnakt'asisa, Judá orakenquir marcanac toke.

Aymar Bibliia 1986

¹⁶ “Marcanacaru, Jerusalén marcarusa yatiyapjjam, mä jaya marcatwa uñisirinacajj jutantapjje nuwasiñataqui arnakt'asisa, Judá orakenquir marcanac toke.

Qullan Arunaka DC

¹⁶ “Markanakaru, Jerusalén markarusa yatiyapxam, uñisirinakax mä jaya markat jutantapxi, nuwasiñatak arnaqt'asisaw jutantapxi, Judá uraqinkir markanakar t'unjiriw jutantapxi.

Jeremías 4:16 Jak'a apnaqawi uñst'ayäwi

Isaías 34:1

Marcanaca, jac'achasinipjjam ist'añataqui; jach'a marcanaca, wal wal ist'apjjam. Take aca orakpacha ist'pan uqhamaraqui ucan utjirinacasa, take aca orakpacha, cunanacatejj pokqui ucanacamppacha.

Isaías 39:3

Ucatwa Isaías profetajj Ezequías reyin ucaru saräna, ucatsti jisct'araquïnwa: —¿Cawquitsa uca jakenacajj jutapjjatayna, camsapjjaractamsa? —sasa. Ezequiasasti saraquïnwa: —Jaya marcatwa jutapjje, Babiloniatpacha jutapjje —sasa.

Jeremías 1:15

Naya Tatituw ucjja arsta, amsta tokenquir take reinonacaruw jawsaraquëjja. Reyinacapasti jutasinjja, pachpa Jerusalén marca mantañaruw trononacapjja uscusipjjani, take perkanacapajj muyuntquis uca uñcatasiru, uqhamaraqui Judá oraken utjiri take marcanaca nayrakatarusa.

Jeremías 16:6

Jisc'as jach'as takeniw jiwarapjjani aca marcanjja, janiraquiw qhitis jupanacarojj imcaniti ni jachapcaraquinisa, ni janchinacapsa chhojjriñchasipcaniti, ñic'utanacapsa mururasipcaraquiniti jupanacan jiwarapjjatap laycojja.

Jeremías 2:15

¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Jeremías 31:10

“Marcanaca, Diosan arunacapa ist'apjjam, jaya tokenacana jach'a kota thiyanacan yatiyapjjam. Sapjjaraquim: ‘Tatitojj Israel marcarojj ananucünwa, ucampisa jichhajj tantachthapjjaraquiniwa, ucatsti juparaquiw uñjani, cunjämatejj awatirejj tamaparojj uñjejja uqhama.’

Jeremías 39:1

Sedequías reyejj llätunca mara Judá orake apnakcän uca maranwa, tunquïri phajjsina, Nabucodonosor reyejj Babiloniat sartaniwayi take ejercitopampi Jerusalén marcaru, ucatsti k'alwa muyuntaraquïna.

Jeremías 4:17

Judá orakerusti yapunac uñjirejj muyuntquejj uqhamwa muyuntapjjani, Tatitutaqui sayt'asitap laycu. Tatituw ucjja arsu, sasa.

Jeremías 5:15

Tatitojj siwa: “Israel, jumataquisti mä jayat jutir marca apayanï, wali ch'amani marca, uqhamaraqui nayratpacha utjir marca; jumasti parlatanacapjja janiw yatctati, cuntejj sapcani ucsa janiw amuyt'caraquïtati.

Jeremías 5:6

Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Jeremías 50:2

“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Jeremías 6:18

Ucatpï jichhajj Tatitojj sejja: “Ist'apjjam marcanaca, yatipjjaraquim cunanacatejj marcajjaru pascani ucanacsa.

Jeremías 6:19

Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Jeremías 6:22

Tatitojj siwa: “Amsta toketa jaya orakenacatpachwa, mä ch'amani marcajj jutantañataqui waquichasisqui.

Jeremías 6:23

Jupanacasti arconacampi, flechanacampi armantatäpjjewa; sinti khoru jakenacäpjjewa, janiw qhuyapt'ayasiñsa yatipcaraquiti; arnakasitanacapasti jach'a kotan khothutitapjamawa, caballonacar lat'jjatatcamaw jutapjjaraqui. Sionampi nuwantasiñataquisti janc'aquïpjjaraquiwa” sasa.

Jeremías 8:19

Marcajjan aykotanacapasti take chekanwa ist'asiraqui: ¿Janit Tatitojj Sionancjjpacha? ¿Janit reyipas ucancjjpacha? Tatitusti saraquiwa: “¿Cunatsa nayarojj uca ñankha lurapjjesta, c'ari diosanacaru, inamay diosanacaru, yakha diosanacaru yupaychasajja?”

Ezequiel 21:22

Cupi amparapa tokerusti Jerusalén marca tokeru uñtasaw flechajj misturaqui, ucasti sañ munaraqui, Jerusalén marcajj nuwjaña yänacampi nuwjatäñapawa, uqhamaraqui jiwarayañataqui arsutäñapawa, guerran arnakasiñanaca arnakasipjjañapawa, puncunacapasa nuwantatäñapawa, Jerusalén marca muytarusti suma perkanaca aptatäñapawa, k'ala muyuntayasa.