Jeremías 34:3 - Qullan Arunaca

³ Jumasti amparaparuw jalt'äta, ucatsti janiw khespcätati. Catuntapjjätamwa ucatsti Babilonianquiri reyiruw catuyapjjaraquïtam, jupa nayrakataru uñstayatatsti Babiloniaru apayataw uñjasiraquïta.

Aymar Bibliia 1986

³ Jumasti amparaparuw jalt'äta, ucatsti janiw khespcätati. Catuntapjjätamwa ucatsti Babilonianquiri reyiruw catuyapjjaraquïtam, jupa nayrakataru uñstayatatsti Babiloniaru apayataw uñjasiraquïta.

Qullan Arunaka DC

³ Jumasti amparaparuw jalt'äta, ukatsti janiw qhispkätati; katuntapxätamwa ukatsti juparuw katuyapxätam, jupa nayraqatar uñstayatatsti Babiloniaru apayataw uñjasirakïta.

Jeremías 34:3 Jak'a apnaqawi uñst'ayäwi

Jeremías 21:7

Uca khepatsti, Judá orakenquiri Sedequías reyerojj Nabucodonosoran amparaparuw catuyaraquï, uqhamaraqui yakha uñisirinacapan amparaparusa, take jilïri oficialanacapampi soldadonacapampi chica, cawquïri jakenacatejj marcan jilt'asipcaquini; usunacatsa, guerranacatsa uqhamaraqui mach'anacatsa. Nayaw jupanacarojj espadampcama jiwarayayäjja jan arjjatasisa ni qhuyapt'ayasisa. Naya Tatituw ucjja arsta.’

Jeremías 27:22

‘Take uca yänacjja Babiloniaruw apasjjapjjani, ucatsti ucancaraquiniwa cunapachatejj nayajj wasitat aca chekaru cuttayanjjañ munä ucqhacama. Naya Tatituw uca arunacjja arsta.’ ”

Jeremías 32:28

Jichhasti nayajj sismawa: Babilonianquiri Nabucodonosor reyimpiru, uqhamaraqui caldeo jakenacampiruw aca marcjja catuyaraquï.

Jeremías 32:3

Sedequías reyiw Jeremiasarojj uqham preso catuntayatayna, Jeremiasan aqham sasa parlatap laycu: “Tatitojj siwa: Aca marcjja Babilonianquiri reyiruw catuyä,

Jeremías 32:4

Sedequías reyisti janiraquiw caldeo jakenacan amparapatjja jaltcaniti, jan ucasti Babilonianquiri reyin nayrakataparu uñstasinwa catuyasjjaraquini.

Jeremías 34:21

Judá marcan Sedequías reyiparusa, take oficialanacaparusa, ajjsarcañ uñisirinacapan amparaparuw catuyaraquï, Babilonianquiri reyipan ejercitopan amparaparu, jichhasti uca ejercitojj janiw Judá orakerojj nuwantcaraquiniti.

Jeremías 34:4

Ucampisa jichhajj Sedequías reyi, ist'am, cuntejj naya Tatitojj siscäma uca arunaca: Janiw jiwcätati espadan jiwayatajja.

Jeremías 37:17

Sedequías reyisti Jeremiasarojj palacioru irpanipjjañapataquiw arsuraquïna; cunapachatejj Jeremiasajj reyin nayrakataparu uñstayatäcän ucqhasti, reyejj juparojj jamasatacwa jisct'äna: “¿Janiti Tatitun yatiyäwinacapajj utjqui? Jeremiasasti sänwa: “Jïsa, utjiwa; acanacaraquiwa: Juma, jach'a reyejj, Babilonianquir reyin amparaparuw purïta” sasa.

Jeremías 38:18

Ucampisa janitejj jupanacaru catuyascäta ucapachasti caldeonacaw aca marcjja catuntasipjjani ucatsti ninampiw naqhantayapjjaraquini, jumasti janiraquiw ucatjja jaltañataqui ch'amanïcatati’ sasa.

Jeremías 38:23

Jeremiasasti reyerojj sascaquïnwa: —Reyin take warminacapasa, uqhamaraqui wawanacapasa caldeonacaru catuyatäniwa, juma jach'a reyisti janiw jupanacan amparapatjja jaltcaraquïtati, jan ucasti Babilonianquiri reyiru catuyataw uñjasïta, aca marcarusti ninampiw naqhantayapjjaraquini —sasa.

Ezequiel 12:13

Nayasti jupjjarojj känajjampi jakjjatasaw catjaraquëjja. Babiloniaruw juparojj aparaquëjja, caldeonacan orakeparu, uca oraksti janiw uñjcaraquiniti, ucanwa jiwaraquini.

Ezequiel 17:15

Ucampisa uca reyin familiapanquiri waynajj sayt'asïnwa uca Babilonia reyitaquejja, ucatsti Egiptoruw qhitanaca qhitaraquïnjja ucat caballonaca, uqhamaraqui walja jakenaca mayiniñapataqui. ¿Jumanacasti amuyapjjtati ucanac lurasinjja atipjañapa, uqhamaraqui jiwañatsa jaltjjañapjja? ¿Uca arust'äwiru jan phokheristi jiwañat khespiraquispati?

Ezequiel 17:16

Naya Tatituw juramentompi arsta, qhititejj uca juramento luratapatjja phiscascani, tronoru kont'ascasinsa janiraqui arust'äwi lurataparus jan phokcaraquiniti, ucajj pachpa Babilonia orakenwa jiwani.

Ezequiel 21:25

Jumarusti, Israel marcan ñankha reyipa, jake jiwayiri, jichhajj khepa mutuyäwi catokañama horasajj niyaw purinjje.