Jeremías 34:2 - Qullan Arunaca

² “Naya Tatitu, Israelan Diosapaw sisma, nayan sutejjaru Judá oraken Sedequías reyiparu saniñamataqui aqham sasa: ‘Nayaw aca marcjja Babilonianquiri reyiru catuyä ninampi phichhantañapataqui.

Aymar Bibliia 1986

² “Naya Tatitu, Israelan Diosapaw sisma, nayan sutejjaru Judá oraken Sedequías reyiparu saniñamataqui aqham sasa: ‘Nayaw aca marcjja Babilonianquiri reyiru catuyä ninampi phichhantañapataqui.

Qullan Arunaka DC

² “Naya Tatitu, Israelan Diosapaw maysma, Judá uraqin Sedequías reyipar saniñamataki akham sasa: ‘Nayaw Jerusalén markxa Babiloniankir reyir katuyä, ninampi phichhantañapataki.

Jeremías 34:2 Jak'a apnaqawi uñst'ayäwi

2 Reyes 25:1

Cunapachatï Sedequías reyejj llätunca mara apnakcäna, tunquïri phajjsita tunca urunaca sarakascäna, ucqhawa Nabucodonosor reyejj take ejercitopampi saräna Jerusalén marcaru, ucatsti muyuntänwa. Ucatjja utjnoktaraquïnwa marca uñcatasiru, uqhamarac muytpacharuwa torrenac lurayäna nuwantañataqui.

2 Reyes 25:9

Jupasti ninampiwa naqhantayäna temploru, reyin palacioparu, uqhamarac marcan utanacarusa, jilt'atpuni tucjänjja wali aytata jakenacan utanacapa.

Jeremías 21:10

Nayasti aca marcjjarojj ñankha apaniñwa amtta, janiwa asqui apaniñti. Aca marcjja Babilonianquir reyiruw catuyä, jupasti ninampiw aca marcjja naqhantayaraquini.’ Naya Tatituw ucjja arsta.

Jeremías 21:4

Israelan Tatitu Diosapajj aqham siwa: ‘Cawquïri tropanacampitejj jumanacajj nuwantasipcta ucanacjja kheparuw jittayä, Babilonianquir reyin tropanacaparu, caldeonacarusa, perkanacatjja jayaruw jittayä, ucatsti aca marca taypiruw tantacht'araquï.

Jeremías 27:22

‘Take uca yänacjja Babiloniaruw apasjjapjjani, ucatsti ucancaraquiniwa cunapachatejj nayajj wasitat aca chekaru cuttayanjjañ munä ucqhacama. Naya Tatituw uca arunacjja arsta.’ ”

Jeremías 32:3

Sedequías reyiw Jeremiasarojj uqham preso catuntayatayna, Jeremiasan aqham sasa parlatap laycu: “Tatitojj siwa: Aca marcjja Babilonianquiri reyiruw catuyä,

Jeremías 34:22

Uca uñisirinacarusti wasitatwa aca marcaru cutt'ayaniraquï, ucatsti tucjayaraquïwa, catuntasinsti ninampiw naqhantayaraquï. Judá orakenquiri yakha marcanacarusti ch'usa wasaran jan jakeni tucuyaraquëjja. Naya Tatituw ucjja arsta.”

Jeremías 38:23

Jeremiasasti reyerojj sascaquïnwa: —Reyin take warminacapasa, uqhamaraqui wawanacapasa caldeonacaru catuyatäniwa, juma jach'a reyisti janiw jupanacan amparapatjja jaltcaraquïtati, jan ucasti Babilonianquiri reyiru catuyataw uñjasïta, aca marcarusti ninampiw naqhantayapjjaraquini —sasa.

Jeremías 39:8

Caldeo jakenacasti reyin palacioparojj ninampiw phichhantapjjäna, uqhamaraqui take utanacarusa, marcarusti ninampiw naqhayapjjaraquïna, Jerusalén marcan perkanacapasti k'alwa allinucupjjaraquïna.