Jeremías 30:3 - Qullan Arunaca

³ mä uruw purinini, cunapachatejj nayan Israel marcajjasa uqhamaraqui Judá marcajjasa mayjt'ayatäjjani ucajja. Naya, Tatituw, arsta. Cawquïri oraktejj nayajj nayra awquinacaparu churcta uca orakeruw jupanacarojj cuttayjjä” sasa.

Aymar Bibliia 1986

³ mä uruw purinini, cunapachatejj nayan Israel marcajjasa uqhamaraqui Judá marcajjasa mayjt'ayatäjjani ucajja. Naya, Tatituw, arsta. Cawquïri oraktejj nayajj nayra awquinacaparu churcta uca orakeruw jupanacarojj cuttayjjä” sasa.

Qullan Arunaka DC

³ mä uruw purinini, kunapachatix nayax Israel markaxaru, Judá markaxarus apanukutat kuttayankä uka uruxa. Naya, Tatituw uk arsta. Nayaw jupanakarux kawkïr uraqtix nayra awkinakapar churkta uka uraqir kuttayanxä” sasa.

Jeremías 30:3 Jak'a apnaqawi uñst'ayäwi

Esdras 3:1

Cunapachatï pakallkör phajjsejj purinjjäna ucqhajja, israelitanacajj marcanacapanwa wact'ayasipjjäna, ucatjja take marcawa Jerusalén marcana tantachasipjjäna.

Esdras 3:12

Ucatjja waljaniwa sacerdotenacatsa, levitanacatsa, familia taypita jilïrinacasa, qhitinacatejj sinti awquinacäjjapjjäna nayra templsa uñjapcäna ucanacajja, jach'atwa jachapjjäna, jupanacajj uñjapjjänwa uca machak templojj wasitat luraña kalltasïna uca laycu. Uca pachpa horasanjja waljaniwa mayninacajj cusisiñata art'asipjjäna.

Esdras 3:8

Jerusalén marcaru Diosan utaparu purinitapata payïri marana, payïri phajjsipanwa kalltapjjäna Diosan templopa wasitat utachaña Salatiel sat chachan Zorobabel yokapa, uqhamarac Josadac chachan Josué yokaparaqui, jupanacamp chicäpcän ucanaca, sacerdotenaca, levitanaca, uqhamarac preso apatanacajj Jerusalenaru cutt'anipcäna take ucanacaraqui. Uca luraña sarayapjjañapataquisti catuyapjjänwa pä tunca maranita ucsar jila marani levita chachanacaru.

Salmos 126:4

Tatay, wasitat cusisiyjjapjjeta, jallump ch'ojjñatatir wasarar uñtata.

Salmos 53:6

¡Israel marcan khespiyasiñapajj Sión marcat jutaquispa! Diosajj marcapar wasitat cusisiycan ucapachajja, Jacobon wawanacapajj cusisiniwa, Israel marcajj c'uchirt'asiniwa.

Jeremías 16:15

jan ucasti sapjjätawa: ‘Israelitanacaru amsta marcata uqhamaraqui yakha marcanacaru ananacutat cuttayanquistu uca Tatitojj jacasquiwa’ sasa. Nayaw jumanacarojj orakemaru cuttayanjjapjjäma, cawquïri oraktejj nayra awquinacamaru churcta ucaru.

Jeremías 23:5

Tatitojj siwa: “Mä uruw purinini cunürutejj Davidajj wawanïcani uca urojja, mä reyi, wali amuyt'ampi apnakañapataqui. Aca marcansti chekaparu, asquiruraqui uñjañapataqui.

Jeremías 27:11

Ucampisa cawquïri marcatejj Nabucodonosor reyiru jaysani, uca Babilonia marcan reyiparu, ucanacarusti naya pachpawa orakeparu kheparayaraquï, ucana jacasiñapataqui uqhamaraqui yapuchasiñapataqui. Naya Tatituw ucjja arsta.”

Jeremías 27:22

‘Take uca yänacjja Babiloniaruw apasjjapjjani, ucatsti ucancaraquiniwa cunapachatejj nayajj wasitat aca chekaru cuttayanjjañ munä ucqhacama. Naya Tatituw uca arunacjja arsta.’ ”

Jeremías 29:10

“Naya Tatituw sista: ‘Cunapachatejj Babiloniaru pakallko tunca marajj phokhasjjani, ucapachasti nayajj jumanacatjja amtasjjäwa, cuntejj jumanacataqui arscta uca arsutajjsti phokharaquïwa, jumanacarusti cuttayanjjapjjaraquïmawa aca pachpa chekaru.

Jeremías 29:14

Jïsa, nayaw jumanacarojj, nayrakatajjaru puriyanipjjäma, ucatsti sarnakäwinacamjja nayaw uñj-jjaraquï. Take marcanacatwa jumanacarojj apsunjjapjjäma, uqhamaraqui take chekanacatwa apsunjjapjjäma, cawqhanacarutejj nayajj jumanacaru ananucupcsma uca chekanacata, ucatsti tantacht'asinjja, aca pachpa chekaruw jawsthapjjapjjaraquïma cawqhattejj ananucupcsma uca pachpa chekaru. Naya Tatituw ucjja arsta.’

Jeremías 3:18

“Uca uru purincani ucapachasti Judá marcajj Israel marcaruw jakcattjjani, ucatsti mayaquiw amsta tokenquir marcanacat cutt'anjjapjjani, cawquïri oraktejj nayajj mä herenciäcaspas uqhama nayrapacha awquinacapar churta uca orakeru” sasaw Tatitojj arsu.

Jeremías 30:10

“Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.

Jeremías 30:18

Tatitojj siwa: “Jacobon marcapan sarnakäwipjja mayjaruw uñj-jjä, marcapatsti qhuyapayasïwa, marcanacasti, t'unjatäcänsa uca pachpanacjjaruw sayt'ayasini, palacionacas cawqhancañapäquitejj ucqharuraquiw utachasini.

Jeremías 30:4

Acapï Israel uqhamaraqui Judá marcanacataqui Tatitun arsutanacapajja:

Jeremías 31:16

Ucampisa Tatitojj saraquiwa: “Raquel, jan juc'ampi jachcjjamti; jan jachanacam juc'ampi wartcjjamti, llaquisitanacamasti janiw inamayataquïcaniti. Wawanacamajj uñisirinacan orakenacapatjja cuttanjjapjjaniwa. Naya Tatituw ucjja arsta.

Jeremías 31:23

Israelan Diosapa, take ch'amani Diosasti siwa: “Cunapachatejj nayajj Judá marcanquir jakenacan sarnakäwipa maysaru tucuyjjä, ucat jupanacajj wasitat orakenacapancjjapjjaraquini, uqhamaraqui marcanacapana, ucapachasti wasitatwa sapjjani: ‘¡Tatituy bendispan aca kollan kolluru, cawqhantejj cheka cancañajj utjqui ucaru!’

Jeremías 31:27

Tatitusti siwa: “Mä uruw purinini, cunapachatejj Judá orakena uqhamaraqui Israel orakensa, jakenacasa, uywanacasa walipuni utjani uca urojja.

Jeremías 31:31

Tatitojj siwa: “Mä uruw puriniraquini cunapachatejj nayajj Judá marcampisa, Israel marcampisa mä suma machaka arust'äwi lurcä uca urojja.

Jeremías 31:38

Tatitusti siwa: “Mä uruw purinini cunapachatejj marcajjajj wasitat utachatäjjani uca urojja, Hananeel sisqui uca torret kalltasina, Ángulo puncu sisqui ucacama.

Jeremías 32:37

Nayaw jakenacaparojj take marcanacat anthapinjjä, cawquïri marcanacarutejj ananuccta ucanacata, cunapachatejj nayajj jupanacataqui sinti coleratäcäyät ucapacha. Nayasti jupanacarojj aca pachpa orakeruw cuttayanjjä ucan c'uchiqui jacasjjapjjañapataqui.

Jeremías 32:44

Uca orakenacsti alasipjjaniwa, suma k'omachata papelanacani, selloni uqhamaraqui testigonacansa firmataraqui. Take acanacasti Benjamín tribun orakepanwa lurasiraquini, Jerusalén marca thiyanacana, Judá orakenquiri marca thiyanacana, kollu tokenacansa, jach'a kota thiya iramanacansa, uqhamaraqui Néguev sisqui uca marcanacansa, nayaw jupanacarojj asqui lurjjaraquï. Naya Tatituw ucjja arsta.”

Jeremías 33:26

Jichhasti janipuniw apanuccäti Jacobon wawanacaparojja, David uywatajjan wawanacaparusa, jupanac taypitsti utjayaraquïwa mayni mistuñapa, Abraham, Isaac, Jacob ucanacan wawanacaparu apnakañapataquejja. Nayaw jupanacatjja qhuyapayasëjja, sarnakäwinacapsti asquiruw tucuyjjaraquejja.”

Jeremías 51:60

Jeremiasasti mä libroruw kellksuraquitayna take cuna jan walt'añanacatejj Babilonia marcjjaru jutcani take ucanacatjja, takwa uca tokenacatjja kellksutayna,

Ezequiel 20:42

“Cunapachatejj nayajj Israel orakeru puriyjjapjjäma, cawquïri oraktejj nayra awquinacamaru churañataqui arscäyät uca orakeru, ucapachaw jumanacajj yatipjjäta nayan Tatitütajja.

Ezequiel 34:13

Jaya marcanacatsti ansusinjjaraquïwa, mayjaru anthapisinsti pachpa marcaparuw anacjjaraquëjja. Israel kollunacar mank'erwa anacjjaraquëjja, uca jawir thiyanacaru, utjaña marcanquir chekanacaru.

Ezequiel 36:24

Nayaw jumanacarojj take uca marcanacat apsunjjapjjäma, tantacht'asinsti orakemaruw cuttayjjapjjäma.

Ezequiel 47:14

Nayasti jumanacan nayra awquinacamaruw juramentompi churañataqui arsuyätjja. Jichhajj mayaqui jaljasipjjam. Jumanacan orakemäniw aca marcajja.

Joel 3:1

Tatitojj siwa: “Cunapachatejj uca urojj purincani ucqhajja Judämpiru, Jerusalén marcampirojj cuttayanjjäwa.

Sofonías 2:7

Ucatsti Judá marcan jilt'ir jakenacaw uca orakenacjja catuntasipjjani, cunapachatejj Diosapajj yanapt'añataqui jutcani, uqhamaraqui jaya marcaru apanucutatsa cuttayancani ucapacha. Jupanacasti ucanwa ovejanacap uñjapjjani. Arumanacasti Ascalón utanacanrac iquipjjani.

Sofonías 3:20

Qhä tiemponjja take jumanacaru cuttayanjjasinjja mayaruquiw tantachjjapjjäma, jaya marcaru apanucutäpjjatamatsti cuttayanjjapjjaraquïmawa, ucatsti asquiruw tucuyapjjaraquïma, take marcanac taypina jach'aru aptatäpjjañamataqui. Naya Tatitu Diosaw ucanac arsta.”

Lucas 17:22

Ucatwa discipulonacaparu saraquïna: —Purininiw urunacajj cunapachatï jumanacajj uñjañ munapjjäta jaken Yokapan mä urupacsa, ucampis janiw uñjapcätati.

Lucas 19:43

Jumataquisti jan wali urunacaw purinini, ucapachasti uñisirinacamajj mä perkampiw jumar muyuntayätam, ucatsti take toket nuwantapjjaraquïtam.

Lucas 21:6

—Purininiwa mä urojja, take acanac uñjasipcta ucanacasti t'unjatäjjaniwa ni mä kalaw jan yakha kala patjjan uchatajj utjcaniti —sasa.

Deuteronomio 30:3

ucapachajj Tatitu Diosajj juman sarnakäwimjja trocätamwa, ucatsti qhuyapayasiraquïtamwa; mayampwa tantachjjätam take marcanacat irpthapisina,

Deuteronomio 30:5

Ucatsti Tatituw mayampi cuttayanipjjätam cawquïri oraktï jumanacan awquinacamajj catupcäna ucaru; jumanacaw ucanjja utjasipjjäta, juparaquiw jach'aptayapjjätam, awquinacamat sipansa walja wawanacwa churapjjätam.

Hebreos 8:8

Ucampis Diosajj qhaya jakenacarojj jan asqui lurir jicjjatäna, saraquïnwa: “Tatitojj siwa: Purininiw urunacajj cunapachatejj mä machak arust'äwjja Israel marcampi uqhamarac Judá marcampi lurcä uca urojja.