Jeremías 30:16 - Qullan Arunaca

¹⁶ Ucampisa, take qhititejj jumaru mank'antcätam ucajj mank'antataraquïniwa, take uñisirinacamasti jayaru apanucutaraquïniwa. Jumaru saqueyjirinacasti saqueyjataraquïniwa, jumar lunthatirinacasti lunthatjataraquïniwa.

Aymar Bibliia 1986

¹⁶ Ucampisa, take qhititejj jumaru mank'antcätam ucajj mank'antataraquïniwa, take uñisirinacamasti jayaru apanucutaraquïniwa. Jumaru saqueyjirinacasti saqueyjataraquïniwa, jumar lunthatirinacasti lunthatjataraquïniwa.

Qullan Arunaka DC

¹⁶ Ukampis jumar manq'antirix, manq'antatäniwa, taqi uñisirinakamasti jayar apanukutäniwa; jumar lunthatirinakasti, lunthatjatarakïniwa.

Jeremías 30:16 Jak'a apnaqawi uñst'ayäwi

Salmos 129:5

Sión marcar uñisirinacajj, jan p'enkanpach jaltjjapjjpan.

Éxodo 23:22

Ucampis jumatejj jupan arunacap ist'asina jaysäta, uqhamarac cunanactejj sapcsma ucanacsa luraraquïta ucajja, nayawa uñisirinacaman enemigopäyäjja, uqhamaraqui nayajja janiwa muncaraquïti qhitinacatejj jan munapctam ucanacarojja.

Proverbios 22:23

Tatitojj jupatwa arjjatani, t'akhesiyaraquiniwa qhititejj t'akhesiyqui ucanacarojja.

Isaías 14:2

Walja marcanacaraquiw israelitanacarojj catokapjjani, marcapcamaraquiw mayaqui jutapjjani, israelitanacasti esclavotwa jupanacarojj catuntapjjani Tatitun orakepanjja. Israelitanacasti, preso catuntatwa apapjjani, qhitinacatejj jupanacarojj t'akhesiyapcän ucanacarojj t'akhesiyapjjaraquiniwa.

Isaías 33:1

¡Ay, cunaquïcan jumataquejj marcanac t'unjiri, ucampis janiw t'unjatäctati, ch'ojjña luriri, ucampis janiw ch'ojjña luratäctati! Jumajj t'unjañ tucuycäta, ucspacharaquiw jumarojj t'unjapjjätam, ch'ojjña lurañ tucuyascäta, ucspacharaquiw jumarojj ch'ojjña lurapjjätam.

Isaías 54:15

Maynitejj nuwantätam ucajj janiw naya laycu nuwcätamti, ucampis jumajj nuwirimarojj atipätawa.

Isaías 54:17

ucampis jumar tucjañäquis uca armjja janiw qhitis jichhacam lurquiti. Qhitinacatejj jumar juchañchapcätam ucanacarojj amuct'ayätawa. Ucwa nayajj churta qhitinacatejj nayar sirvipquitu ucanacarojja: ‘Atipjäwi’ Tatituw ucjja arsu.

Jeremías 10:25

Cawquïri marcanacatejj jan uñt'ctam ucanacjjaru colerasiñamjja warjjatam, cawquïri marcanacatejj jan jumaru art'asipctam ucanacjjaru, Jacobon marcaparu mank'antapjjatap laycu, k'alwa t'unjapjjaraquitayna, take marcpachsti k'ala t'unjata jaytapjjaraqui.

Jeremías 12:14

Diosasti aqham siwa cawquïri marcanacatejj Israel marca jac'ancapqui uca ñankha marcanacarojja, cawquïrinacatejj aca orake t'unjapqui ucanacarojja, aca oraksti Diosaw marcaparu mä herenciäcaspas uqhama churaraqui: “Nayaw uca marcanacarojj orakenacapat jiq'inucü, Judá marcarusti jupanac taypitjja apsunjjaraquïwa.

Jeremías 2:3

Israelajj nayar catuyatapunïnwa, mä suma cosechäcaspas uqhamaraquïnwa. Maynitejj juparu cuna ñankhsa lurani ucapachasti nayaw ucarojj t'akhesiña apayaniraquïyätjja, jan walinac apayanisa.’ Ucsti naya Tatituw arsta” sasa.

Jeremías 25:12

Cunapachatejj uca pakallko tunca maranacajj phokhasjjani ucapachasti, Babilonianquir reyerojja, marcaparusa, luratanacapa wayt'araquï juchanacapatjja, uqhamaraqui caldeonacan marcaparusa, wiñayataquiw t'unjaraquï. Naya Tatituw arsta.

Jeremías 30:15

¿Cunatsa chhojjrinacamatjja jan amuct'asta? Usuyasitamasti jan kollkayawa juman walja jach'a juchanacam laycuw uqhama jumarojj lursma.

Jeremías 50:28

(Babiloniat jaltanjjeri jakenacaw Sionarojj purinipjje, cunjämsa Dios Tatitojj Babilonia marcarojj lurcatayna uca marcajj yakha marcanacaru uqhamaraqui Tatitun templopampi lurcatayna uqhamarjama, take ucanaca yatiyasisaw purinipjje.)

Jeremías 8:16

¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Lamentaciones 1:21

Jakenacajj wararitajj ist'asipquiwa, ucampisa janiw qhiti chuymachiris utjcaraquituti. Take uñisirinacajjaw aynacht'atajj-jja yatipjje, Juman nayaru t'akhesiyatamatsti cusisipjjaraquiwa. Juman urumasti purinpanaya, ucatsti jupanacarojj cunatejj nayaru purquitu ucaraqui purpan.

Lamentaciones 1:22

Juman nayrakatamarusti take ñankha luratanacajjajj purinpan; jupanacarusti juchanacaparjamaraqui uñjam, cunjämatejj nayaru uñjquista uqhama; ¡walpunwa jacharactjja, chuymasa wali usjjaraquitu!

Ezequiel 29:6

Take Egiptonquir jakenacaw nayan Tatitütajja yatipjjaraquini, Israel marcajj yanapamwa thakänjja, ucampisa jumajj mä sokosjamaw tucuwaytajja.

Ezequiel 35:5

“Jumasti israelitanacan wiñay uñisiripaw tuctajja, cunapachatejj jupanacajj jucha luratanacapat mutuyäwi catokasipcäna ucapachaw jumajj nuwaractajja.

Joel 3:8

Yokall wawanacamsa, imill wawanacamsa judionacaruw aljaraquëjja, jupanacajj sabeo sata jakenacaruraquiw aljapjjani, uca jakenacasti wali jayanquirinacawa. Naya Dios Tatituw ucjja arsta.”

Miqueas 4:11

“Jichhasti walja marcanacaraquiw juma contrajj mayacht'asipjjejja, aqham sasa: “Jichhajj Jerusalén marcaru taquisitwa uñjañäni, ucatsti cusisiraquiñäniwa” sasa.

Miqueas 7:10

Uñisirejjas ucjja uñjaraquiniwa, ucasti p'enkachjataraquïniwa. Jupasti nayarojj saraquitänwa: ‘¿Cawquincaraqui Tatit Diosamasti?’ sasa, ucampis jichhajj juparojj callenquir ñek'er uñtata taquichasita uñjañajja nayataquejj sumäniwa.

Nahúm 1:8

Ucampis Tatitojj jupa contra sayt'asipqui ucanacarojj walja umjamaw k'al tucjasa aparaqui; ch'amacasti uñisirinacaparojj muyuntaraquiniwa.

Habacuc 2:16

Jach'añchasïwi lantjja, p'enkasiñampiw isthapisïtajja, Dios Tatituw churaraquïtam mä copa umt'añamataqui ucaw uñacht'ayätamjja juman k'alaquïtama, jach'a luräwinacamsa jisc'aruraquiw tucuyani.

Sofonías 2:8

Acanacwa arsu Israel marcan jach'a ch'aman Diosapajja: “Nayajj ist'twa Moab sat marcan jan wali parläwinacapjja, uqhamaraqui Amón marcan ñankha arunacapsa. Jupanacasti marcajjarojj jisc'achapjjewa, uqhamaraqui orakenacapsa jach'aptayasipjjewa marcajjan orakenacapampejja.

Zacarías 1:14

Ucatsti angelajj saraquituwa yatiyañajjataqui: “Acsti take ch'amani Tatituw sejja: ‘Nayajj walipuniw munasjjä Jerusalenampiru Sión kollumpirojja.

Zacarías 1:15

Ucatwa colerajjajj aktejja jan yäkasir marcanac contrajja, cunapachatï juc'a coleratäscäyäta ucqhasti yanapt'apjjänwa ñankjja wali sartayaña.

Zacarías 12:2

“Nayajj Jerusalenarojj mä vino copa tucuyäjja, ucaw machjayanejja take jac'anquiri marcanacarojja. Cunapachatejj jupanacajj Jerusalenaru catuntañataqui muyuntapjjani ucapacha, Judá nacionan marcanacaparus catuntañataquïpjjani ucapacha.

Zacarías 14:2

uca uruw Tatitojj take marcanacaru mayachthapinejja, Jerusalenampi nuwasipjjañapataqui. Marcaru catuntasajja, utanacapatsti yänacapjja apasipjjaraquiniwa, warminacaparusti warmisipjjaraquiniwa, chicatpacha jakenacaparusti preso apapjjaraquinejja. Jilt'irinacaquiw ucan jacasjjapjjanejja.

Zacarías 2:12

Tatitojj wasitatwa Judá marcaru tumpasjjanejja kollana orakena, suma ajllitaparjama, wasitatwa khanañcharaquinejja Jerusalenajj ajllit marcapäjjañapataqui.

Zacarías 2:8

Take ch'amani Tatituw qhitanitu aca yatiyäwimpi yänacam aparapctamsa uca marcanac contra: “Qhititejj llamct'i marcajjarojja, ucajj nayan nayrajjaruw llamct'asqui.

Deuteronomio 30:7

Ucatsti Tatitu Diosamaw uñisirinacamjjaru aca maldicionanac puriyani, uqhamaraqui cawquïrinacatï uñisisa arcanakapctam ucanacarusa.

Apocalipsis 13:10

“Qhitinacatejj preso catuntat apatäpcani ucanacaw apatäpjjani. Espadampi jiwarayatäñapäquis ucanacajj espadan jiwayataraquiw jiwarayatäpjjani.” Take acanacanwa Diosan marcapan ch'amanïtapasa iyawsañanïtapasa yatisini.

1 Samuel 17:53

Uqham filisteonacar arctatatsti, israelitanacajj cuttanjjasinjja campamentonacapwa k'ala saqueyjapjjäna.