Jeremías 3:5 - Qullan Arunaca

⁵ ¿jichhasti colerataquipunïscätati? ¿Colerasiñamasti wiñayataquipunïniti?’ sasa. Uqham sasasti kawkhtejj munctajja ucqharacwa ñankhanacjja lurtajja.”

Aymar Bibliia 1986

⁵ ¿jichhasti colerataquipunïscätati? ¿Colerasiñamasti wiñayataquipunïniti?’ sasa. Uqham sasasti kawkhtejj munctajja ucqharacwa ñankhanacjja lurtajja.”

Qullan Arunaka DC

⁵ ¿jichhasti phiñasitakïskätati? ¿q'apisiñamasti wiñayatakipunïniti?’ sasa. Ukham sasasti, qawqhtix munkta ukkharak ñanqhanak lurtaxa.”

Jeremías 3:5 Jak'a apnaqawi uñst'ayäwi

2 Crónicas 29:10

Ucatwa nayajj amtasta Israelan Tatit Diosampisa suma parlt'äwiru mantañataqui, jiwasata colerasiñapa apakjjañapataqui.

Salmos 85:5

¿Nanacataquejj k'apisitaquïscätati, jan ucajj, mara marach k'apisïtajja?

Salmos 85:6

¿Janit wasitat jacañ churapquitäta, marcaman jumamp cusisiñapataquejja?

Isaías 57:16

Janiraquiw marcajjarojj juchañchcapunïtejja, janiraquiw wiñayataquis colerascäti, uqhama lurasasti cawquïri jakenactejj nayajj uscta jupanacajj ch'ama chhaktayasipjjaspa naya nayrakatanjja.

Isaías 64:9

Tata, janiquiy juc'ampi colerasjjamti, ñankha lurapjjatanacajjatsa janiquiy amtasjjamti. ¡Uñtanipjjeta, nanacajj marcamäpjjtwa!

Jeremías 3:12

Jichhajj saram, ucatsti aca arunac saraquim amsta tokeru uñtasa: ‘Tatitojj siwa: ¡Nayatac sayt'asir Israel, cuttanjjam nayan ucaru! Janiw nayajj jumarojj colerata catokcämati, janiraquiw wiñayataquisa coleratäcäti, qhuyapayasirïtajj laycu. Naya Tatituw ucjja arsta.

Jeremías 8:5

Uqhamasti, Israel ¿cunatsa ch'ojjña lurista? Jerusalén, ¿cunatsa nayataquejj wiñayataqui colerasta? ¿Cunatsa nayataqui sayt'asiscacta, ucatsti janiraqui nayan ucarojj cuttaniñ munctati?

Jeremías 8:6

Take chuymaw ist'ascaraquïyäta, ucampis janiw maynirus ñankha luratapatjja arrepientisir ist'cti, ni take chuymasa arsuscaraquiti: ‘¿Cunsa lurtjja?’ sasa. Takenis jalacamaquiw thaquipanjam jalasqui, jan frenoni guerra caballonacjama.

Ezequiel 22:6

Israel marcan apnakerinacapasti ucancaraquiwa, jupanacasti juma taypinarac jacapjjaraqui, jakenacsti kawkhtejj munapqui ucqhwa jiwarayapjjaraqui.

Miqueas 2:1

“¡Cunaquïcani qhitinacatejj arumanacas iquiñanacapanjja jan walinacacpun amtasipqui ucanacataquejja, ucatsti urutatanjjepanjja uca jan wali amtatanacapjja phokhapjjapuniwa, jupanacajj munañanïpjjatap laycu!

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.