Jeremías 3:2 - Qullan Arunaca

² “K'ara kollunac uñtam, sum uñatatam, ¿cawqhansa janejj juchjja lurctajja? Wasaranquiri árabe jaker uñtataraquiw kontajja, thaqui thiyanacan waynanacamarojj suyaraquïyätajja. Yakhanacampi sarnakatamampisa, ñankha luratanacamampisa aca marcjja k'añuchtawa.

Aymar Bibliia 1986

² “K'ara kollunac uñtam, sum uñatatam, ¿cawqhansa janejj juchjja lurctajja? Wasaranquiri árabe jaker uñtataraquiw kontajja, thaqui thiyanacan waynanacamarojj suyaraquïyätajja. Yakhanacampi sarnakatamampisa, ñankha luratanacamampisa aca marcjja k'añuchtawa.

Qullan Arunaka DC

² “Q'ara qullunak uñtam, ¿kawkhansa janix juchxa lurktaxa? Wasarankir árabe jaqir uñtataw quntaxa, thakhi thiyanakan waynanakamarux suyäyätaxa. Yaqhanakampi sarnaqatamampisa, ñanqha luratanakamampis markxa q'añuchtawa.

Jeremías 3:2 Jak'a apnaqawi uñst'ayäwi

Génesis 38:14

viuda isip apsusïna, ucatsti mä velompiw janjjatasiniraqui, jan qhitimpis uñt'ayasiñataqui, ucatsti Enaim marca puncu mantañaruw kont'asi, ucasti Timnat thaquinquiwa. Ucsti luränwa Selan waynäjjatap yatisina, ucatsti janiraquiw jupampi casarapcataynati.

1 Reyes 11:3

Jupasti pakallk pataca warminïnwa reinacamaqui, uqhamarac quimsa pataca uñt'atanacaniraquïnwa, jupanacawa chuymapjja mayjt'ayapjjäna.

2 Reyes 23:13

Reyisti taquichasiraquïnwa diosanacan alto chekan santuario utanacapajj Jerusalén marcata inti jalsu tokena utjcäna ucanaca, Olivos kolluta aynachana. Ucansti Israelan Salomón reyipaw lurayäna sidonionacan Astarté sat ajjtcañ diosapataqui; moabitanacan uñiscaña Quemos sat yakha diosapataqui; amonitanacan uñiscaña Milcom sat yakha diosapataqui.

Salmos 106:38

Jan juchan jaken wilap wartapjjäna, wawanacapan wilap wartapjjäna, Canaán orak diosanacaruw wila loktapjjäna. Orakejj wilamp k'añuchataw uñjasïna,

Proverbios 23:28

Uca warmejj lunthatjamawa suyjjatasa chachanacar catunti, ucatsti walja chachanacaruw chhakañar puriyi.

Proverbios 7:11

Jupasti parlañataquejj jan ajjsariri, jan p'enkasiriraquiwa, janiraquiw utapansa acht'caraquiti.

Jeremías 12:12

Take wasara kollu patanacatsti, khoru jakenacaw jutantapjjäna, ucampisa naya Tatitojj mä espada ayt'atätwa, aca marcsti maysat mayswa t'unjanï, janiraquiw qhititaquis suman sarnakasiñajj utjcaniti.

Jeremías 2:20

“Nayratpachwa nayataquejj sayt'astajja, nayarusti janiw jayscaraquistati. ‘Janiw sirviñ muncti’ saractawa. Take alto kollunac patana, uqhamaraqui jach'a kokanac c'uchunacanwa, yakhampi jucha lurasa sarnaktajja.

Jeremías 2:23

¿Cunjämraqui sätasti: ‘Janiw nayajj k'añucht'ascti, janiraquiw yakha diosanacarus yupaychcaractti’ sasasti? Amuyasim cunjämänsa valle token sarnakatamajja, take luratanacamatsti wali amuyasiraquim, kachu camellor uñtata, orko camellon khepapjja cawcsarusa jalaquiractawa.

Jeremías 2:7

Nayaw jumanacarojj aca suma orakeru irpanipjjsma, uqhamat achunacapa mank'apjjañamataqui, suma achunacapata mank'apjjañamataqui. Ucampis jumanacajj jutasinjja nayan orakejj-jja taquisipjjtawa, aca oraketsti ajjtasiyapjjaraquistawa, nayan orakejjata.

Jeremías 3:1

Tatitojj siwa: “Mä jaketejj warmipampi jaljti ucapachasti, warmejj uca chachampi jaljtasajj yakhampiw casarasjje, nayra chachapasti janiw uca warmirojj jac'jjaniti. Wasitattejj chicjjapjjaspan ucasti, ¡marcataquejj janiw ucajj walïcaspati! Ucampisa, jumajj Israel, walja chachanacampiw sarnaktajja, ¡jichhasti nayan ucaruw cuttanjjañ munaractajja! Naya Tatituw, ucjja arsta, sasa.

Jeremías 3:13

Juchamaqui uñt'asim, Dios Tatitutaquiw sayt'astajja, yakha munirinacan khepap jalaractajja, take jach'a kokanac c'uchuru, arunacajjsti janiw ist'caractati. Naya Tatituw ucjja arsta’ ” sasa.

Jeremías 3:21

“Arunacaw wasara kollu tokenacan ist'asi: ¡ucanacasti Israelitanacan jachatanacapawa, uqhamaraqui qhuyapayasiña mayitanacapawa! Jupanacajj cheka thaquitjja saranucuwayapjjewa, naya Dios Tatitupatsti armasipjjaraquiwa.

Jeremías 3:9

Jan ajjsartasaraquiw yakhampejj sarnake, uqham sarnakatapampisti aca orakerojj ñankhacharaquiwa. Nayar apanucusinsti kalanacaru uqhamaraqui kokanacaruw quillisiraqui.

Jeremías 7:29

¡Jerusalén, ñic'utam mururasim ucatsti liwtam! ¡Wasara kollu patanacansti llaquiscañ k'ochunac k'ochuraquim! Tatitusti jakenacamataquejj coleratawa, apanucjjaraquiwa, jaytjjaraquiwa.

Ezequiel 16:16

Isinacamampisti, kollu patanacan carpanac lurastajja yakha diosanacar serviñataqui, uca patanacanwa jan wali sarnaker warmiru tucuwayaractajja.

Ezequiel 20:28

Cunapachatejj nayajj jupanacarojj cuna oraktejj churapjjämaw sasa arscäyäta uca orakeru puriyanjjta ucapachasti, jupanacajj mä jisc'a kollu patansa jan ucajj mä walja laphinacani kokanac c'uchunacansa, sacrificionaca, ofrendanaca churapjjaraquïna, uca luratanacapasti nayarojj walwa colerayaraquitu, suma k'apquiri kollanacapwa uscupjjaraquïna, vino ofrendanacapwa wartapjjaraquïna.

Oseas 2:5

Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Lucas 16:23

“Kamiristi cawqharutejj jiwatanacajj sarapqui ucqhan uñatatasïna, ucatsti jayatpachwa Abrahamar uñjäna, uqhamarac Lazarorusa jupamp chicäsquiri.

Deuteronomio 12:2

“Ucatsti t'unjapjjaraquim take cawqha chekantejj uca marcanacajj yakha diosanacaru yupaychapqui uca chekanacana, kollunacana, jisc'a kollunacana, uqhamaraqui jach'a koka mankhanacansa.