Jeremías 28:9 - Qullan Arunaca

⁹ Ucampisa cunapachatejj mä profetajja sumancaña yatiyi, ucatsti uca yatiyatanacapajj phokhasi ucqhasti yattanwa Diosajj jupar qhitanitapa” sasa.

Aymar Bibliia 1986

⁹ Ucampisa cunapachatejj mä profetajja sumancaña yatiyi, ucatsti uca yatiyatanacapajj phokhasi ucqhasti yattanwa Diosajj jupar qhitanitapa” sasa.

Qullan Arunaka DC

⁹ Ukampis kunapachatix mä profetax sumankañ yatiyi, ukatsti uka yatiyatanakapax phuqhasi ukkhakiw, Tatitun jupar khithanitap yattan —sasa.

Jeremías 28:9 Jak'a apnaqawi uñst'ayäwi

Isaías 44:26

Ucampisa qhitinacatejj nayan sirvirejjäqui ucanacan arunacapsti phokhayapuntwa, uqhamaraqui qhitatanacajjan amtatanacapsa suma mistuyaractjja. Nayaw Jerusalenan wasitat jakenëjjañapataqui arstjja, uqhamaraqui Judá orakenquir marcanacasa wasitat sayt'ayatäjjañapataqui: Aynacht'atanacapatsti nayaw jupanacarojj sartayä.

Jeremías 14:13

Nayasti saraquïyätwa: “Tata, profetanacajj jakenacarojj janiw guerrasa, mach'asa utjcaniti, jan ucasti Tatitojj wiñayaw aca chekan suman utjayistani, sasajjay sasipcchejja” sasa.

Jeremías 4:10

Ucat nayajj sista: “¡Ay, Tata, cunjämaraqui Jerusalenanquir jakenacaru sallkjtasti! Suman sarnakasiñaw utjani saraquïyätasä, jichhasti jiwañaquiraquis muyuntjjejjä” sasa.

Jeremías 6:14

Marcajjan chhojjrinacapsti patatacwa kollañ munapjje; take cunas waliquïsquiwa sapjjaraquiwa, ucampisa take cunasa jan walipuniwa.

Jeremías 8:11

Marcajjan chhojjrinacapsti patatacwa kolljjatapjje, take cunas waliquïsquiwa sapjjaraquiwa, ucampisa take cunas janiw walïquiti.

Ezequiel 33:33

Ucampisa take uca arunacajj phokhasiniwa, cunapachatejj phokhascani ucapachasti jupanacajj yatipjjaniwa mä profetajj jupanac taypina utjascatapa.”

Deuteronomio 18:21

Ucatsti chuymaman sapjjaraquïta: ‘¿Cunjämaraqui yatsna cuntejj parlasqui ucajj jan Diosan arunacapätapsti?’ sasa. Ucampis jumanacajj acanacjja sumwa amuyapjjañama:

Deuteronomio 18:22

Cuntejj profetajj parlcani Tatitu Diosan sutiparu, ucatsti janirac uca parlatapajj phokhascaniti, ucajj jumanacataquejj mä unanchawa, uca parlatapasti janiw Diosan arunacapäcaraquiti, jan ucasti uca profetajj jach'a jach'a tucusaquiw ucanacjja parlaraqui, ucat sipansa jumanacajj jan juparojj jaysapjjamti.