Jeremías 28:8 - Qullan Arunaca

⁸ Cawquïri profetanacatejj nayrapachan utjcäna, janïra jumas, nayas nascäyätan ucapacha; ucanacasti guerranacana, t'akhesiñanacana uqhamaraqui cunayman casta usunacan utjañapacwa yatiyapjjäna, walja marcanacataqui uqhamaraqui jach'a ch'amani reinonacataquisa.

Aymar Bibliia 1986

⁸ Cawquïri profetanacatejj nayrapachan utjcäna, janïra jumas, nayas nascäyätan ucapacha; ucanacasti guerranacana, t'akhesiñanacana uqhamaraqui cunayman casta usunacan utjañapacwa yatiyapjjäna, walja marcanacataqui uqhamaraqui jach'a ch'amani reinonacataquisa.

Qullan Arunaka DC

⁸ Kawkïr profetanakatix nayra pachan utjkäna, janïra jumas, nayas yurkäyätan ukapacha; ukanakasti nuwasiñanaka, t'aqhisiñanaka, kunayman usunakan utjañap yatiyapxäna, walja jach'a ch'amani markanakataki.

Jeremías 28:8 Jak'a apnaqawi uñst'ayäwi

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

1 Reyes 22:17

Ucatsti Micaiasajj sänwa: —Uñjtwa take israelita jakenacaru kolluna ananucutäsquiri, jan awatirini ovejanacar uñtata. Ucatjja Tatitojj aqham siwa: ‘Acanacajj janiw awatirinïpquiti; sapa maynisa samarañanaqui utaparcama cutt'pan’ —sasa.

1 Reyes 22:8

Israelan reyipasti Josafat reyirojj sänwa: —Maynimpiw utjasqui, jupa tokewa Tatiturojj jisct'aracsna. Ucasti Micaías satawa, Imla sat chachan yokapa. Ucampis nayajj juparojj uñistwa, jupasti janipuniwa nayarojj sumanacjja yatiyquituti, jan ucasti jan walinacaqui yatiyitu —sasa. Ucatsti Josafat reyejj sänwa: —Jan uqham samti —sasa.

Isaías 13:1

Babilonia toke profecía arunaca, Amoz chachan Isaías yokapaw unañchäwi toke catokäna:

Isaías 13:18

Waynanacarojj flechanacapampiw tincurayaraquini. Ucqha nacir asu wawanacatsa janiraquiw qhuyapt'ayasipquiti, jisc'a wawanacatsa janiw qhuyapt'ayasipcaraquiti.

Amós 1:1

Aca arunacsti Amós chachaw catokäna, jupasti oveja awatirïnwa Tecoa marcanquiriraqui, uca arunacsti Diosatwa catokäna Israel marcjjata, orak qhathati pasañapataqui janïr pä maräquipana, uca urunacansti Judá marcanjja Uziasaw reyïscäna, Israel marcansti Joasan Jeroboam yokaparaquiw reyiscaraquïna.

Amós 1:2

Saraquïnwa: “Cunapachatï Tatitojj Jerusalén marcana, Sión kolluta wali jach'a arumpi art'i ucapachajj uywa mank'aña pastonacas pharsuwa, Carmelo sat kollusti k'alaw wañsuraqui.”

Jonás 3:1

Tatitojj wasitatwa Jonás chacharojj parläna, saraquïnwa: