Jeremías 27:22 - Qullan Arunaca

²² ‘Take uca yänacjja Babiloniaruw apasjjapjjani, ucatsti ucancaraquiniwa cunapachatejj nayajj wasitat aca chekaru cuttayanjjañ munä ucqhacama. Naya Tatituw uca arunacjja arsta.’ ”

Aymar Bibliia 1986

²² ‘Take uca yänacjja Babiloniaruw apasjjapjjani, ucatsti ucancaraquiniwa cunapachatejj nayajj wasitat aca chekaru cuttayanjjañ munä ucqhacama. Naya Tatituw uca arunacjja arsta.’ ”

Qullan Arunaka DC

²² ‘Taqi uka yänakxa Babiloniaruw apasxapxani, ukatsti kunapachatix nayax wasitat aka chiqar kuttayanxañ munkä ukkhakamaw ukankarakini. Naya, Tatituw uk arsta.’ ”

Jeremías 27:22 Jak'a apnaqawi uñst'ayäwi

2 Reyes 25:13

Caldeo jakenacasti jisc'a jisc'wa tucjapjjäna templona bronceta lurata yänacajj utjcäna ucanaca: sayirinaca, tacnokañanacapa, uqhamarac uma uchaña jach'a pilaraqui, ucatsti take uca broncenacjja Babiloniaruwa apasjjapjjäna.

2 Crónicas 36:21

phokhasiñapataqui cunatejj Diosajj Jeremías profetap toke siscäna uqhamaru. Uqhamawa marcajj samarañapäna suma cusisiñana; uqhamatwa samaräna tucjatäcäna uca maranacana, pakallk tunca mara pasañapcama.

Esdras 1:11

Korita, kollketa take lurata yänacajja pheska waranka pusi patacanïnwa. Take acanacjja Sesbasar sat chachaw Jerusalenar apjjäna, Babiloniata preso apata jakenacampi cutt'asincäna ucqha.

Esdras 7:19

Ucampis Diosan templopana yupaychaña yänaca catuyatäcta ucanacjja, juma pachpawa Jerusalenanquiri Diosar catuyjjäta.

Proverbios 21:30

Tatitun nayrakatapanjja janiw yatiñasa, ch'iqhi cancañasa, suma amuyt'anacasa cunäcjjeti.

Jeremías 20:5

Aca marcan kamir cancañapsa, take yänacapsa, wali jila alani yänacapsa Judá orakenquir reyinacan yänacapsa uñisirinacamaruw catuyaraquï, Babiloniaru apapjjañapataqui.

Jeremías 27:7

Take marcanacasti juparu catuyatawa, jupaw apnakaraquini, wawapampi, allchhipampi, cunürutejj marcaparu yakha jach'a marcanacampi apnakatäñajj wact'cani uca urcama.

Jeremías 29:10

“Naya Tatituw sista: ‘Cunapachatejj Babiloniaru pakallko tunca marajj phokhasjjani, ucapachasti nayajj jumanacatjja amtasjjäwa, cuntejj jumanacataqui arscta uca arsutajjsti phokharaquïwa, jumanacarusti cuttayanjjapjjaraquïmawa aca pachpa chekaru.

Jeremías 32:5

Nabucodonosor reyisti Sedequías reyirojj Babilonia orakeruw apasjjaraquini, ucanwa khepararaquini nayan jupat amtasiñajjcama. Jumanacajj kawkhas caldeonac tokejj sayt'asisipcam, ucampisa janiw atipapcasmati. Naya Tatituw ucjja arsta” sasa.

Jeremías 34:2

“Naya Tatitu, Israelan Diosapaw sisma, nayan sutejjaru Judá oraken Sedequías reyiparu saniñamataqui aqham sasa: ‘Nayaw aca marcjja Babilonianquiri reyiru catuyä ninampi phichhantañapataqui.

Jeremías 34:3

Jumasti amparaparuw jalt'äta, ucatsti janiw khespcätati. Catuntapjjätamwa ucatsti Babilonianquiri reyiruw catuyapjjaraquïtam, jupa nayrakataru uñstayatatsti Babiloniaru apayataw uñjasiraquïta.

Jeremías 34:5

Jan ucasti suma jiwa jiwjjäta, imäwimansti suma k'apquiri kollanacwa naqhayapjjaraquini, cunjämatejj nayra awquinacaman imäwipanjja naqhayapjjerïcäna uqhama, ucatsti sapjjaraquiniwa: “¡Ay Tata!” sasa jumat jachasa. Naya Tatituw ucjja arsta, arojja churaracta.’ ”

Daniel (hebreo) 5:23

Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Daniel (hebreo) 9:2

Cunapachatejj jupajj mä mara apnakcän ucapachaw naya Daniel Jeremías profetan libropa leescaraquïyäta, pakallko tunca mara pasañapäquis uca toketa, Jerusalén marcan t'unjatäñapataqui, cunjämtejj Tatitojj profetaru siscatayna uqhamarjama.