Jeremías 22:22 - Qullan Arunaca

²² Thayaw take jilïrinacamjja apasjjani, munirinacamasti jayaru apatäpjjaraquiniwa. Jisc'achata, p'enkachataw uñjasiraquïta take ñankhanaca luratam laycu.

Aymar Bibliia 1986

²² Thayaw take jilïrinacamjja apasjjani, munirinacamasti jayaru apatäpjjaraquiniwa. Jisc'achata, p'enkachataw uñjasiraquïta take ñankhanaca luratam laycu.

Qullan Arunaka DC

²² Mä thayaw taqi jilïrinakam apasxani, munasirinakamasti jayar apatäpxaniwa. Taqi ñanqhanak luratamatxa, jisk'achjata, p'inqachjataw uñjasïta.

Jeremías 22:22 Jak'a apnaqawi uñst'ayäwi

Isaías 64:6

Take nanacasti mä k'añu lurir jaker uñtatäpjjtwa, take asqui luräwinacajjasti k'añu traponacar uñtataraquiwa. Takeniraquiw ancuntat laphinacar uñtata willirtapjjta, nanacan ñankha luratanacajjasti thayar uñtataw apapjjaraquitu.

Isaías 65:13

Ucatpï Tatitojj sejja: “Sirvirinacajjajj mank'añanïsipcaniwa, ucampis jumanacajj mank'at awtjatäpjjatawa; jupanacataquejj umañajj utjascaniwa, ucampis jumanacajj umat pharjataw sarnakapjjäta; jupanacajj cusisitäpjjaniwa, ucampis jumanacajj mä p'enka jisc'achjataw uñjasipjjäta;

Jeremías 10:21

—Aca marcan awatirinacajj pisi chuymäpjjewa; janiw Tatiturus thaktapcaraquiti. Ucatpï aynacht'asipquejja, take oveja tamanacapasti aywitatatäpjjewa.

Jeremías 12:10

Uñisirinacan jach'a jilïrinacapasti uva yapojj-jja t'unjapjjewa, orakenacajjsa taquisipjjaraquiwa. Nayan wali munata orakejjsti llaquiscañ wasararuraquiw tucuyapjje.

Jeremías 2:36

¿Cunatraqui janc'aqui cawquïrinacampitejj arust'ascta ucanacsti trocañ munta? Egiptos apanucuraquiquïtamwa, cunjämatejj Asiriajj apanucctam uqhama.

Jeremías 2:37

Ucatsti Egiptotjja mä p'enka cuttaniraquïta, nayasti qhitinacatejj jumar arjjatirjamäqui ucanacarojj apanuctwa, sumancatamampisti janiw cunsa jicjjatcaraquïtati.”

Jeremías 2:8

Sacerdotenacajj janiw thakhapquitänti, marcaru yatichañataqui uscuta jakenacasti, janiw nayarojj uñt'apquitänti, jilïrinacasti nayataquiw sayt'asipjjaraqui, profetanacasti Baal diosan sutipjjaruquiraquiw parlapjje, ucatsti ina ch'usa diosanacan khepap arcapjjaraqui.

Jeremías 20:11

Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.

Jeremías 30:14

Take munirinacamasti apanucuwayjjapjjtamwa, janiw jumat amtascjjapjjaraquiti. Nayaw jumarojj uqham chhojjriñchsmajja, uñisirimäquiristsa uqhama jan qhuyapt'ayasisaw mutuyämajja, walja jach'a juchanac luratam laycuw uqham lursmajja.

Jeremías 4:30

Jumasti tucjata marca, ¿Cunataquis suma púrpura sat isimpi isthapista? ¿Cunataquis uca kori yänacamp uscusta? ¿Cunataquis nayranacamsa ch'iyara pintasta? Uqham c'achachasitamajj janiw cunataquis asquïquiti, munirinacamas jichhajj apanucupjjtamwa, jiwañamaraqui thakhapjjejja.

Jeremías 5:13

Profetanacajj thayampi sasiquiwa, Diosan arunacapasti janiw jupanacampïcaraquiti. Jichhajj waliquiwa, ucwa take ch'amani Tatitojj situ: “Jupanacan uqham parlapjjatapatsti, acanacaw jichhajj jupanacarojj pasaraquini: Arunacajjsti lacamaruw uscuraquï, uca arunacsti ninjam tucuyaraquï, jakenacarusti lawäpcaspas uqham tucuyaraquï, ucatsti uca ninaw jupanacarojj naqhantaraquini.”

Jeremías 7:19

Ucampisa nayaru ñankhachañat sipansa, jupanacpachaw juc'ampi ñankhachasisipqui, jupanacataquisti mä p'enkaraquiwa. Naya Tatituw ucjja arsta.

Oseas 12:1

“Efrainajj thaya pitaquiw sarnake; sapürusa inti jalsu toket jutiri thayaruquiw arcasqui. C'arisiñanacapampi, nuwasiñanacapampisti waliw jiljjattaraqui, Asiriampisti arust'asiraquiwa, Egiptorusti aceitenacrac apayi.”

Oseas 13:15

Israelajj mä suma pankarar uñtatäcchinisa, inti jalsu toket thayajj jutani, wasaran wali thayquis uca Tatitun thayapa, ucatsti uma jalsunacapsa, phuch'unacapsa k'alwa wañt'ayani. Uñisirimaraquiw apasjjani suma alhaja imasitanacapsa.

Oseas 4:19

¡Mä thayaraquiw jupanacarojj apasjjani, yakha diosanacar yupaychapjjatapatsti p'enkasipjjaraquiniwa!”

Zacarías 11:17

¡Ay cunänis ovej tama jaytanucuri jan wali awatiritjja! ¡Espadasti amparapa t'unjpan, cupi nayrapampiru! ¡Amparapasti pharsuta kheparpan, nayrapasti k'ala juyqhuraqui!”

Zacarías 11:8

Mä phajjsinacwa quimsa awatirinacaru pacienciajja pist'atap laycu nayar uñisipjjatapata qhitanuctjja.