Jeremías 22:18 - Qullan Arunaca

¹⁸ Tatitusti Judá orakenquiri Josías reyin Joacim yokapjjatjja aqham siwa: “Janiw qhitis jupan jiwatapatjja jachcaniti. Janiw qhiti jachiris utjcaniti ni qhitis siscaraquiniti; ‘¡Ay, jilata, ay, jilata! ¡Ay, Tata, ay, jach'a rey!’ sasajja.

Aymar Bibliia 1986

¹⁸ Tatitusti Judá orakenquiri Josías reyin Joacim yokapjjatjja aqham siwa: “Janiw qhitis jupan jiwatapatjja jachcaniti. Janiw qhiti jachiris utjcaniti ni qhitis siscaraquiniti; ‘¡Ay, jilata, ay, jilata! ¡Ay, Tata, ay, jach'a rey!’ sasajja.

Qullan Arunaka DC

¹⁸ Tatitux Judá uraqinkir Josías reyin Joacim yuqapxat akham siwa: “Janiw khitis jupan jiwatapat jachirix utjkaniti. Janiw khitis jacht'asis kunsa siskarakiniti: ‘¡Ay jilata! ¡Ay kullaka! ¡Ay Tata! ¡Ay jach'a rey!’ sasaxa.

Jeremías 22:18 Jak'a apnaqawi uñst'ayäwi

2 Samuel 1:26

“¡Jonatán jilajja, jumatjamajj wali llaquitaw uñjasta! ¡Cunja suma chuymampis nayarojj uñjayätajja! Nayataquejj munasiñamajj warminacan munasiñapat sipansa jilt'atänwa.

1 Reyes 13:30

Jiwatsti jupan sepulturaparuwa imt'jjäna, ucatsti jupatjja aqham sasaw jachäna: “¡Ay nayan jilajja!” sasa.

2 Reyes 23:36

Cunapachatï Joacim chachajj pä tunca pheskan maranïna ucqhawa reyïña kalltäna; ucatjja Jerusalén marcanjja tunca mayan maraw apnakäna. Taycapasti Zebuda sat sutinïnwa; jupasti Pedaías chachan phuchapänwa, Ruma chekanquiriraqui.

2 Reyes 23:6

Tatitun templopanccäna uca Asera diosjja Jerusalenata ankäjjaruw apanucüna. Ninampiwa naqhantayäna khellar tucuyañcama Cedrón sat jawira umakatana, ucatjja uca khelljja willtänwa jakenacan amaya imäwipjjaru.

2 Reyes 24:6

Cunapachatï jupajj jiwjjäna ucqhajja Joaquín sat yokapaw jupa lantejj reyëjjäna.

1 Crónicas 3:15

Josías chachan wawanacapasti acanacänwa: jilïristi, Johanán; payïristi, Joacim; quimsïristi, Sedequías; pusïristi, Salum ucanacaraqui.

2 Crónicas 35:25

Jeremiasasti jupar jach'achañataquejja mä k'ochu arunacwa imäwipataqui waquicht'äna. Jichhürcamawa k'ochurinacajja chachatsa warmitsa Josiasatjja amtasipcaqui imäwitaqui k'ochunacapana. Aca k'ochunacsti Israel marcanjja k'ochusipcaquiwa, ucatsti ucanacajja kellkatawa k'ochunacajja waquichatäqui ucana.

2 Crónicas 36:5

Joacim reyejj cunapachatï pä tunca pheskan maranïna ucqhawa apnakaña kalltäna, ucatsti Jerusalenanjja tunca mayan maraw apnakäna. Ucampis jupan luratanacapasti jan walinacänwa Tatit Diosapan nayrakatapana.

Jeremías 16:4

Jan kollcaña usunacampiw jiwarapjjani, janiw qhitis jupanacatjja jachcaraquiniti ni imirisa utjcaraquiniti; oraken liwirtataw uñjasipjjani, wanüpcaspas uqhama. Guerrampi, mank'at jiwarañampiw jupanacarojj tucjani, janchinacapasti siwek'aranacana, montenquir animalanacampi tucjatäniwa, mank'antataraquïniwa” sasa.

Jeremías 16:6

Jisc'as jach'as takeniw jiwarapjjani aca marcanjja, janiraquiw qhitis jupanacarojj imcaniti ni jachapcaraquinisa, ni janchinacapsa chhojjriñchasipcaniti, ñic'utanacapsa mururasipcaraquiniti jupanacan jiwarapjjatap laycojja.

Jeremías 21:11

“Judá orakenquiri reyin utaparusti, David reyit jutirinacarusa, nayan sutejjaru aqham saraquim: Tatitun arunacapa ist'am: Sapa urusa cunatejj chekapäqui uca luraraquim; t'akhesiyatanacarusti t'akhesiyirinacapata khespiyaraquim, uqhamata, jan wali luratanacam laycu, colerasiñajjasti ninjama aktascaraquispa, ucatsti naqharaquispa jan qhitinsa jiwarayañjama.

Jeremías 22:10

Jan jachapjjamti Josías reyitjja, jiwatapatsa janiraqui jachapjjamti; jan ucasti Salum yokapata jachapjjam, jupasti jan cuttaniñataquiw sarjje; janiraquiw mayampsa nacïwipa orakjja uñjcjjaniti. Tatitusti Judá oraken rey Josiasan Salum yokapatjja saraquiwa, cawquïritï awquipa khepatjja reyïcaraquïna ucarojja, uqhamaraqui cawquïritï aca chekatjja mistqui ucarojja: “Janiw jupajj cuttancjjaniti,

Jeremías 22:12

jan ucasti cawquïr marcarutejj preso apapqui ucanwa jiwani, aca marcsti janipuniw mayampsa uñjcjjaniti.

Jeremías 34:5

Jan ucasti suma jiwa jiwjjäta, imäwimansti suma k'apquiri kollanacwa naqhayapjjaraquini, cunjämatejj nayra awquinacaman imäwipanjja naqhayapjjerïcäna uqhama, ucatsti sapjjaraquiniwa: “¡Ay Tata!” sasa jumat jachasa. Naya Tatituw ucjja arsta, arojja churaracta.’ ”

Jeremías 36:30

Jichhajj waliquiwa, naya, Tatituw jumar sisma, Judá orakenquiri Joacim reyi, janiw jumataquejj wawanacamajj utjcaniti Davidan tronopar kont'asiñataquejja. Jiwat janchimasa urojj lupiru jakonucutäniwa, arumasti juyphiru jakonucutaraquïniwa.