Jeremías 22:16 - Qullan Arunaca

¹⁶ T'akhesiyatanacarusa, pobrenacarusa arjjataraquïnwa, jupanacarus chekaparuw uñjänjja, ucatwa jupajj sum sarnakänjja. Uqham lurañampiw nayar uñt'aña satajja. Naya Tatituw ucjja arsta.

Aymar Bibliia 1986

¹⁶ T'akhesiyatanacarusa, pobrenacarusa arjjataraquïnwa, jupanacarus chekaparuw uñjänjja, ucatwa jupajj sum sarnakänjja. Uqham lurañampiw nayar uñt'aña satajja. Naya Tatituw ucjja arsta.

Qullan Arunaka DC

¹⁶ T'aqhisiyatanakarusa, jan kunaninakarus arxatarakïnwa, ukat taqi kunas jupatakix walt'arakïna. Ukapï nayar uñt'añaxa. Naya, Tatituw uk arsta.

Jeremías 22:16 Jak'a apnaqawi uñst'ayäwi

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

Salmos 109:31

Jupaw jan cunan jakerojj arjjati, juchañchirinacat jacañap khespiyaraqui.

Salmos 36:10

Jumar uñt'irinacarojj qhuyapt'ayascaquim, k'oma chuymaninacarusti chekapar uñjascaquim;

Salmos 9:10

Tatay, sutim yatirinacajj jumaruw iyawsapjjtam, jumar thakerinacarojj janipuniw apanucctati.

Proverbios 31:9

Arjjatam, ucatsti chekapar uñjam; ¡pobre jakenacaru arjjatam, uqhamarac llamp'u chuymaninacarusa!

Isaías 1:17

¡Asqui lurañanac yatekapjjam, cunatejj chekapäqui uca lurañanacaruraqui ch'amachasipjjam, t'akhisiyatanacarusti arjjatapjjam, wajchanacarusti chekapar uñjapjjam, ijma warminacatsti arjjatasipjjaraquim!”

Jeremías 5:28

wali pokontatäpjjewa, suma mankt'ataraqui. Ñankha luratanacapasti janiw korpanïquiti. Janiw wajcharojj chekaparu uñjapquiti, pobrenacarus janiraquiw chekaparu uñjapquiti.

Jeremías 9:16

Cawquïr marcanactejj awquinacapasa ni jupanacasa uñt'apqui uca marcanac tokeruw ananucuraquï; espada ayt'ataraquiw jupanacarojj arcnakayä, jan maynis kheparañapcama.”

Jeremías 9:24

Maynitejj jach'a jach'a tucuñ munchejja, nayar uñt'atapat jach'a jach'a tucpan, nayan Tatitütajj yatitapata, aca oraken munasiñampi, asquiru, chekaparuraqui luratajjata, ucaraquiw nayatacjamajja. Naya Tatituw ucjja arsta.”

Jeremías 9:3

C'arisiñataquisti janc'aquïpjjewa, flechanacsa mä arcompi antutt'apcaspa uqhama. Aca marcansti c'arisiñaquiw phokt'atäsqui, janiw chekapajj utjquiti; jan walit juc'ampi jan waliruquiw sarjjapjje, ucatsti pachpa Tatituw arsuraqui: “Janiw nayarojj uñt'añ munapquituti” sasa.

Miqueas 6:8

Jake, Tatitojj sistamwa, cunatejj asquïqui ucjja, uqhamarac cuntejj jupajj jumatjja suyqui ucsa; jumajj chekapäqui uc luram, qhuyapayasiriraquim, uqhamarac Tatit Diosamarus alt'at chuymamampirac jaysam.

Juan 16:3

Acjj lurapjjaniwa, jan Awquiru ni nayaru cunapachas uñt'apjjatap laycu.

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Juan 17:6

“Cawquïrinactejj acapach taypit ajlliscta nayaru churañataqui, ucanacarojj yatiytwa jumajj qhitïctatejj uca. Jumanquirinacänwa, jumaraquiw churista, juman arunacamsti phokhapjjaraquiwa.

Juan 8:19

Ucatsti jisct'apjjaraquïnwa: —¿Cawquinquis Awquimajja? —sasa. Jesusasti ucjjarojj sänwa: —Jumanacajj janiw nayar uñt'apquistati, ni Awquejjarusa. Nayarutejj uñt'apjjetasmajja, Awquejjarojj uñt'apjjaraquismawa —sasa.

Tito 1:16

Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.

1 Samuel 2:2

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!