Jeremías 21:4 - Qullan Arunaca

⁴ Israelan Tatitu Diosapajj aqham siwa: ‘Cawquïri tropanacampitejj jumanacajj nuwantasipcta ucanacjja kheparuw jittayä, Babilonianquir reyin tropanacaparu, caldeonacarusa, perkanacatjja jayaruw jittayä, ucatsti aca marca taypiruw tantacht'araquï.

Aymar Bibliia 1986

⁴ Israelan Tatitu Diosapajj aqham siwa: ‘Cawquïri tropanacampitejj jumanacajj nuwantasipcta ucanacjja kheparuw jittayä, Babilonianquir reyin tropanacaparu, caldeonacarusa, perkanacatjja jayaruw jittayä, ucatsti aca marca taypiruw tantacht'araquï.

Qullan Arunaka DC

⁴ Israelan Tatitu Diosapax akham siwa: ‘Babiloniankir reyisa, soldadonakapasa Jerusalén markar muyuntasaw nuwantaski. Ukham nuwantatasti, kawkïr soldadonakampitix jumanakax nuwantapkta ukanakax qhiparuw jitt'apxani, ukatsti pachpa marka taypiruw imantasipxarakini.

Jeremías 21:4 Jak'a apnaqawi uñst'ayäwi

Isaías 10:4

Janitejj jisc'achatäpcäta, uqhamaraqui janitejj preso apatäpcäta, ucapachajj jaken jiwayatcamaw jiwarapjjäta. Ucampisa Tatitun colerasiñapajj janiw apaktquiti, jichhas jupajj ajjsarayascaquiwa.

Isaías 13:4

Kollunacansti walja jakenacan arnakasitanacapaw ist'asi. Marcanacan khothutitanacapas ist'asiraquiwa, cawquïri marcanacatejj tantacht'asqui ucanacana. Take ch'amani Tatitusti jupanacarojj uñaquiparaquiwa, qhitinacatejj nuwantasiñataqui janc'aquïpqui ucanacaru.

Isaías 5:5

Waliquiwa, jichhasti sapjjämawa cuntejj uva yapojjampi lurañ amtcta uca: Cunampi muyuntatäcäntejj ucjja aptjjäwa uqhamat tucjapjjañapataqui, perkapsti aptjjaraquïwa uqhamat taquisipjjañapataqui,

Jeremías 20:4

Tatitusti siwa: ‘Jumarusti mä ajjsarcañaruw juma pachpataqui, take amigonacamataquisa tucuyäma. Juman uñjcatawa amigonacamajj uñisirinacan espadanacapampi jiwarayata uñjasipjjani. Take Judá oraken utjirinacarusti Babilonianquir reyin amparaparuw catuyaraquëjja, juparaquiw preso aparaquinejja Babilonia orakcama, jan ucasti cuchillompi thiyat jiwarayaracchini.

Jeremías 21:3

Jeremiasasti Sedequías reyin qhitatanacaparuw aca arunacjja saraquïna, aqham sasa: “Sedequiasarojj aqham sapjjam:

Jeremías 32:24

‘Jichhajj caldeo jakenacajj marcaru nuwantañataquiw wali waquichrantasipjje; guerrampi, mach'ampi, cunaymani usunacampiraquiw marcajj uñisirinacan amparaparu purini. Tata, cuntejj jumajj siscäyät uca arunacajj phokhasipuniwa.

Jeremías 32:3

Sedequías reyiw Jeremiasarojj uqham preso catuntayatayna, Jeremiasan aqham sasa parlatap laycu: “Tatitojj siwa: Aca marcjja Babilonianquiri reyiruw catuyä,

Jeremías 32:5

Nabucodonosor reyisti Sedequías reyirojj Babilonia orakeruw apasjjaraquini, ucanwa khepararaquini nayan jupat amtasiñajjcama. Jumanacajj kawkhas caldeonac tokejj sayt'asisipcam, ucampisa janiw atipapcasmati. Naya Tatituw ucjja arsta” sasa.

Jeremías 35:17

Ucatwa, naya Israel Diosapa take ch'amani Diosajj sistjja: Judá oraken uqhamaraqui Jerusalén marcan utjasiri jakenacjjarojja cunayman jan walinacwa apayanëjja, cuntejj jupanacaru yatiycta take ucanaca. Nayasti jumanacarojj parljjayapjjsmawa, ucampis jumanacajj janiw nayarojj ist'apquistati, jumanacarojj jawsapjjsmawa, ucampis jumanacajj janiw jaysapquistati.’ ”

Jeremías 39:3

Uqhamaraqui Babilonianquiri ejerciton jach'a jilïri oficialanacapas mantanisinjja chica puncüquis uca chekaruw purintapjje ucanacasti acanacänwa: Nergal-sarezer, Samgar-nebo, Sarsequim, uca jilïrinaca.

Jeremías 52:18

Uqhamaraquiw khellataqui waquichatäcän ucsa, palanacsa, pabilonacataqui luratäcän ucanacsa, jach'a tazanacsa, cucharonanacsa, uqhamarac take cunanacatejj broncet lurata utjcäna Tatituru yupaychañataqui take uca yänacsa k'alwa apasjjapjjäna.

Lamentaciones 2:3

Colerasiñapajj ninjama aktasinsti, Israelan ch'amapjja mayacwa k'allunucuwayi. Jupan arjjatiri ch'amapsti apakjjaraquistuwa, uñisirinacasaru catuyasajja. ¡Jacobon orakepansti mä nina nactayawayaraqui, uca ninasti take cunwa naqhantawayaraqui!

Lamentaciones 2:5

Tatitojj uñisirïcaspasa uqhamawa uñjistu, Israel marcarusti k'alwa tucjaraqui, palacionacapsti k'alwa t'unjaraqui; suma jach'a perkanacapsa pampa tucuyaraqui. Ucqha suma Judá marcarusti, t'akhesiñatsa t'akhesiñampiwa phokt'araqui.

Lamentaciones 2:7

Tatitojj altarapjja apanucuwa, kollan utapsa jisc'acharaquiwa. Marcaru imiri jach'a perkanacsa uñisirinacan amparaparuw catuyaraqui. ¡Tatitun utapansti jakenacan arnakasitapaquiw ist'asi, mä fiesta urücaspasa uqhama!

Ezequiel 39:3

Ucatsti cuna arctejj uca ch'eka amparamar aycta ucjja p'acjäwa, cuna flechanactejj cupi amparamaru apcta ucanacsa willinucuraquïwa.

Oseas 9:12

Wawanacapajj jilarcani ucasa, nayaw wawanacapjja jan mayani apakjjä. ¡Ay aca jakenacata, cunaquïcani nayatejj jupanacat jithektjjä ucapachajja!

Zacarías 14:2

uca uruw Tatitojj take marcanacaru mayachthapinejja, Jerusalenampi nuwasipjjañapataqui. Marcaru catuntasajja, utanacapatsti yänacapjja apasipjjaraquiniwa, warminacaparusti warmisipjjaraquiniwa, chicatpacha jakenacaparusti preso apapjjaraquinejja. Jilt'irinacaquiw ucan jacasjjapjjanejja.

Mateo 22:7

Ucapachaw uca reyejj wal colerasïna, ucatwa soldadonacaparojj qhiti uca jiwayir jakenacar jiwarayaniñapataqui, marcapsti ninampi phichhantañapataquiraqui.