Jeremías 2:36 - Qullan Arunaca

³⁶ ¿Cunatraqui janc'aqui cawquïrinacampitejj arust'ascta ucanacsti trocañ munta? Egiptos apanucuraquiquïtamwa, cunjämatejj Asiriajj apanucctam uqhama.

Aymar Bibliia 1986

³⁶ ¿Cunatraqui janc'aqui cawquïrinacampitejj arust'ascta ucanacsti trocañ munta? Egiptos apanucuraquiquïtamwa, cunjämatejj Asiriajj apanucctam uqhama.

Qullan Arunaka DC

³⁶ Jumax jank'akiw parlatanakam mayjt'aytaxa; Egiptox apanukurakikïtamwa, kunjämatix Asiriax apanukktam ukhama.

Jeremías 2:36 Jak'a apnaqawi uñst'ayäwi

2 Crónicas 28:16

Uca urunacansti Acaz reyejj qhitanacwa Asiria marcaru qhitäna yanapa mayiniapataqui.

Isaías 20:5

Jakejj uca urojj wal ajjsarani. Jupanacasti Etiopiaruw wal alcatapjjänjja, jichhasti jupatjja p'enkasipjjaraquiniwa; Egiptotsti jach'a jach'araquiw tucupjjänjja, jichhasti p'enkasipjjaraquiwa.

Jeremías 2:18

Jichhasti, Egiptor sarasasti ¿cunraqui jicjjatta? Nilo jawiran umanacapat umt'asasti ¿cunsa jicjjatta? ¿Asiria oraker sarasasti, ucat Eufrates jawirat umt'asasti cunrac jicjjatta?

Jeremías 2:23

¿Cunjämraqui sätasti: ‘Janiw nayajj k'añucht'ascti, janiraquiw yakha diosanacarus yupaychcaractti’ sasasti? Amuyasim cunjämänsa valle token sarnakatamajja, take luratanacamatsti wali amuyasiraquim, kachu camellor uñtata, orko camellon khepapjja cawcsarusa jalaquiractawa.

Jeremías 2:33

“Cunapachatejj yakha chacha thakeri sarcta ucapachasti cawqui chekatejj sarañäqui ucjja sumwa uñjtajja! ¡Ñankha lurañataquisti walipunïtawa!

Jeremías 22:20

“¡Judá, Líbano kollu pataru mistum ucat art'asiraquim! ¡Basán kollunac tokena art'asiraquim! ¡Abarim kollu patanacatpacha art'asim, take munirinacamasti atipjatätap laycu!

Jeremías 22:22

Thayaw take jilïrinacamjja apasjjani, munirinacamasti jayaru apatäpjjaraquiniwa. Jisc'achata, p'enkachataw uñjasiraquïta take ñankhanaca luratam laycu.

Jeremías 31:22

¿Cunapachcamas ucsa acsa sarnakäta, saranucut wawar uñtat marca? Naya, Tatitusti, aca orakenjja machakcamaqui lurta mä warmiw mä chacharojj munapayani.”

Jeremías 37:7

jupan sutipjjaru uca qhitanita jakenacaru sañapataqui: “Judá orakenquiri reyirojja, cawquïritejj nayaru jisct'añataqui qhitanipctam ucarojj aqham sapjjam: ‘Faraonan ejercitopasti, cawquïritejj jumanacaru yanapiri jutcän ucasti cuttawayjjewa Egipto marcaru.

Jeremías 46:12

Marcanacasti jisc'achjatätamjja yatjjapjjaraquiwa, take acapachanwa arnakasitamajj ist'asiraqui; guerran nuwasirinacasti jupanaccamaquiw thokthapisjjapjje, ucatsti mayaquiraquiw oraken korumnakjjapjje.”

Lamentaciones 4:17

Nayranacapasa uñch'uccäwejja karirjjewa, inamayaquiw yanapa suyasctanjja. Mä marcan puriniñapwa suyasctan, jan khespiyir marcan puriniñapa.

Lamentaciones 5:6

T'ant'a mayt'asiñataquisti Egiptonquiri, Asirianquiri jakenacaruquiw mayisjjtanjja.

Ezequiel 16:28

Uqham catokcasasa, asirio jakenacampiraquiw k'añu lurañanacan sarnakaractajja; janiraquiw ucanacampis sisthapctati.

Ezequiel 29:7

Cunapachatejj jumaru catthapisipjjayätam ucapachajj jumajj p'aquistawa, ucatsti jaraphita chhokhontaractajja; cunapachatejj jumar alcatasiñ munapjjän ucqhasti jumajj p'aquistawa, jupanacarojj liwirtayaractawa.

Oseas 10:6

Uca pachpa vaca kallus Asiriaru apataraquïniwa, ucan jach'a reyiru churañataqui. Uqhamwa Efrainajj p'enkachjat uñjasini; Israelasti uca yakha diosapatjja p'enkasiraquiniwa.

Oseas 12:1

“Efrainajj thaya pitaquiw sarnake; sapürusa inti jalsu toket jutiri thayaruquiw arcasqui. C'arisiñanacapampi, nuwasiñanacapampisti waliw jiljjattaraqui, Asiriampisti arust'asiraquiwa, Egiptorusti aceitenacrac apayi.”

Oseas 14:3

Asiriajj janiw khespiyapquitaspati, janiraquiw caballotsa jaltapquiristti. Janiraquiw jichhajj: ‘Nanacan Diosajja’ sapcäti, cuntejj nanacajj lurasipcta ucanacarojja, juma sapanacwa Tata, wajchajj qhuyapayasiñjja jicjjati uca laycu.”

Oseas 5:13

“Cunapachatejj Efrainajj usutätap amuyasjjani ucqhajja, uqhamarac Judästi chhojjrinacapa uñjjatasjjaraquini ucqhajja, Efrainajj Asiriaruw sarani ucanquir jach'a reyit yanapa mayiñataqui, ucampis jupajj janiw c'umaraptayancaniti, janiraquiw chhojjrinacapsa kolljjatancaniti.

Oseas 7:11

Efrainajj ipi palomjamawa, jan amuyuni. Egiptoruw yanapjja mayi, ucatsti Asiriaruquiw sararaqui.