Jeremías 2:35 - Qullan Arunaca

³⁵ Ucampisa sascactawa: ‘Nayajj janiw cuna juchanïctsa, Diosajj janiw nayataquejj coleratäquiti’ sasa. Jichhajj waliquiwa. Niyaquejjay ‘Janiw juchanïcti’ sistajja, ucatwa jichhajj jumampi nayampejj juiciorojj mantañäni.

Aymar Bibliia 1986

³⁵ Ucampisa sascactawa: ‘Nayajj janiw cuna juchanïctsa, Diosajj janiw nayataquejj coleratäquiti’ sasa. Jichhajj waliquiwa. Niyaquejjay ‘Janiw juchanïcti’ sistajja, ucatwa jichhajj jumampi nayampejj juiciorojj mantañäni.

Qullan Arunaka DC

³⁵ Ukampis saskaktawa: ‘Nayax janiw kuna juchanïktsa, Diosax janiw nayatakix phiñasitäkxiti’ sasa. Jichhax walikiwa, niyakixay ‘Janiw juchanïkti’ sistaxa, ukhamax mä taripäwiruw mantañäni.

Jeremías 2:35 Jak'a apnaqawi uñst'ayäwi

Job 33:9

‘Nayajj k'omätwa, janiw juchanïcti, janiw pantjasitajjasa, juchajjasa utjcaraquiti.

Proverbios 28:13

Qhititejj juchap imantascani ucajja, janiw nayrar sarcaniti, ucampis qhititejj juchap arsusisina jaytanucjjani, ucasti perdonatäjjaniwa.

Isaías 58:3

ucampis sapjjaraquiwa: ‘¿Cunataquirac ayunañänisti, Diosajj janejjay uñjcchitejja? ¿Cunataquirac ch'am tucuscañänisti, jupajj janejjay amuycchitejja?’ sasa. Ayunañ urusti jumanacajj aljasiñanacaruw uscusipjjtajja, irnakerinacamatsa k'al ch'amjja thalsupjjtajja;

Jeremías 16:10

“Cunapachatejj aca arunaca jakenacar yatiyäta ucapachasti jisct'apjjaraquïtamwa: ‘¿Cunatsa Tatitojj nanacataqui uca jach'a jan walt'aña apayani? ¿Cuna jan walsa lurapjjtjja? ¿Cuna juchsa lurapjjtjja Dios Tatitu nayrakatanjja?’ sasa.

Jeremías 2:23

¿Cunjämraqui sätasti: ‘Janiw nayajj k'añucht'ascti, janiraquiw yakha diosanacarus yupaychcaractti’ sasasti? Amuyasim cunjämänsa valle token sarnakatamajja, take luratanacamatsti wali amuyasiraquim, kachu camellor uñtata, orko camellon khepapjja cawcsarusa jalaquiractawa.

Jeremías 2:29

¿Cunraqui jumanacasti nayaru sapjjetasma? Take jumanacajjay nayataquejj sayt'asipjjstajja. Naya Tatituw ucjja arsta.

Jeremías 2:9

“Ucatwa naya, Tatitojj, arsta: Mä juchañchäwi lurä jumanacampi uqhamarac allchhinacamampisa.

Jeremías 25:31

Jupan jach'at arnakasitapasti acapach tucuscamaw ist'asi, Tatitusti jichhajj take marcanacampiw luratanacapatjama wayt'añ kallti, take jakenacarusti chekaparjamaw uñjaraquini, juchaninacarusti jiwañataquiw catuyaraquini. Tatituw ucjja arsu.’ ”

Ezequiel 17:20

Jupjjarusti jichhajj känajjwa jakjjatanëjja, ucampiraquiw catuntäjja, Babilonia orakeruw aparaquëjja, ucanwa juparojj luratapatjja wayt'araquï jan nayaru take chuymampi arcatapata.

Romanos 7:9

Nayasti mä urunacanjja jan leyiniw jacäyäta, ucampis ley jutipanjja juchajj jactjjewa, nayasti jiwjjaractwa.