Jeremías 2:28 - Qullan Arunaca

²⁸ Judá, ¿cawquincaraqui jumajj lurascta uca diosanacamasti? ¡Uca diosanacamajj marcanacar uñtata waljanipuniwa! ¡Jichhajj jupanacajj jutapjjpanaya, inacha khespiyapjjeristam, cunapachatejj jan walt'añajj purincätam ucapachajja!

Aymar Bibliia 1986

²⁸ Judá, ¿cawquincaraqui jumajj lurascta uca diosanacamasti? ¡Uca diosanacamajj marcanacar uñtata waljanipuniwa! ¡Jichhajj jupanacajj jutapjjpanaya, inacha khespiyapjjeristam, cunapachatejj jan walt'añajj purincätam ucapachajja!

Qullan Arunaka DC

²⁸ Judá, ¿kawkinkarak juman lurasit diosanakamasti? ¡Uka diosanakamax markanakar uñtat waljapuniwa! ¡Kunapachatix jan walt'añax purinkätam ukkhax jupanakay jumar qhispiyirix jutapxpan!

Jeremías 2:28 Jak'a apnaqawi uñst'ayäwi

2 Reyes 3:13

Ucatsti Eliseojj Israelan reyiparojj sänwa: —¿Cuna lurañajjasa jumampejj utjitojja? Saram awquimana profetanacaparu jisct'asiri —sasa. Ucatsti Israelan reyipasti sascaquïnwa: —Janiwa, Tatituwa nanac quimsa reyirojj apanipjjetu, moabitanacan amparaparu catuyañataqui —sasa.

Isaías 45:20

“Tantacht'asipjjam jutapjjaraquim, marcanacat jilt'iri take jaquirinaca, takeni jac'achasinipjjam. Yakha diosanacar jach'ar aptirinacajja jan yatiñan jakenacawa, uca diosanacasti maderat luratawa, uca jan khespiyiri diosaruw quillt'asipjjaraqui.

Isaías 46:2

Uca diosanacajj aynacht'apjjewa, orakeruraquiw liwnoktapjje, janiraquiw khespiyasipquiti, jupanacpacharaquiw wasararu sarapjje.

Isaías 46:7

Callachipjjaruw apapjjaraqui, mä callañjjaruraquiw uscupjje, ucat janiraquiw onjjtquisa. Jakenacajj uca diosanacaru arnakasipcchini yanap mayisa, ucampis uca mayisitanacaparojj janiw ist'quiti, jupasti janiraquiw llaquinacatsa khespiycaraquispati.

Isaías 57:13

Cunapachatejj yanapa mayisa arnakascät uqhajja, c'ari diosanacamajj janiw yanapcätamti, janiraquiw khespiycätamsa. Take ucanacarusti thayaw apasjjani, may phust'asaquiw chhaktayjjani. Ucampisa nayar iyawsirejja marcanwa jacasini, nayan kollan kollojjanwa jacasiraquini.”

Jeremías 1:16

Ucäniwa mutuyäwejja, nayan arsutajjarjama, qhitinacatejj nayar apanucusin, jupanacpachan lurasita yakha diosanacaru, inciensonaca loktasipjje, quillisipjjaraqui uca jucharara jakenacataquejja.

Jeremías 11:12

Ucapachaw Judá orakenquir jakenacajja, Jerusalén marcan utjir jakenacasa uca yakha diosanacaru yanapa mayisiri sarapjjani, cawquïrinacarutï incienso loktasipjje ucanacaru, ucampisa uca diosanacajj janiw khespiyañataquejj ch'amanïpcaniti uca jach'a t'akhesiñajj purincani ucapachajja.

Jeremías 11:13

Judá marcajj walja diosanacaniwa kawkhäquitejj marcanacapajj ucqha, uqhamaraqui Jerusalenanquiri jakenacasti walja altaranacaracwa Baal diosataquejj sayt'ayapjje kawkhäquitejj Jerusalén marcan callenacapajj ucqharaqui.

Jeremías 30:7

¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Jeremías 37:19

¿Cawquincaraqui jichhasti uca profetanacasti, qhitinacatejj parlapcäna ‘Babilonianquir reyejj janiw jumanacarusa ni aca marcarusa nuwiri jutcaniti sapcäna ucanacasti?’

Oseas 10:1

Israelajj walja achuni uva alir uñtatawa; ucampisa achupajj juc'ampïtap laycojja, juc'ampi altaranacracwa lurarasipjjäna; orakepan juc'ampi sumätap laycojja, kollana kalanacapas juc'ampi sumaraquïnwa.

Habacuc 2:18

“¿Cunataquis asquejj mä c'ari diosa luratajj niyaqui tucuyatäjje ucqhajja? ¿Cunataquis asquejja mä yakha diosa luratajj take yatichäwinacapajja c'aricamaquïchi ucqhajja? C'ari diosanacajj janiw parlapcaspati; ¿cunjämaraqui ucanac lurir jakesti jupanacaru confiasispasti?

Habacuc 2:19

“¡Ay cunänis jumatjja, mä lawat lurat c'ari diosaru sartam satamajja, mä amutu kalaru sayt'am satamajja! ¿Jupanacasti mä cuna arunacsa yatiyapjjaspati? Janiwa jupanac quipcan jacañajj utjquiti, kawkhasay korimpis kollkempis chhaktayatäscpan.

Deuteronomio 32:37

Ucatsti jupanacarojj saniwa: ‘¿Cawquincaraqui uca diosanacamasti, cawquïri arjjatiri diosarutejj iyawsapcäyäta ucasti,

Jueces 10:14

Jichhasti, ¡sarapjjam, ucat mayipjjaraquim yanapa cawquïr diosanacarutejj ajllisipcta ucanacaru! ¡Jupanacasti jumanacarojj khespiypan cunapachatejj wali llaquita, jan walt'añana jicjjatasipcta ucqhajja!” sasa.