Jeremías 19:3 - Qullan Arunaca

³ Jupanacarusti saraquim: ‘Judá orakenquir reyinaca, uqhamaraqui Jerusalén marcan utjirinaca, Israelan take ch'amani Dios Tatitupan arunacapa ist'apjjam, jupasti siwa: Aca marcarusti mä jach'a t'akhesiñwa apayanï take uca yatiyäwi ist'irinacasti wali sustjataw kheparapjjani.

Aymar Bibliia 1986

³ Jupanacarusti saraquim: ‘Judá orakenquir reyinaca, uqhamaraqui Jerusalén marcan utjirinaca, Israelan take ch'amani Dios Tatitupan arunacapa ist'apjjam, jupasti siwa: Aca marcarusti mä jach'a t'akhesiñwa apayanï take uca yatiyäwi ist'irinacasti wali sustjataw kheparapjjani.

Qullan Arunaka DC

³ Jupanakarusti sarakim: ‘Judá uraqinkir reyinaka, Jerusalén markan utjirinaka, Israelan taqi ch'amani Dios Tatitupan arunakap ist'apxam, jupasti siwa: Aka markarux mä jach'a t'aqhisiñ apayanï, taqi uka yatiyäwi ist'irinakasti wali mulljataw qhiparapxani.

Jeremías 19:3 Jak'a apnaqawi uñst'ayäwi

Salmos 102:15

Takpach marcanacaw Tatitun khapak sutip wakaychapjjani, acapach reyinacasa, aytat cancañamataquiw ajjsarthapipjjani,

Salmos 110:5

Tatitojj cupëjjamancasquiwa, k'apisiñap urunjja, reyinacaruw t'unjani;

Salmos 2:10

Jichhasti reyinaca, amuyt'asipjjamaya, acapach apnakerinaca, wanipjjamaya:

Isaías 28:19

Sapa cuti jutcan ucqhasti k'al apapjjaraquïtam. Sapa alwaw jutani, sapüruraqui, sapa jayp'uraqui, jutañap yatisaquiw jumanacajj qhathatipjjätajja.

Jeremías 13:18

“Reyirusa, reina taycarusa saraquim: ‘Uca reyin konuñapat sarakanipjjam, orakeru kont'asipjjaraquim, p'ekepatsti cawquïri coronatejj suma c'achachcäna ucajj jalaktjjewa.’

Jeremías 17:20

Jakenacarusti saraquim: ‘Reyinaca, Judá orakenquir take jakenaca, Jerusalenanquir take jakenaca, cawquïrinacatejj aca puncu toke mantapjjta ucanaca, Tatitun arunacapa ist'apjjam.

Jeremías 18:11

“Jichhajj Jerusalén marcan jaquir jakenacarusa, uqhamaraqui Judá oraken utjirinacarusa saraquim, naya Tatituw sista: ‘Jumanac tokejj maya luräwinacwa amtascta; jumanacarusti mutuyañwa amtascaracta. Jan wali sarnakäwinacamjja apanucupjjam, luräwinacamsa uqhamaraqui sarnakäwinacamsa asquichasipjjaraquim’ sasa.

Jeremías 19:15

“Israelan take ch'amani Dios Tatitupajja aqham siwa: ‘Aca marcarojja uqhamaraqui yakha jac'anquiri marcanacarusa, cuna mutuyäwtejj jupanacataqui arscta ucwa apayanëjja, cuna arunactejj nayajj arscäyäta uca arunacataqui c'ullusipjjatam laycu, janiraqui uca arunacaru jaysapjjatam laycu.’ ”

Jeremías 25:29

Jichhasti mutuyäwinacajj apayanï cawquïri marcatejj nayataqui yakhachatäcäna uca marcjjarojja. ¿Jumanacasti amuyapjjtati jan mutuyataqui kheparañjja? Janiw uqhamaqui jumanacajj kheparapcätati, guerran nuwasiñsti take acapachanquir jakenacjjaruw apayanï. Naya Tatituw ucjja arsta.’

Jeremías 35:17

Ucatwa, naya Israel Diosapa take ch'amani Diosajj sistjja: Judá oraken uqhamaraqui Jerusalén marcan utjasiri jakenacjjarojja cunayman jan walinacwa apayanëjja, cuntejj jupanacaru yatiycta take ucanaca. Nayasti jumanacarojj parljjayapjjsmawa, ucampis jumanacajj janiw nayarojj ist'apquistati, jumanacarojj jawsapjjsmawa, ucampis jumanacajj janiw jaysapquistati.’ ”

Jeremías 44:3

cunayman casta ñankhanac lurapjjatanacap laycu. Yakha diosanacaru quillt'asisa, ucanacaru inciensonaca loktasisaw nayarojj ñankhachapjjetu; uca diosanacampisti janiwa jumanacasa, ni nayra awquinacamasa cuna lurañanacamasa utjcänti.

Jeremías 6:19

Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Ezequiel 7:5

“Naya Tatituw arsta: Amuyasim, tucuyan puriniñapajj jac'ancjjewa, jan walt'añanacasti may mayaraquiw jutani, juman tucusiñamasti niyaw jac'ancjjaraqui.

Mateo 10:18

Marca apnakerinacan uqhamarac reyinacan nayrakataparus apapjjaraquïtamwa nayan sutejj laycu, uqhamatwa nayatjja jupanacar parlapjjätajja uqhamarac jan judiöpquis uca jakenac nayrakatansa.

Apocalipsis 2:29

¡Qhititejj ist'añ munqui ucajj ist'pan cuntï Kollan Ajayojj iglesianacaru sisqui ucjja!’

1 Samuel 3:11

Tatitusti saraquïnwa: —Jichhajj nayajj Israel marcanwa mä luräwi luraraquï, qhitinacatejj ucanac ist'apjjani ucanacarusti jinchunacapas usuraquiniwa.