Jeremías 18:12 - Qullan Arunaca

¹² Ucampisa jupanacajj sapjjaraquïtamwa: ‘¡Jan inamaya parlcamti! Cunjämarutejj nanacajj munapjjta uqhamaruw nanacajj sarnakapjjä, uqhamaraqui chuymanacajjan jan wali amtatanacaparuw arcaña munapjjarcta’ ” sasa.

Aymar Bibliia 1986

¹² Ucampisa jupanacajj sapjjaraquïtamwa: ‘¡Jan inamaya parlcamti! Cunjämarutejj nanacajj munapjjta uqhamaruw nanacajj sarnakapjjä, uqhamaraqui chuymanacajjan jan wali amtatanacaparuw arcaña munapjjarcta’ ” sasa.

Qullan Arunaka DC

¹² Jupanakasti sapxarakïtamwa: ‘¡Jan inamay parlkamti! Nanakax kunjämarutix munapkta ukhamaruw sarnaqasipkä, chuymanakaxan jan wali amtatanakaparuw arkasipkarakï’ ” sasa.

Jeremías 18:12 Jak'a apnaqawi uñst'ayäwi

Génesis 6:5

Cunapachatejj Tatitojj jakenacan sinti jan walinaca lurapjjatap uñjän ucqhajja, uqhamaraqui jakejj ñankha lurañacpuni amtascatapatjja,

Génesis 8:21

Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.

2 Reyes 6:33

Jupanacampi uqham parlquipanwa qhitatajj purinïna jupan ucaru; ucatsti Eliseorojj sänwa: —Chekpachansa Tatitojjaya aca jan walt'añjja apayanchistojja, ¿cunsa nayajj jupat juc'ampi suyiristjja?

Isaías 57:10

Ucatak sarasasti wal kariractajja, ucampis janiw amuyasctati take ucanacajj inamayaquïtapa. Ch'amamasti utjaraquïyätamwa, ucatwa jan karcaraquïyatati.

Isaías 65:2

Jornälaraquiw amparajja loktata uñjasta, nayataqui sayt'asir marcar apanjjañataqui, uca marcasti jan wali thaquinjamwa sararaqui, pachpa amtatanacapa arcasa;

Jeremías 11:8

Ucampisa janiw nayarojj jaysapquituti, ni ist'apcaraquitusa, jan ucasti chuymanacapan jan wali amtatanacaparuquiw arcjjapjje. Cuntejj nayajj jupanacaru siscäyät uca arunacsti janiw phokhañ munapcänti, ucatpï jupanacjjarojja cuntejj arust'äwin yatiycäyäta uca mutuyäwi apayantjja.’ ”

Jeremías 16:12

Jumanacasti uca nayra awquinacamat sipansa juc'ampi jan walïpjjtawa, sapa maynisa chuymanacapan jan wali amtatanacaparuquiwa arcjjapjje, janiraquiw nayarojj ist'apquituti.

Jeremías 2:25

“¡Israel, jan cayunacamjja chhojjriñchjasimti k'ara cayu jalnakasajja, janirac mallk'amsa wañantayasimti! Ucampis jumajj sistawa: ‘Janiwa. Janipuniw sayt'quiristti, jayanquirinacaruw wal muntjja, jupanacampiraquiw sarjjä’ sasa.

Jeremías 23:17

Arunacajjaru jisc'achirinacarusti sapjjaraquiwa: ‘Take cunas waliquïscaniwa’ sasa. Qhitinacatejj chuymanacapan jan wali amtatanacaparuqui arcapjje ucanacarusti sapjjaraquiwa: ‘Janiw cuna jan walis jutcätamti’ ” sasa.

Jeremías 3:17

Ucapachaw Jerusalenajj Tatitun tronopa satänejja; take marcanacaw ucaru tantacht'asipjjani, ucatsti nayaruw jach'añchapjjaraquitani, janiraquiw chuymanacapan jan wali amtatanacaparojj arccjjapjjaniti.

Jeremías 44:17

Jan ucasti cuntejj lurañ amtasipjjta ucpun lurapjjäjja. Alajjpach Mama sat diosarojja incienso loktasisipcaquipunïwa, uqhamaraqui vinompisa ch'allasisipcaquïwa, cunjämtejj jichhacama lurapjjta uqhama nayra awquinacajjasa, reyinacajjasa, Judá orakenquiri jach'a jilïrinacajjasa, uca marcanacanjja uqhamaraqui Jerusalén marcan callenacapansa uqhampunwa lurapjjerïnjja. Nayrasti nanäcataquejj mank'as walïriwa, take cunas waliquïsquiriwa, janiraquiw cuna jan walt'añas jutirïquiti.

Jeremías 6:17

Tatitusti uñjirinac uscu, marcarusti saraquiwa: “Cuna unañchäwtejj churapcäma ucar sum suyapjjam” sasa. Ucampisa marcajj siwa: “Janiw nanacajj ist'apcäti” sasa.

Jeremías 7:24

Ucampisa janiw nayarojj ist'apquituti ni jaysapcaraquitusa, jan ucasti kala chuymanacapar jaysasaquiwa ñankha lurañanacaru catuyasjjapjjejja. Nayaru uñtañcamayasti, nayatjja maysaruw uñtapjjänjja.

Ezequiel 37:11

Ucatsti Tatitojj saraquituwa: “Israel marcajj uca ch'aqhanacjamawa. Jupanacasti aqham sasaw sarnakapjjaraqui: ‘Ch'aqhanacasajj wañantatawa, janiraquiw cuna suyt'añanacapas utjcjjeti, k'ala aynacht'ataraquïtanwa’ sasa.

Malaquías 3:14

Acwa jumanacajj sapjjtajja: ‘Diosaru sirviñajj inamayaquiwa. ¿Cunaraqui jiwasasti apsuñäni jupan camachi arunacaparjam sarnakasajja, uqhamaraqui llact'at sarnakasasa take ch'aman Dios nayrakatanjja?

Lucas 1:51

Jach'a muspharcañ luräwinac luri, uqhamaraquiw jach'a jach'a tucurinacarus atipjaraqui.

Deuteronomio 29:19

“Uqhamasti aca juramento arunac ist'awayasina, cawquïrisa jumanacat jupa pachpa suma jakëtap amuyasi, ucatsti aqham sani: ‘Take cunaw nayataquejj walt'ascani, munañajjar lurcä ucqhasa’ sasa. Uca jakew jumanacan jan cunanïñanacataqui juchaninejja.