Jeremías 17:23 - Qullan Arunaca

²³ Ucampisa jupanacajj janiw nayarojj ist'apquitänti, ni jaysapcaraquitänsa, jan ucasti jupanacajj kala chuymanïpjjänwa, janiw nayar ist'añjja munapcänti ni yatekañsa munapcaraquïnti.

Aymar Bibliia 1986

²³ Ucampisa jupanacajj janiw nayarojj ist'apquitänti, ni jaysapcaraquitänsa, jan ucasti jupanacajj kala chuymanïpjjänwa, janiw nayar ist'añjja munapcänti ni yatekañsa munapcaraquïnti.’ ”

Qullan Arunaka DC

²³ Ukampis jupanakax janiw nayarux ist'apkitänti, janirakiw jaysapkitänsa, jan ukasti jupanakax qala chuymanïpxänwa, janiw nayar ist'añ munapkitänti, janirakiw yatiqañsa munapkänti.

Jeremías 17:23 Jak'a apnaqawi uñst'ayäwi

Salmos 50:17

nayamp jan chekachayasiñ muncasa, arunacajjar jan yäkcasajja?

Proverbios 1:3

yatichäwinaca, ch'iqhi cancaña jicjjatañataqui, uqhamarac jakerojj asqui cheka cancañana sarnakaña yatichañataqui;

Proverbios 1:5

Qhititejj yatiñani, ch'iqhïqui ucawa aca arunacjja ist'ejja, ucatsti jicjjatiwa juc'amp yatiñ cancaña, uqhamarac juc'amp suma ewjja arunaca,

Proverbios 29:1

Qhititejj chekachatajj jan ist'asiñ munqui ucajja, mäquiwa tucjatäni jan mayampitaqui.

Proverbios 5:12

Ucatsti ucqhaquiwa jumajj sätajja: ‘¡Janiqui yatichäwi arunacar jisc'achcpachänti! ¡Janiqui chekachäwi arunacarus apanucpachänti!

Proverbios 8:10

Kollketa, suma korita sipansa, jicjjatapjjam yatichäwinaca, yatiñ cancañaraqui” sasa.

Isaías 48:4

Cunjämtejj nayajj juman jan ist'asirïtam yatiyätjja, mä fierror uñtata wali ch'ollkhëtawa, broncer uñtata jan c'umt'cayaraquïtawa,

Jeremías 11:10

Cuna juchanactejj nayra awquinacapajj lurcäna uca pachpa jucha lurañanacaruw cuttapjjaraqui, uca awquinacapasti janiw nayarojj ist'añ munapquitänti, ucatsti yakha diosanacaruw arcjjapjjäna uqhamaraqui yupaychapjjaraquïna. Israelasa uqhamaraqui Judá marcasa cuntejj nayajj nayra awquinacapampi mä arust'äwi lurcäyätjja ucanacjja t'unjapjjewa.

Jeremías 19:15

“Israelan take ch'amani Dios Tatitupajja aqham siwa: ‘Aca marcarojja uqhamaraqui yakha jac'anquiri marcanacarusa, cuna mutuyäwtejj jupanacataqui arscta ucwa apayanëjja, cuna arunactejj nayajj arscäyäta uca arunacataqui c'ullusipjjatam laycu, janiraqui uca arunacaru jaysapjjatam laycu.’ ”

Jeremías 32:33

Nayataquejj maysaruw uñtapjjänjja, janiw uñcatañsa munapcaraquitänti. Nayasti jupanacarojj yatichascapuniraquïyätwa, ucampis janiw nayan yatichäwinacajj-jja ist'añ munapcänti.

Jeremías 35:15

Nayar sirviri profetanacajjarusti mayampi mayampwa qhitanipjjsma jumanacaru aqham sañapataqui: Uca jan wali sarnakäwinacamsa uqhamaraqui jan wali luräwinacamsa apanucupjjam. Janiraqui yakha diosanacan khepapsa sarjjapjjamti ni ucanacarusa yupaychapjjaraquimti, uqhamatwa cuna oraktejj nayajj jumanacarusa uqhamaraqui nayra awquinacamarus churcäyät ucan jacasipjjätajja sasa. Ucampisa janiw jumanacajj nayan arunacajjarojj jaysapcäyätati ni ist'apcaraquïyätasa.

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Jeremías 6:8

Jichhajj Jerusalén yatekamaya, jan ucasti nayajj jumatjja mayjt'ataw sarjjä, mä wasararuw tucuyäma, jan jakeni antutaraquïma.”

Jeremías 7:28

Saraquim: ‘Aca marcajj janiw Tatitu Diosaparojj jaysañ munquiti, janiraquiw chekachayasiñsa munquiti. Cheka chuymampi sarnakañasti jupanacatjja k'ala chhaktatäjjewa’ ” sasa.

Ezequiel 20:13

Ucampisa jupanacajj wasara tokenjja naya tokew sayt'asjjapjji, leyinacajjarusti janiraquiw jaysapquisa; cuna camachi arunactejj nayajj jupanacaru churcäyät ucanacsa apanucupjjaraquiwa, jupanacasti uca camachi arunacar phokhasajj jacañwa catokapjjasapänjja, uqhamaraqui samaraña urojjsa k'alwa taquisipjjaraqui. Ucatwa nayajj jupanacjjaru colerajj wartaniñ munayäta, pachpa wasaran jupanacar tucjañataqui.

Ezequiel 20:16

Jupanacasti camachi arunacajj-jja apanucupjjewa, leyinacajjarus janiw ist'apcaraquiti, samarañ urunacajjsa ñankhachapjjaraquiwa, chuymanacapanjja yakha diosanacan khepap arcañacpun munasipqui.

Ezequiel 20:21

“Ucampisa jupanacan wawanacapajj nayataquejj sayt'asipjjaraquiquïnwa. Leyinacajjsa, camachi arunacajjsa janiw phokhapcaraquïnti ni ucarjamas sarnakapcaraquïnti, uca arunacasti qhitinacatejj ucarjama sarnakapqui ucanacarojj jacaña churi, samaraña urunacajjsa taquisipjjaraquïnwa. Nayasti uca pachpa wasaranwa jupanacarojj colerasiñajj wartaniñ munäyäta, pachpa wasaran jupanacar tucjaña, uqhamat colerasiñajjajj samarañapataqui.

Sofonías 3:7

Ucatwa sista: ‘Uqhamatwa Jerusalén marcajj ajjsartani, ewjja arunacajjsa ist'araquitaniwa, uqhamatwa utanacapas jan t'unjatäcaniti nayan mutuyatajj laycojja.’ Ucampis jupanacajj juc'ampi take casta juchanac lurañaruwa puripjje.

Hechos 7:51

“Estebanajj sascaquïnwa: Jumanacajj sinti kala chuyman jakenacäpjjapuntawa. Jinchunacamasa Diosar jan uñt'ir jakenacanjamawa. Jumanacajj Kollan Ajayu conträpjjaractawa, cunjamäcäntejj awquinacamajj uqhamaraquïpjjtawa.

Jueces 6:10

Ucatsti sapjjaracsmawa: ‘Nayätwa jumanacan Diosamajja, uca laycusti janiwa amorreonacan diosanacaparojj ajjsarapjjätati, cawquïr orakentejj jichhajj jacapcta ucanjja; sasa. ‘Ucampis jumanacajj janiw ist'apquistati’ ” sasa.