Jeremías 17:18 - Qullan Arunaca

¹⁸ Nayar arcnakerinacaru mä p'enka uñjasiyam, jan nayarojja; jupanacajj sustjata uñjasipjjpan, jani nayajja. Jupanacjjarusti t'akhesiñanaca apayaniraquim, jupanacarusti mayampi, mayampi t'unjaraquim.

Aymar Bibliia 1986

¹⁸ Nayar arcnakerinacaru mä p'enka uñjasiyam, jan nayarojja; jupanacajj sustjata uñjasipjjpan, jani nayajja. Jupanacjjarusti t'akhesiñanaca apayaniraquim, jupanacarusti mayampi, mayampi t'unjaraquim.

Qullan Arunaka DC

¹⁸ Uñisirinakaxar mä p'inqa uñjasiyam, nayarusti jan ukham tukuyistati; jupanakax axsarañatsa wal khathatipxpan, nayarusti jan axsarayistati. Jupanakxar t'aqhisiñanak apayanim, mäpit jupanakar q'al tukjam.

Jeremías 17:18 Jak'a apnaqawi uñst'ayäwi

Job 16:14

Mayampi mayampwa janchejjarojj chhojjriñchjasa jist'jaraqui, mä nuwasiri jakjamaw nayar jaljjataraquitu.

Salmos 35:4

Nayar jiwayañ munirinacajj, mä p'enkay atipjayasipjjpan, nayatac ñankha amtirinacasa, p'enkachat jaltjjapjjaracpan;

Salmos 35:8

chijejj acatjamat jupanacar catuntpan, pachpa sipitanacapamp simpantat uñjasipjjpan, pachpa chijir jalantapjjaracpan.

Salmos 40:14

nayar jiwayañatac thakerinacajj, p'enkpun atipjayasipjjpan; nayar ñankha lurañ amtirinacajj, mä p'enk jaltapjjpan;

Salmos 70:2

Nayar jiwayañ munirinacajj, mä p'enk atipjayasipjjpan; nayar ñankha lurañ amtirinacajj, mä p'enkarac jaltjjapjjpan.

Salmos 71:1

Tatay, juman ucaruw jutta: janiquiy wiñayatac atipjat uñjasiyistati.

Jeremías 1:17

Jichhasti jumajj ch'amañcht'asim; ucatsti sarasinjja, cuntejj nayajj siscäma take ucanac sanim. Jan jupanacarojj ajjsaramti, ajjsaräta ucapachasti, nayajj jupanac nayräjjanwa qhathatiyäma.

Jeremías 11:20

Ucampisa jichhajj take ch'amani Tatitu, chekapa uñjirïtawa; jumajj jaken amtatanacapsa yattawa. Cunjämtejj aca jakenacar mutuycäta ucsti uñjayaraquita, nayasti amparamaruw take cunanacajjsa catuyasiracsma.

Jeremías 12:3

Ucampisa Tata, jumajj nayarojj uñt'istawa; jumajj uñjistawa, yatiraquistawa, cawquïrinacatejj jumataqui amtatanacajjäqui ucjja. ¡Uca jakenacarojj qhariñ ovejanacarjam apasjjam, qhariñ urutaqui chimpt'awayaraquim!

Jeremías 14:17

Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.

Jeremías 16:18

Nayrakatajj mä ucqhampi jupanacarojj pagayaraquï ñankhanaca, uqhamaraqui juchanaca luratapatsa, uca ajjtascaña jiwata diosanacapampisti aca nayan suma orakejjwa k'añuchapjjänjja, cawquïri oraktejj jupanacaru mä herenciatjama churcta ucaru. Uca orakensti nayajj ajjtascta ucanacwa lurapjjänjja.”

Jeremías 17:13

Tata, jumaw Israelan suyt'añapätajja. Take jumar apanucuristi p'enkachjataraquïniwa. Take jumat jayarst'iristi lak'aru kellkat sutjamaquiw chhaktjjani, juma, suma jalir umar apanucutap laycu.

Jeremías 17:16

Ucampisa, janiw nayajj wayt'caracsmati, mä jach'a jan walt'aña apayaniñamataquejja, jupanacataquisa janiw jach'a t'akhesiñanacsa muncaractti. Jumasti sumwa yattajja cuntejj sisctjja ucjja, juma nayrakataruwa uchjjaractjja.

Jeremías 17:19

Tatitusti saraquituwa: “Saram, ucatsti Marca Mantaña puncuru sayt'asim, cawqui chektejj Judá oraken reyinacapajj mantapjje, mistupjjaraqui ucqharu, uca quipcaraqui Jerusalén marcan yakha puncunac jac'arus sayt'asiraquim.

Jeremías 20:11

Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.

Deuteronomio 33:11

Bendicimay, Dios Tata, ch'amanacaparojja, cusisiñampirac luräwinacapsa catokam. Uñisirinacapan jiqhaninacapsa p'acjaraquim, jan mayampis uñisirinacapajj sartapjjpanti” sasa.

Apocalipsis 18:6

Cuntejj jupajj mayninacaru lurcänjja uca pachpa juparojj lurapjjam, pä ucqhampiraqui luratanacapatsa cutt'ayapjjam. Cuna machjañanactï jupajj mayninacataqui waquichcän ucatjja, pä ucqhampi wali machjayiri waquichapjjam.