Jeremías 17:16 - Qullan Arunaca

¹⁶ Ucampisa, janiw nayajj wayt'caracsmati, mä jach'a jan walt'aña apayaniñamataquejja, jupanacataquisa janiw jach'a t'akhesiñanacsa muncaractti. Jumasti sumwa yattajja cuntejj sisctjja ucjja, juma nayrakataruwa uchjjaractjja.

Aymar Bibliia 1986

¹⁶ Ucampisa, janiw nayajj wayt'caracsmati, mä jach'a jan walt'aña apayaniñamataquejja, jupanacataquisa janiw jach'a t'akhesiñanacsa muncaractti. Jumasti sumwa yattajja cuntejj sisctjja ucjja, juma nayrakataruwa uchjjaractjja.

Qullan Arunaka DC

¹⁶ Tatay, ukampis janiw nayax aka markamar mutuyañam mayksmati; jan ukasti, nayax oveja awatirjamaw aka markarux imarakta.

Jeremías 17:16 Jak'a apnaqawi uñst'ayäwi

Jeremías 12:3

Ucampisa Tata, jumajj nayarojj uñt'istawa; jumajj uñjistawa, yatiraquistawa, cawquïrinacatejj jumataqui amtatanacajjäqui ucjja. ¡Uca jakenacarojj qhariñ ovejanacarjam apasjjam, qhariñ urutaqui chimpt'awayaraquim!

Jeremías 13:17

Jumanacatejj jan ist'asipcätajja, jumanacan jach'a jach'a tucupjjatamatjja jamasan jacharaquï; nayranacajjatsti jachanacaw sararaquini, Tatitun tamaparu preso apasjjapjjatap laycu.

Jeremías 15:15

Tatay, jumajj take cuna yattajja, ¡nayat amtasita, ucatsti jutaraquim nayar yanapt'iri! ¡Qhitinacatejj nayaru arcnakapquitu, ucanacarusti catjaraquim! Jan jupanacatjja qhuyapt'ayasimti, nayarusti jiwjjam saraquita; amuyamaya, juma laycuw jisc'achatas uñjasiracta.

Jeremías 18:20

¿Mä asqui luräwejj ñankhampiti cuttayatajja? ¡Jupanacajj sepulturajjwa allsupjje! Amtasim nayajj jumampi jiquintasitajja, jupanacataqui jumaru mayitajjsa, colerasiñama jupanacat apakjjañamataqui mayisitajjsa.

Jeremías 20:7

Tata, jumaw nayarojj pantjasiyistajja, nayasti pantjasiractwa; jumajj nayat sipansa juc'ampi ch'amanïyätawa, ucat nayarojj atipjaraquista. Nayatjja cunapachas larusisipcaquituwa; takeniw nayatjja larusipjjaraquitu.

Jeremías 20:9

Nayajj saractwa: “Janiw juc'ampi Tatitut amtcjjäti, janiraquiw jupan sutipatsa parlcjjäti” sasa, ucapachasti arunacamajj chuymajjanjja ninjamaw naqhantitu, ch'aqhanacamppacha jawk'jaraquitu. Nayajj uca ninjja pachparu imt'añ munta, ucampis janiw imt'añjamäquiti.

Jeremías 9:1

¡Nayranacajjan jachapajj mä uma jalsjamäspa, walja jaliri umanacjama, uqhamat uruy aruma jachañajjataqui, marcajjan jiwarat jakenacatjja!

Amós 5:10

¡Ay, cunaquïcani jumanacataquejja, chekapa uñjirirusti uñisipjjtawa, ñankhachapjjaractawa cheka testigot sayt'irirusa!

Hechos 20:20

Ucampis jumanacar Tatitun arunacapat parlañatjja janiw inact'cäyätti, jumanacatac asquïtap laycu. Utanacansa, uqhamaraquiw mayninacarusa taken uñjcataraquiw jumanacarojj yatichapjjsma.

Hechos 20:27

Nayasti jumanacarojj yatiyapjjsmawa takpach Diosan thaquipatjja, jan cuns imt'asa.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Corintios 2:17

Nanacajj janiw Diosan arunacapjja mä alaquip lurañar uñtata churapcti, cunjämatejj yakhepanacajj lurapjje uqhama. Diosan arunacapjja take chuymaw yatiyapjjta, Diosan qhitatanacapjama, Dios nayrakatan parlasa, Cristonquir jakenacjamaraqui.

Santiago 1:19

Ucatpï munat jilatanaca, sapa maynis jumanacatjja janc'aquïñapaw ist'añataqui, ucampis janiw janc'aqui cunsa parlañapäquiti ni colerasiñapäcaraquisa.

Santiago 3:1

Jilatanacajja, jumanaca taypinjja janiw waljani yatichirinaca tucuñapäquiti, yatipjjtawa qhitinacatejj yatichapjjtan ucanacajj jan qhuyapt'ayasiñampi taripatäñäniwa.