Jeremías 13:27 - Qullan Arunaca

²⁷ Jan wali amtatamjja uñjtwa, wachok jucha luratamsa, mä p'enka yakhanacampi sarnakatamsa, kollu patanacana, pampanacana ajjtascañ luräwinaca luratamsa. ¡Ay, Jerusalén! ¿Cunapachcamas uqhama k'añu sarnakäta?”

Aymar Bibliia 1986

²⁷ Jan wali amtatamjja uñjtwa, wachok jucha luratamsa, mä p'enka yakhanacampi sarnakatamsa, kollu patanacana, pampanacana ajjtascañ luräwinaca luratamsa. ¡Ay, Jerusalén! ¿Cunapachcamas uqhama k'añu sarnakäta?”

Qullan Arunaka DC

²⁷ Jan wali amtatam uñjtwa, wachuqa jucha luratamsa uñjtwa, mä p'inqa yaqhanakampi sarnaqatamsa, qullu patanakana, pampanakana axtaskañ luräwinak luratamsa uñjaraktwa. ¡Ay Jerusalén, kunakïkan jumatxa! ¿Kunapachkamarak ukham sarnaqätasti?”

Jeremías 13:27 Jak'a apnaqawi uñst'ayäwi

Salmos 94:4

Ñankha lurir jakenacajj k'añu arunac parlirïpjjewa, jach'a jach'a tucurïpjjewa.

Salmos 94:8

Pisi amuyt'an jakenaca, amuyt'asipjjam, jan amuyt'asirinaca, ¿cunapacharac amuyt'asjjapjjätasti?

Proverbios 1:22

‘Jan yatiñani, sawcasiri, pisi amuyt'an jakenaca, ¿cunapachcamaraqui pisi amuyt'añan sarnakapjjäta, sawcasiñanacamana cusisisa, yatiñarusa jisc'achasasti?

Isaías 57:7

Iquiñamsa mä alto kolluruw waquichastajja, uca kollunacaruw sacrificio loktasirejj maqhataractajja.

Isaías 65:7

cunjämtejj ñankha lurañan sarnakapqui uqhamarjama, awquinacapan juchanacapatsa. Jupanacasti kollu patanacan incienso naqhayasipjjänjja, uca kollu patanacanwa chuyma ust'ayapjjetu. Nayrakatajj sum suma amthapt'asï, ucatsti cunatejj waquisqui ucarjamaraquiw churäjja.” Tatituw uqham arsu.

Jeremías 11:15

“¿Israel amigojjajj cunsa nayan templojjan thake take uca jan walinaca lurasinjja? ¿Liq'i, aycha sacrificiot loktanisajja uca jan walt'añjja jaltayjjäwa siti? ¿Uqhamaraqui jupasa uca jach'a t'akhesiñatjja khespïwa siti?

Jeremías 3:6

Josías reyin urunacapansti, Tatitojj saraquituwa: “¿Uñjtati cuntejj nayataqui sayt'asiri Israelajj lurqui ucjja? Nayar apanucusinjja kollu patanacaruw sari, ucansti jach'a kokanac c'uchunwa yakhanacampi jucha luraraqui.

Ezequiel 16:23

“Acsti naya Tatituw arsta: ¡Ay, cunaquïcan jumataquejja! Take uqham jan walinac lurasinsti,

Ezequiel 2:10

Uca amparajj nayan nayrakatajjanwa uca rolljja janatati, uca rollosti purapäjjaru kellksutänwa. Uca kellkanacasti jachañanaca, t'akhesiñanaca, ajjsarañanaca ucanacänwa.

Ezequiel 20:28

Cunapachatejj nayajj jupanacarojj cuna oraktejj churapjjämaw sasa arscäyäta uca orakeru puriyanjjta ucapachasti, jupanacajj mä jisc'a kollu patansa jan ucajj mä walja laphinacani kokanac c'uchunacansa, sacrificionaca, ofrendanaca churapjjaraquïna, uca luratanacapasti nayarojj walwa colerayaraquitu, suma k'apquiri kollanacapwa uscupjjaraquïna, vino ofrendanacapwa wartapjjaraquïna.

Ezequiel 24:12

Ucampisa sinti saruntatapuniwa, janiraquiw ninampisa apakañjamäquiti,’ sasa.

Ezequiel 24:13

“Jerusalén marca, nayajj munañamaru sarnakasin k'añuchasitanacamatjja k'omachañwa munayäsma, ucampisa janiw k'omachatäctati. Cunapachatejj nayajj jumjjaru colerasiñajja wartanï ucapachaquiw k'omachata uñjasïta.

Ezequiel 24:6

‘Tatitusti siwa: ¡Cunaquïcani aca jake jiwayiri marcataquejja! jupajj mä sarrontata phucjamawa, cawquïri phuqhuttejj uca sarojj jan kakstqui uqhamaraquiwa. Jumajj uca aychanacjja apsjjam, uca phuqhu ch'usa antutañcama.

Ezequiel 36:25

K'oma umampiw jarekjjapjjaraquïma, take k'añunacamatsa k'omachjjapjjaraquïmawa.

Ezequiel 36:37

Tatitusti aqham sascaquiwa: “Mä juc'ampi lurascaquïwa. Cuntejj Israel marcajj mayquitani jupanac laycu lurañajj-jja ucanacsti phokharaquïwa; jakenacapsti mä jach'a tamaruw tucuyjjaraquëjja.

Ezequiel 6:13

Cunapachatejj jakenacajj jiwaratanacaru uñjapjjani yakha diosanac jac'ana, altaranacap jac'anacana, take kollunacana, jach'a kollunaca patansa, kokanac c'uchunacansa, uqhamaraqui jach'a encinas sat koka c'uchunacansa, cawqui chekanacantejj k'apquiri inciensonacap loktasipcän uca chekanacana, ucapachaw yatipjjani nayan Tatitütajja.

Oseas 1:2

Tatitojj aqhamwa kalltäna cuntejj Oseas toke sañ muncän uca arunacjja: “Israel marcajj yakhampiw sarnakjje nayar apanucusajja. Uqhamarac jichhajj jumajj saram ucatsti yakha chachanacampi sarnaker warmi catusim, jupampisti wawanacanïpjjaraquim; uqhamatwa uca wawanacajj yakha chachanacampi sarnaker warmin wawanacapäpjjani”.

Oseas 4:2

C'ari juramentompi, c'arisiñampiquiw utjasqui, jake jiwayañampi, lunthatasiñampi, wachoka jucha lurañampi, nuwasiñampi; jakenac puraw jiwarayasisipcaraqui.

Oseas 8:5

¡Samaria, jumajj vaca kalluru yupaychcta ucajj ajjtasiyituwa! Colerasiñajjasti jupa contraraquiw sarti. ¿Cunapacharac israelitanacasti k'oma uñjasjjapjjpachäni?

Sofonías 3:1

“Ay, Jerusalén marca, Dios contra sayt'asir marca, juchansa k'añuchata, yakha marcanacarus t'akhesiyiriraqui.

Mateo 11:21

“¡Llaccañätaw jumajj, Corazín marca! ¡Camachcaquït jumajj, Betsaida marca! Tirompina Sidonampintejj take aca milagronacajj lurasispäna ucajja, ucspachaw jupanacajj take jan wali luräwinacapat arrepientisisinjja nayan ucar jutjjapjjasapäna, llaquisiñ luto isinacamp isthapita.

2 Corintios 12:21

Ajjsararactwa, acjjar jutcä ucanjja inas Diosajj jumanacat mä p'enka uñjasiychitani, ucatsti inas jachañajjächini jumanacat waljani nayratpach juch lurasipcatamata, ucatjja janiraqui wachoka juchan sarnakañanacsa, ni yakha juchanacsa, ni k'añu lurañanacs apanucupjjatam laycu.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Santiago 4:4

¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.

Apocalipsis 8:13

Ucat uñtasinsti mä angelaruw uñjta chica alajjpachan jalnakasquiri, wali jach'at aqham sas art'asisa: “¡Ay! ¡Cunaquïcani aca oraken jaquir jakenacatjja, cunapachatï yakha quimsa angelanacajj trompetanacapa phust'asipcani ucapachajja!”