Jeremías 12:10 - Qullan Arunaca

¹⁰ Uñisirinacan jach'a jilïrinacapasti uva yapojj-jja t'unjapjjewa, orakenacajjsa taquisipjjaraquiwa. Nayan wali munata orakejjsti llaquiscañ wasararuraquiw tucuyapjje.

Aymar Bibliia 1986

¹⁰ Uñisirinacan jach'a jilïrinacapasti uva yapojj-jja t'unjapjjewa, orakenacajjsa taquisipjjaraquiwa. Nayan wali munata orakejjsti llaquiscañ wasararuraquiw tucuyapjje.

Qullan Arunaka DC

¹⁰ Uñisir reyinakaw uva yapuxar tukjapxi, uraqinakaxsa takisipxarakiwa. Nayan wali munat uraqixsti llakiskañ wasararuw tukuyapxi.

Jeremías 12:10 Jak'a apnaqawi uñst'ayäwi

Isaías 3:14

Tatitusti taripäwiruw jawsaraquini, ucatsti saraquiniwa chuymaninacaru, marcan jilïrinacaparusa: “Jumanacaw uva yapojj-jja k'al tucjapjjtajja, pobrenacatsa lunthatapjjaractawa, lunthatatanacamsti utanacamaruw imasipjjaractajja.

Isaías 43:28

apnakerinacamasti nayan templojj-jja taquisipjjaraquiwa, ucatpï Israelarojja, Jacobon marcaparojja t'unjatäñapataqui jisc'achjatäñapataquiraqui apanuctjja.

Isaías 63:18

¡Cunja juc'a maranacaquis kollana marcamajj orakepatjja ‘orakejjaw’ sapjjänjja! Uñisirinacajjaraquiw templomjja taquisipjje.

Jeremías 23:1

Tatitusti siwa: “¡Ay, cunaquïcani awatirinacatjja, cawquïrinacatejj ovejanacajj-jja chhakhayapjje, uqhamaraqui ananucupjje ucanacataquejja!”

Jeremías 25:37

Tatitojj colerasïnwa, ucatsti ucqha suma yapunacapsti t'unjaraquiwa.

Jeremías 25:38

Mä leonajj putupat mistunqui uqhamaw mistuniraqui, ucatsti jupanacan marcapajj pampa t'unjataw uñjasiraqui, Tatitun colerasiñapajj mä ninjam naqhatap laycu, uqhamaraqui mä jach'a nuwasïwi apayanitapata.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 3:19

“Israel, nayajj jumarojj wawajjat catokañataquiw amtasta, mä suma muncañ orake churañaraqui amtta, take aca orakenacat sipansa juc'ampi suma orake. Nayasti saraquïyätwa: ‘Jichhajj awqui sisjjchitanïya’ sasa. Ucatsti janiraquiy nayatjja jayar sarcjjchiniti saraquïyätwa.

Jeremías 39:3

Uqhamaraqui Babilonianquiri ejerciton jach'a jilïri oficialanacapas mantanisinjja chica puncüquis uca chekaruw purintapjje ucanacasti acanacänwa: Nergal-sarezer, Samgar-nebo, Sarsequim, uca jilïrinaca.

Jeremías 6:3

cawquirutejj awatirinacajj tamanacapampi sarapjje uqhama; uca orakeruw muyuntapjje, sapa tamanacaraquiw ucanjja mank'arasipqui.

Jeremías 9:10

“Jachapjjam, aykopjjaraquim kollunacatjja, suma ch'ojjña orakenacatsti jachasisa k'ochupjjam, ucanacasti k'ala naqhantatäjjiwa, janiraquiw qhitis uca cheka pascjjeti, janiraquiw uywanacan wararitapas ist'ascjjeti, jamach'inacasa, monte animalanacasa jayaruw sarjjapjjatayna.

Ezequiel 34:2

“Jumasti chacha, Israel marcan awatirinacap toke arsum nayan sutejjaru, ucatsti naya toketjja saraquim: ‘Ay, cunaquïcani Israel marcar awatirinacataquejja, jupanacpachaquiw awatisisipqui. Uca awatirinacajj oveja tamanacwa awatipjjañanacapänjja.

Ezequiel 34:5

Ovejanacajjasti jan awatiriniw uñjasipjje, take tokeruw aywinucuwayjjapjje, ucatsti kamakenacaw mank'arjjapjjaraqui.

Daniel (hebreo) 8:13

“Ucatsti ist'aractwa mä angelaru, yakha ángel masiparu jisct'asquiri: ‘¿Cunapachas aca sapa uru sacrificio loktasiñ chekan lurasqui uca luräwinacajj tucusjjani?. ¿Cunapachcamas aca Tatitun kollana lugarapajj juchararanacaru catuyatäni, uqhamaraqui Diosar iyawsir jakenacasa taquisitaraquïni?’ sasa.

Zacarías 7:14

Ucatpï ucsar acsar tucjtjja mä jach'a tutuca thayampjama jan uñt'apcänti uca marcanac taypiru, uca pasatatjja orakepajj mä wasararu tucutaw kheparawayi, ucansti janiw qhitis jaccjjeti. ¡Mä suma marcjja jupanacajj k'alwa tucjawayapjje!”

Lucas 21:14

Mayac amtasipjjam, jan nayrakata waquichasipjjamti cunatejj arsusiñanacamäqui ucjja.

Apocalipsis 11:2

Ucampis ankäjj patiöquis ucjja janiw tupt'ätati. Uca patiosti jan judiöpquis uca jakenacaru catuyatäjjewa. Uca jakenacasti pusi tunca payani phajjsiraquiw aca Tatitun k'oma marcapjja taquisipjjani.