Jeremías 12:1 - Qullan Arunaca

¹ Tata, jumampi ch'ajjwañarutejj uscusëjja, juman arumajj chekapapuniwa; ucampis nayajj jisct'añ munirisma, ¿cunatsa ñankha jakenacataquejj take cunasa sumaqui lurasirapi? Uqhamaraqui, ¿cunatsa ch'ojjña luririnacasa, sumaqui jacasipjje?

Aymar Bibliia 1986

¹ Tata, jumampi ch'ajjwañarutejj uscusëjja, juman arumajj chekapapuniwa; ucampis nayajj jisct'añ munirisma, ¿cunatsa ñankha jakenacataquejj take cunasa sumaqui lurasirapi? Uqhamaraqui, ¿cunatsa ch'ojjña luririnacasa, sumaqui jacasipjje?

Qullan Arunaka DC

¹ Tatay, jumampi ch'axwañarutix uskusïxa, juman arumakipuniw chiqapaxa; ukampis nayax jiskt'añ munirisma, ¿kunatsa ñanqha jaqinakatakix taqi kunas sumak lurasirapi? ¿kunatsa ch'uxña luririnakax sumak jakasipxi?

Jeremías 12:1 Jak'a apnaqawi uñst'ayäwi

Génesis 18:25

¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

Esdras 9:15

“Israelan Tatitu Diosapa, jumajj nanacampejja chekapwa lurtajja; jumaraquiwa wact'ayaracta nanac taypita mä tama khespiyasina jacañapsa, cunjämatï jichhürojj uñjapjjta uqhama. Nanacasti chekpachanwa juma nayrakatana juchanïpjjta, ucatwa jan juman nayrakatamancapquiristi.”

Nehemías 9:33

Ucampis jumajj chekapätawa take cunanacatejj nanacjjaru jutcäna ucanacatjja; jumajja take phokhañamampiwa phokhäyätajja, ucampis nanacajja cunatejj jan walïqui ucwa lurapjjäyäta.

Job 12:6

Ñankha lurir jakenacajj utanacapanjja c'uchiquiw jacasipjje; Diosaru ñankhachirinacas c'uchiquiw jacasipjje, Diosarojj jupanacas apnakcaspa uqhamwa amuyasipjjaraqui.

Job 13:3

Ucampis nayajj Diosampiw parlañ munta, take ch'amani Tatitu jupampiw nayajj parlañ munaracta.

Job 24:12

Marcat jayanwa qhitinacatejj t'akhesisipqui, uqhamaraqui jachasipqui, aykosipcaraqui ucanacajj t'akhesisipqui, wararisipcaraqui; ucampisa Diosajj janiw jupanacarojj mayisitapjja ist'quiti.

Job 24:23

“Diosawa jupanacarojj sumaqui jacayasqui, ucampisa sapa chellktäwipwa uñjascaraqui.

Job 8:17

karka taypinacaruw saphintapjje, kalanacaruw wali catthapisipjje,

Salmos 116:5

Tatitojj llamp'u chuymaniwa, asquiraquiwa, Diosasajj qhuyapayasiriwa;

Salmos 119:137

Tatay, jumajj asquïtawa, camächit arunacamajj chekapawa.

Salmos 119:75

Tatay, arsutanacamajj chekapawa, ucarjamaw nayarojj t'akhesiyista.

Salmos 145:17

Tatitojj take sarnakäwipan chekap uñjiriwa, take luräwinacapan munasiñaniwa.

Salmos 37:1

Ñankha lurir jakenacar uñjasajj jan k'apisimti, janirac ñankha luririnacarus yatjjäsimti,

Salmos 37:35

Ñankha lurir jakeruw jach'achasir uñjta, ch'ojjña kokjam jilantasquir uñjaracta;

Salmos 51:4

Juma contra, juma contraquiw juchachasta, juchañchctas uca juch lurta. Juchañchatamajj chekapawa; taripäwimasti jan camscayaraquiwa.

Salmos 51:6

Jumarojj k'oma chuymaw cusisiytamjja, chuymajjarusti yatiñ cancañ uchtajja.

Salmos 92:7

Jucharar jakenacajj korjamas alintasipcpan, ñankha luririnacajj pankarasipcpansa, jupanacajj wiñayatac tucjatäpjjaniwa.

Proverbios 1:32

Jan yatiñan jakenacarusti jan wali luratanacapaw tucjani, pisi amuyt'an jakenacarusti jan amuyt'asitanacapaw aynacht'ayani.

Eclesiastés 8:14

Uqhamaw aca orakenjja inamayaqui asqui jakenacajja t'akhesipjje jucharar jan wali jakenacäcaspas uqhama, ucatsti jucharar jakenacasti cusisipjjaraquiwa asqui jakenacäcaspasa uqhama. Nayajj sistwa: —¡Acajj inamayaquiwa! —sasa.

Isaías 41:21

Tatitu, Jacobon reyipasti siwa: “Amparamp lurat diosanaca, jutapjjam, arsusipjjaraquim, jumanacatsti arsusipjjam.”

Isaías 48:8

Jumajj janipuniw cunapachas ucanacatjja ist'cayätati, yatcaraquiyätasa, okarapun ucanacataquejj tucutam laycu. Nayajj yatiyätwa juman jan cheka chuymanïtamjja, nacïwimatpachwa jan ist'asirit uñt'atätajja.

Jeremías 11:20

Ucampisa jichhajj take ch'amani Tatitu, chekapa uñjirïtawa; jumajj jaken amtatanacapsa yattawa. Cunjämtejj aca jakenacar mutuycäta ucsti uñjayaraquita, nayasti amparamaruw take cunanacajjsa catuyasiracsma.

Jeremías 12:6

Pachpa jilanacamawa, cawquïrinacatejj familianacamäqui ucanacaw jumataquejj sartapjje, khepäjjamatsti jan wali arunacampiw arnakanipjjaractam. Jupanacarusti janipun alcatasimti, suma arunacampi parlapcchïtam ucasa.

Jeremías 3:20

Ucampisa cunjämatejj mä yakha chachampi sarnaker warmejj chachaparojj sallkjejja, uqhamaraquiw jumanacajj nayarojj sallkjapjjesta. Naya Tatituw ucjja arsta, sasa.

Jeremías 3:7

Nayasti saraquïyätwa: ‘Uqham lurasajja inas nayan ucarojj wasitat cuttanjjchini’ sasa, ucampis janiw cuttanquiti. Judá cullacapasti yakhampi sarnaker sum uñjaraqui,

Jeremías 32:16

“Uca orake alata papelanac Baruc chacharu churjjatatsti, Tatiturusti aqhamwa oracionan arsuractjja:

Jeremías 5:11

¡Israelampi, Judämpejj nayarojj sallkjapjjetuwa! Naya Tatituw ucjja arsta” sasa.

Jeremías 9:2

Walïspawa nayanjja wasaran mä cheka utjitaspa ucan samart'añajjataqui, marcajjat jayaru sarjjañataqui. Takenisa janiw cheka chuymanïpquiti, ch'ojjña lurircamaquïpjjewa.

Lamentaciones 1:18

Tatitojj lurañapwa lurasqui, nayan camachi arunacapataqui sayt'asitajj laycu. ¡Take marcanaca, ist'apjjeta; t'akhesitajjsa uñjapjjaraquim! ¡Marcajjanquiri waynanacasa, tawakonacasa, preso apataw uñjasipjjaraqui!

Ezequiel 18:25

Jumanacajj sapjjätawa: ‘Tatitojj janiw chekaparu uñjquiti’ sasa, ucampisa ist'am Israel marca: ¿Jumanacasti amuyapjjtati nayan jan chekaparu uñjascatajja? ¿Janit jumanacaqui jan chekaparu cunanacsa lurapcta?

Daniel (hebreo) 9:14

Ucatpï, Tata, jumajj nanacataquejj aca jach'a jan walinac waquichtajja ucat nanacjjaru apayaniractajja, jumasti, nanacan Dios Tatitojja, chekapapunïtawa, take luratanacamasa chekaparaquiwa; ucampisa nanacaw jumarojj jan ist'añ munapcsmati.

Daniel (hebreo) 9:7

Jumajj, Tata, chekapapunïtawa, ucampisa nanaca judionacajj wali p'enkasipjjta; cawquïrinacatejj Jerusalén marcan jacapqui ucanacjamaraqui, uqhamaraqui yakha israelitanacjamaraqui, uca quipcaraqui cawquïrinacatejj jacapqui yakha marcanacana, uqhamaraqui jumaw ucanacarojj uqham ananucuracta juma nayrakatan sayt'asipjjatap laycu.

Oseas 6:7

“Ucampis marcajjajja Adán chachjamaraquiw arsutajjarojj jan phokquiti, janiraquiw nayatacjamäcaraquisa.

Habacuc 1:4

Leyinacajj janiw phokhascjjeti, cheka uñjäwisti taquichasitaraquiwa, jan wali lurir jakesti, asqui jakerojj arcnakaraquiwa, cheka uñjañasti maysar uñtayatawa.

Sofonías 3:5

Ucampisa Diosaw uca marcancasqui; jupasti cunatejj chekapäqui uc luri, janiraquiw jan walinacjja lurquiti. Sapa alwaraquiwa jan armt'asisa cheka arunacapjja arsuraqui. Ucampisa juchan phokt'ata jakejj jan p'enkaniraquiwa sarnake.

Malaquías 2:17

Diosasti karitäjjew jumanacan arunacama isch'uccäwejja; jumanacasti jisqhisisipcactawa: “¿Cunaraqui jiwasasti lurtan jiwasaru isch'uccäwi karjasiñapataquisti?” sasa. Jumanacasti sapjjaractawa: “Jan wali lurir jakenacajj Diosataquejj waliquïsquiwa, jupanacarusti Diosajj suma chuymampiw uñji” sasa. Jan ucajj cunapachatejj sapcta: “¿Cawquincaraqui chekaparu uñjiri Diosasti?” sasa ucapacha.

Malaquías 3:15

Jiwasasti uñjtanwa, jach'a jach'a tucurinacasti cusisitäpjjewa, jan walinac lurcasas take cunas sumaquipuniw misturapi, Diosarusa yant'apjjaraquiwa, ucampis janiraquiwa cuna mutuyäwinacsa Diosatjja catokapquiti’ ”

Deuteronomio 32:4

Jupaw jiwasan arjjatirisajja; luräwipasa chekaparaquiwa, luratapasa chekaraquiwa. Jupasti chekapa Diosawa, janiw jupanjja cunatejj jan chekapäqui ucajj utjquiti, ¡jupasti chekapawa, asquiraquiwa!