Jeremías 10:1 - Qullan Arunaca

¹ Israel marca, cuntejj Tatitojj siscätam uca arunaca ist'am.

Aymar Bibliia 1986

¹ Israel marca, cuntejj Tatitojj siscätam uca arunaca ist'am.

Qullan Arunaka DC

¹ Israel marka, kuntix Tatitux siskätam uka arunaka ist'am.

Jeremías 10:1 Jak'a apnaqawi uñst'ayäwi

1 Reyes 22:19

Micaiasasti sascaquïnwa: —Uqham satamatjja, ist'am Tatitun arunacapa: ‘Tatiturojj tronopana kont'atäsquirwa uñjta, ucatsti alajjpachanquir ejercitorusti jupa chica sayt'atäsquiriraqui, cupëjjapana, uqhamarac ch'ekäjjapanraqui.

Salmos 50:7

“Israel marcajjay, ist'ita, jumaruw khan parljjayäma; Israel marca, nayaw jumar ircatäma. ¡Nayaw Diosätjja! ¡Juman Diosamätwa!

Isaías 1:10

Sodoma marcan jilïrinacapa, Tatitun arunacap ist'apjjam. Gomorra marcachirinaca, jichhasti sum ist'apjjam cuntejj jiwasan Diosasajj yatichquistani uca.

Isaías 28:14

Ist'apjjamay Tatitun arunacapa, ñankha jakenaca, Jerusalén marca apnakerinaca.

Isaías 40:18

¿Cunampirac jumanacasti Diosarusti tinct'ayapjjasmasti? ¿Cuna yakha diosampirac Diosarusti ‘Aqhamaw’ sapjjasmasti?

Isaías 44:6

Tatitojja, jach'a reyi, Israelan khespiyiripa, take ch'amani Tatitojj siwa: “Nayätwa kalltas, tucuyasa; nayat yakhajj janiw juc'ampi diosajj utjquiti.

Jeremías 10:2

Tatitojj siwa: “Jan yakha marcanacan luräwinacapa arcapjjamti, janiraqui alajjpachan unañchäwinacatsa sustjasipjjamti, cunjämatejj uca marcanacajj sustjasipjje uqhama.

Jeremías 2:4

Jacobon wawanacapa, Israelan take familianacapa, jumanacajj takpachani Tatitun arunacapa ist'apjjam.

Jeremías 22:2

Judá orakenquir reyin nayrakatapana, cawquïritejj Davidan tronopan kont'atäqui uca nayrakatana, uqhamaraqui reyin yanapirinacapan nayrakatapansa, marcanquiri jakenac nayrakatansa: ‘Tatitun arunacapa ist'apjjam.

Jeremías 42:15

Uqhamajj jichhajj aca arunac ist'apjjam, qhitinacatejj aca Judá orakeru kheparapjjta ucanaca, cuntejj Israelan Tatitu take ch'amani Diosapajj sisqui uca: ‘Jumanacatejj Egiptoru jaquiri sarañ munapjjapunïta ucapachasti,

Jeremías 9:26

Egipto, Judá, Edom, Amón, uqhamaraqui Moab orakenacarusa, take wasara token utjirinacarusa, qhitinacatejj paranacapa qhithurasipqui ucanacarusa. Take uca marcanacasti, uqhamaraqui Israel marcasa, chuymanacapanjja janiw Diosar uñt'apquiti.”

Oseas 4:1

Israel jakenaca ist'apjjam cuntejj Tatitojj sisqui ucjja. Jupajj jichhajj ch'ajjwaruw manti, qhitinacatejj aca marcan jacapqui ucanacampejja, jupanac pura jan sum sarnakapjjatap laycu, janiraquiw cheka chuymanïñas utjquiti, ni Diosar uñt'añas utjcjjaraquiti.

Amós 7:16

“Jichhasti, ist'am Tatitun arupa. Jumasti aqham sistawa: ‘Jan Dios toketjja cuns parlamti Israel marca contrajja, ni Isaacat mirtir wawanacap contrasa’ sasa.

1 Tesalonicenses 2:13

Acanacatjja Diosarojj yuspagarapjjapuntwa, cunapachatejj jumanacajj Diosan arunacap ist'apjjta nanacajj khanañchapcäyäsma ucqhajja, jumanacajj janiw jakenacan arunacapjamti catokapcäyätajja, jan ucasti Diosan arunacapjamwa catokapjjta. Chekpachansa Diosan arunacapawa, jach'a luräwinacaracwa luri jumanac iyawsirinacampejja.

Apocalipsis 2:29

¡Qhititejj ist'añ munqui ucajj ist'pan cuntï Kollan Ajayojj iglesianacaru sisqui ucjja!’