Hechos 7:2 - Qullan Arunaca

² Estebanasti sänwa: —Munat jilatanaca, uqhamarac awquinaca, ist'apjjeta. Jach'a ch'amani Diosaw Abraham awquisarojj uñstäna Mesopotamia orakencquïpana, janïra Harán ucsaru jaquir sarquipana.

Aymar Bibliia 1986

² Estebanasti sänwa: —Munat jilatanaca, uqhamarac awquinaca, ist'apjjeta. Jach'a ch'amani Diosaw Abraham awquisarojj uñstäna Mesopotamia orakencquïpana, janïra Harán ucsaru jaquir sarquipana.

Qullan Arunaka DC

² Estebanasti sänwa: —“Israelit jilatanaka, marka apnaqir jilïrinaka, ist'apxita: Jach'a ch'amani Diosasaw Abraham nayra awkisarux Mesopotamia uraqin uñstäna, Harán uksar jakir janïr sarkipana,

Hechos 7:2 Jak'a apnaqawi uñst'ayäwi

Génesis 11:31

Taré chachasti Ur de los Caldeos sat oraketjja, Canaán orakeruw sarjjäna, jupampi chicsti Abram wawaparuw irpasjjaraquïnjja, Lot allchhipampi, Sarai yojjch'apampi cuna. Ucatsti jupanacajj Harán sat marcar purisinjja, ucan jacañataquiw kheparjjapjjäna.

Génesis 12:1

Mä urusti Tatitu Diosajj Abramarojj aqham sänwa: “Orakem apanucuwayjjam, familianacamsa, uqhamarac awquiman utapsa, cawquïr oraktejj nayajj uñacht'aycäm ucar sarjjañataqui.

Génesis 12:5

Jupampi chicsti irpasjjaraquïnwa Sarai warmiparu, Lot sobrinopar cuna, take yänacapampi, uqhamarac kawkha jakenactejj Harán chekan jicjjatcatayna uca jakenacampi cuna. Cunapachatejj Canaán oraker puripcän,

Génesis 15:7

saraquïnwa: —Nayätwa Tatitojja; nayaw Ur sata Caldea oraket irpsunsma, aca orake jumar herenciat churañataqui —sasa.

Génesis 29:4

Jacobosti awatirinacarojj jisct'änwa: —¿Cawquinquirïpjjtas jumanacajj, jilatanaca? —sasa. —Haranancapjjerïtwa —sasaw awatirinacajj sapjjaraquïna.

Nehemías 9:7

“Juma Tatit Diosaraquiw Abramarus ajllisiractajja; jumaw caldeonacan marcapana Ur sat chekata apsuniractajja, ucatsti Abraham sutimpiraquiw suticharactajja.

Salmos 24:10

¿Qhitirac khapak marcanquir Reyisti? ¡Take atipir Tatituwa! ¡Jupaw khapak marcanquir Reyejja!

Salmos 24:7

¡Wiñay puncunaca!, jist'artapjjam, nayrapach jist'añanacajj jist'araspan: khapak marcanquir Reyisti mantaniwa.

Salmos 29:3

Tatitun arupajj lamar kotan ist'asi, khapak cancañan Diosajj khojjokeyiwa; Tatitojj jach'a lamar kotjjan ist'asiyi.

Isaías 37:12

¿Cuntejj nayra awquinacajjajja t'unjcän uca marcanacarusti diosanacapasti khespiyiti? ¿Guzán, Harán, Resef, uqhamarac Bet-edén ucan jakenacapasa qhititejj Telasar chekan jaccäna ucas khespiti?

Isaías 51:2

Abraham awquimaru, uqhamaraqui jumanacar jacañ churiri Sara taycamaru uñtapjjam. Cunapachatejj nayajj jupar jawscta ucqhajj sapaquïscänwa, ucampis nayajj bendistwa, walja wawanac churasa.

Isaías 6:3

Maynit maynicamaraquiwa parlasipjjäna: “Kollana, Kollana, Kollanawa take ch'amani Tatitojja; take aca orakesti jupan jach'a cancañapampi phokhantatawa” sasa.

Mateo 6:13

Janirac yant'äwiru puriyapjjestati, jan ucasti ñankhatjja khespiyapjjeta.’ [Jumanquiwa jakenacaru apnakañajja jach'achatäñamasa wiñayan wiñayapataqui. Uqhamäpan.]

Lucas 2:14

“¡Diosajj jach'añchatäpan alajjpachanacanjja. Aca orakensti sumancañaraqui utjpan qhuyapayasiñapat cusisipqui uca jakenac taypina!”

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Juan 12:41

Isaiasasti acjja arsünwa Jesusan jach'a cancañapa uñjatap laycu, jupataracwa parläna.

Hechos 22:1

“Jilatanaca, uqhamarac awquinaca: Ist'apjjam cuntejj nayajj arsuscä ucanaca” sasa.

Hechos 23:7

Uqham satapatsti fariseonacampi saduceonacampejj jupanac puraw ch'ajjwañar mantapjje. Ucatwa uca tantachasïwejj payar t'akjtawayi.

Hechos 7:1

Ucatsti sacerdotenacan jilïripajj Estebanarojj jisct'änwa: —¿Take acanacajj uqhamapuniti? —sasa.

1 Corintios 2:8

Acapach marca apnakerinacajj aca Diosan amtäwipjja janiw amuyt'apcänti. Amuyt'apjjasapän ucajj janiw alajjpach Tatiturojj crusan jiwayapcasapänti.

Efesios 1:17

Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

Tito 2:13

Yaticharaquistuwa mä cusiscañ suyt'äwimpi jacañasa, jach'a Khespiyiri Jesucristo Diosajj uñstancani uc suyasina.

Hebreos 1:3

Jupawa Diosan jach'a c'ajquir khanapajja, juparaquiw cunäquitejj Diosajj uc uñacht'ayirejja, juparaquiw ch'aman arupampejj take cuns catjjäsi. Juchanacasat k'omachasinjja, alajjpachanjja Diosan tronopan cupëjjaparuw kont'asi.

Hebreos 11:8

Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti.

Santiago 2:1

Munat jilatanaca, jumanacajj Cristo Tatitusar iyawsirinacjamajja takenirus mayaqui uñjapjjañamawa.

Josué 24:2

Takpach Israel marcaruw parläna: —Aqham siwa Israel marcan Diosapajja: ‘Nayrapachajj jumanacan nayra awquinacamajj, Taré chacha, Abraham, Nacor sat wawanacapampejja, Eufrates sat jawira lacanacan jacapjjäna, uqhamaraquiw yakha diosanacaru yupaychapjjäna.

Apocalipsis 4:11

“Tata, nanacan Diosajja, jumajj asquïtawa jach'añchäwi, gloria, uqhamarac munañanïña catokañataquejja. Jumaw take cuns ina ch'usat lurtajja, munañamataracwa take cunas jacascaraqui, juman uscutaraquiwa.”