Hechos 10:2 - Qullan Arunaca

² Jupasti Dios chuyma jakënwa, uqhamaraquiw Diosar ajjsartas sarnakerïna, takpach familiapampi. Jupasti judionac taypit pobrenacar walja limosna churirïnwa, Diosar jan armt'asis oracionan mayisiriraqui.

Aymar Bibliia 1986

² Jupasti Dios chuyma jakënwa, uqhamaraquiw Diosar ajjsartas sarnakerïna, takpach familiapampi. Jupasti judionac taypit pobrenacar walja limosna churirïnwa, Diosar jan armt'asis oracionan mayisiriraqui.

Qullan Arunaka DC

² Jupasti khuyapayasir jaqïnwa, taqpach utapankirinakapamp chikaw Diosar yupaychäna. Jupax judionakar yanapañatak walja qullqi churarakirïna, Dios chuyma jaqïtap laykux, jupax Tatitur mayisipunirïnwa.

Hechos 10:2 Jak'a apnaqawi uñst'ayäwi

Génesis 18:19

Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.

1 Reyes 8:43

jumajj alajjpachatpachjja ist'anim, cawqhantejj jactajj ucqhatpacha, ucatsti churaraquim cuntï mayctam ucjja, uqhamata aca orakenquir take marcanacajj jumar uñt'apjjañapataqui uqhamarac jach'añchapjjañapataqui cunjämatï Israel marcamajj lurqui uqhama, ucatsti sutimajja aca templo jumataqui lurcta ucana aytatätap yatipjjañapataqui.

2 Crónicas 6:33

jumajj alajjpachatpacha ist'amaya, cawqhantejj jumajj jactajja ucqhatpacha, ucatsti churamaya cuntï mayctam ucjja, uqhamata aca orakena take marcanacajj jumar uñt'apjjañapataqui, ucatsti Israel marcamjamaraqui jumar jach'achapjjañapataqui, ucatjja jupanacajj amuyapjjañapataqui aca templo jumataqui luraycta ucana sutimajja aytatätapa.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Job 1:5

Uca mank'äwi pasatatsti, Job chachajj wawanacapa jawsayasinjja wali alwata sartasinwa sacrificionac nact'ayasin loktirïna, uqhamata sapa mayni jupanacajja juchanacapata k'omachatäñapataqui. Uqhamsti Job chachajja lurirïnwa wawanacapajja inampisa chuymanacapana jan walinaca amtasinjja Dios contra jucha lurapjjaspa uca amuyasina.

Salmos 102:15

Takpach marcanacaw Tatitun khapak sutip wakaychapjjani, acapach reyinacasa, aytat cancañamataquiw ajjsarthapipjjani,

Salmos 119:2

Tatitun arunacapar jaysirinacajj cusisiñaniwa, takpach chuymamp jupar thakerinacajj cusisiñaniwa,

Salmos 25:5

jumat jan jithektas sarnakayita; jumaw Diosajjätajja, Khespiyirejjätasa, jumaruw take chuymamp sapür suyt'ascsma.

Salmos 41:1

Jan cunan jakempiru, pisi ch'aman jakempir uñjirejj cusisiñan jakewa, Tatituw jan walt'añ urunacan juparojj khespiyani.

Salmos 55:17

Jayp'usa, willjtasa, chicürusa, jacht'asisaw jupar yatiyasï. Diosasti mayisitajjarojj ist'aniwa.

Salmos 86:3

Tatay, nayat qhuyapt'ayasita, jumaruw sapür art'asinsma;

Salmos 88:1

Tatitojjay, Khespiyir Diosajjay, urojj yanapam maysma, arumasti nayrakataman arnakasta;

Eclesiastés 7:18

Jan sinti inampst'añampi atipjayasimti, jan ucasti wali amuyt'asisa sarnakam. Qhititejj Diosar ajjsarqui ucajja, take acanacampejja asquiruw mistsuni.

Isaías 59:19

Takeniraquiwa, inti jalsu toketpacha inti jalanta tokecama, Tatitun jach'a cancañap uñjasajj ajjsarapjjani. Jupasti walja umani jawirar uñtataw jutani, mä jach'a ch'amani thayan onjjtayataraqui.

Daniel (hebreo) 6:10

Daniel chachasti, uca arsüwi uqham luratätap yatïn ucapachasti, utaparuw saräna, uta ventananacapa jist'arasïna, uca ventananacasti Jerusalén marca toker uñtanitänwa, quillt'asisinwa Diosat mayisïna, uqhamaraqui yupaycharaquïna. Ucsti Daniel chachajj quimsa cutiw ucjja urunjja luräna, cunjämatejj luriricän uqhamarjama.

Daniel (hebreo) 6:16

Uqhamasti reyejj Daniel chacharu irptayaniñataquiw arsuraquïnwa, ucat leonanacan putuparu jakontapjjañapataqui. Ucampisa janïra uca arunacajj phokhasquipanjja reyejj Daniel chacharojj aqham sasaw saraquïna: —Cawquïri Diosamarutejj jumajj take chuymamampi sirvcta ucasti jumarojj khespiypan —sasa.

Daniel (hebreo) 6:20

uca puturu jac'achasisinsti reyejj Daniel chacharuw wali llact'ata arumpi jawsäna, aqham sasa: —Daniel, jacquiri Diosan sirviripa, ¿cawquïri Diosamarutejj take chuymamampi sirvcta ucajj khespiytamti leonanacan lacapatjja? —sasa.

Daniel (hebreo) 6:26

Arsuractwa, mayiractwa take aca orake apnakcta ucanjja, Daniel chachan Diosapajj ist'atäpan uqhamaraqui ajjsaratäpan. “Jupaw jacquiri Diosajja, wiñayataquiwa. Jupan reinopajj janipuniw t'unjatäcaniti, ch'amapas janiraquiw tucuscaniti.

Mateo 25:17

Uca quicpracwa pä warank catokerejj luraraquïna, jupasti pä warankampracwa jicjjatatayna.

Lucas 18:1

Jesusasti mä uñtasïwi tokew yatichäna, jan mayjt'asis oración lurañataqui.

Lucas 2:25

Qhaya urunacansti Jerusalén marcan mä chachaw utjäna Simeón sutini. Jupasti wali suma jakënwa, Diosaru, suyt'ascaraquïnwa Israel marcan khespiyäwipa. Kollan Ajayuw jupampiraquïna,

Hechos 10:22

Jupanacasti sapjjaraquïnwa: —Capitán Corneliow qhitanipjjetu. Jupajj asqui jakewa, Diosar ajjsartas sarnakeriraquiwa, take judionacansa sumat uñt'ata. Juparojj Diosan mä angelapaw parlatayna, utapar jum jawsayañataqui, ucata arunacam ist'añapataquiraqui —sasa.

Hechos 10:31

Jupasti nayarojj situwa: ‘Cornelio, oracionanacamjj Diosajj ist'tamwa, pobrenacar qhuyapayatanacamas Dios nayrakatanjja asquit uñt'ataraquiwa.

Hechos 10:35

Jupasti cuna cast jakerus catokaquiwa, qhitinacatejj jupar ajjsarqui, uqhamarac asqui lurapqui take ucanacarusa.

Hechos 10:4

Corneliosti wali ajjsarasaw angelar uñcatasinjja jisct'i: —¿Cunach, Tata? —sasa.

Hechos 10:7

Corneliomp parlcäna uca angelan sarjjatapatsti, jupajj uywatanacapat paniniruw jawsäna, uqhamarac maynïri soldadorusa. Uca soldadosti wali Dios chuymänwa, Cornelionsa wali munataraquïnwa.

Hechos 11:14

Juparaquiw sätam cunjämtï jumasa, familiamas khespiyasiñamäqui ucjja’ sasa.

Hechos 13:16

Ucapachaw Pablojj sayt'asi, ucatsti amparapampiw loktaraqui amuct'apjjañapataqui, saraquïnwa: —Ist'apjjam Israelanquir chachanaca, uqhamaraqui Tatitur ajjsartas sarnaker jakenaca.

Hechos 13:26

“Jilatanaca, Abrahaman wawanacapa, uqhamarac qhitinacatejj jumanac taypit Diosar ajjsartas sarnakapcta ucanaca, take jumanacataquiw aca khespiyäwi arunacajja.

Hechos 13:50

Ucampis judionacajj mä kawkha asquit uñt'at warminacaru, uqhamarac uca marcan wali aytat chachanacampiruw parlapjje. Jupanacarusti Pablo uqhamarac Bernabé contra sayt'apjjañapataquiw amtayapjjaraqui uca marcat jaksuñcama.

Hechos 18:8

Sinagogan Crispo sat jilïripasti familiapamppachaw Tatiturojj iyawsjjäna. Corintonquir jakenacatsti waljaniraquiw Tatitun arunacap ist'asinjja iyawsapjjäna, ucat bautisasipjjaraquïna.

Hechos 2:5

Ucürunacansti Jerusalén marcanjja, yakha marcanacat jutir judionacaw utjaraquïna. Jupanacasti Dios chuyma jakenacäpjjänwa.

Hechos 22:12

“Uca marcansti mä chachaw utjäna, Ananías sata. Jupasti Moisesan leyip wali sum phokheriraquïnwa. Take Damasconquir judionacas juparojj wali sumat uñt'apjjäna.

Hechos 8:2

Estebanarusti Dios chuyma jakenacaw imjjapjjäna. Jupatsti wal jachapjjaraquïna.

Hechos 9:11

Tatitusti juparojj saraquïnwa: —Jichhajj janc'aqui saram, Derecha sat calleru. Ucatsti Judasan utapan Tarsonquir mä jaker thaktam, jupasti Saulo sutiniwa. Jupajj oración lurascaraqui.

Hechos 9:31

Ucapachasti jach'a samarañaraquiw iglesianacanjja utj-jjäna, Judeana, Galileana, uqhamarac Samariana. Jupanacasti wali ch'amaniraquiw tucjjapjjäna. Tatitur ajjsarasaraquiw sarnakapjjäna. Uqhamatwa Kollan Ajayun ch'amapampejj waljaniptapjjaraquïna.

Hechos 9:36

Ucürunacansti Jope marcanjja Tatitur arquir mä warmiwa utjäna, Tabita sutini, griego arunjja, Dorcas satawa. Uca warmisti asqui lurirïnwa, pobrenacar yanapt'iriraquïnwa.

Colosenses 4:2

Oracionjj lurapjjapunim, suyt'apjjaraquim Diosar yuspagarasa.

1 Tesalonicenses 5:17

Jan inact'as orapjjam.

Santiago 1:5

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.

Apocalipsis 15:4

Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.